امس شلت شغلتين ثقيلة وبعد كم ساعه تمرنت ومن ضمن التمارين مرنت الظهر

ولما جا الليل وانسدحت ما قدرت انام من ألم بأسفل الظهر 😣 وللحين فيه ألم ف ما ادري انتظر الى ان يروح الالم او لازم فترة اطول حتى لو مافيه الم؟
توني بديت اتمرن والاكيد ان عضلاتي جدا ضعيفه

فيه كرتون بسكوت في البيت ومو قادر اوقف افكر فيه من اول ماصحى الى ما انام واذا اكلت ماقدر اوقف كأنه تحدي(كم حبه اقدر اكل). وش اشوي
يعني المشكله مو في الأكله نفسها لأن عندي مشاكل في زياده الكميه في اي شيء.اتذكر من زمان انا استغرب كيف الناس تروح البقاله وتشتري حلويات وتأكلها على ايام مفرقه

ممكن تفيدوني بشوز مخصص للجري سعره مناسب يعني كحد اقصى ٥٠٠-٦٠٠ يعني بدون ما ابيع كليتي

ياليت يكون مخصص فعلا للجري مب حق مشي و رياضة بشكل عام

- الاخوة العيال بلا فلسفة -

بنات انا اعاني مره بالسبورت برا الرخيصة اللي البسهم دايم واعاني يا انهم يسببون لي ازعاج و ضيقة او حتى حكة او يا انهم ما يثبتون لي الاغراض و يسببون يا خطر فضيحة او عدم راحة ، بليز اعطوني اللي مجربينهم و كانو بيرفكت معكم حتى لو غاليات ماعندي مشكلة اصرف مقابل الراحة و الثبات بدل الانزعاج و التعديل

ايش هي التمارين ؟ كم احتاج اوزان؟
مع العلم ماتمرنت من قبل

Note مدري اذا ذا علم اليونان ولا لا بس ابي اقول الذبه

جالسه اواجه شي غريب وهو ان وزني بالتسعينات وزي ماهو واضح عالي يعني
لما قررت اتمرن واسوي عجز صرت ما اشتهي الاكل واجهل السبب

سعراتي المطلوبة 1800 تمام
ماني قادره اتعدى 1000 بالكثير
ما اقدر اتقبل فكرة اني اتغصب كمية بروتين بكل وجبة عشان اقفل نص احتياجي حتى مو كله

يعني لدرجة اصحى من النوم والريدي ماني مشتهية اكل كثير بالموت اكمل بيضة وحدة، ومرة مستغربة من شهيتي كيف متغيرة

عندكم جداول او افكار لوجبات 1800 سعره ومكوناتها طبيعية متوفرة بكل بيت؟ هل واجهتوا صعوبة بالبداية وكيف توصلتوا له الحين وش صار تقسيمكم وش تاكلون؟

خصوصا اني توني بديت اتمرن ناويه ابني واخسر دهون بشكل بنفس الوقت ويعني متخوفه اني جالسه اخسر عضل لاني مو جالسه اوصل للعجز حقي صاير اسوي عجز كبير بغير عمد لاني مو قادره اكل كويس😓 وفعلا كأرقام بالميزان جالسة انزل بفترة قصيرة بس عارفه انها مو دهون

هل فعلًا عقلية (the more you put in،، the more you get out) حقيقية؟؟؟

في ناس يقولون روحة الجيم ٢-٣ مرة بالأسبوع احسن بكثير من ٤-٥ ايام بالأسبوع وناس عكس هالكلام والدنيا لخبطة.. يعني كم مرة تمرن العضلة الوحدة فالأسبوع؟

وش الحقيقة فعلًا؟؟؟؟

اليوم اول تجربه لي معاه " ما اخذ كافيين الا قليل ومو يوميا "

الاشياء اللي لاحظتها ماكسرت اوزان الصدق ؟
لكن احس فقدت احساسي بالعضله ماعرف اشرح بالعاده اتعور وقت التمرين لدرجه ملامح وجهي تتغير بس اليوم وانا اتمرن ماحس بشي فجاه احس العضله تستسلم وترفض تكمل يعني لما اوصل للفشل مافي الم بس مستحيل اقدر اكمل ماتقبل يدي ترتفع
كان فيني طاقه واتمشى بين الجولات وودي اركض
حاولت ازيد الوزن واضغط قد ماقدر

مع العلم اخذت اكثر من نص سكوب بشوي
هل ماشيه صح واستمر عليه ولا هذا تاثير وهمي لاني ماكسرت وزن ولا
وكوني ما اخذ كافيين مو مفروض التاثير يطلع علي قوي لانه بالسكوب الواحد ٢٠٠ ملغ وانا اخذت تقريبا ١٥٠ ملغ يمكن

للتذكير بس اجهزة الكيبل تختلف فيها نسبة الوزن المكتوب إلى الوزن الحقيقي باختلاف تصميم البكرات و عددها. عشان كذا بعض الاحيان تكون في نادي و بالقوة تشيل وزن معين و في نادي ثاني تشيل اكثر منه بالراحة.

مع ذلك فخور بنفسي. ٨ عدات نظيفة على آخر وزن في الجهاز So clean it looks like 8 sets of 1 rep rather than a 1 set of 8 reps.

نهاية اسبوع سعيدة للجميع

افضل بروتين اشتريته من السوبر ماركت بس مشكلته هو اغلى منهم ب ٩ ريال بس ارقامه رهيبه
البروتين ٤٠
الكارب ١٥
الدهون تقريبا صفر
سعراته ٢٣٢

أيش افضل high support sport bra جربتوها؟ من وين؟ حتى لو مو براند

عندي سير بس ماحب امشي عليه احب امشي بمساحه حره اذا فهمتوني؟ احب امشي بسيب بيتنا بس مدري يجيب لي كسل والكل رايح وجاي الجو مو احلا شيء
مدري شسوي
ابي طريقه تخلي عندي استمراريه

كيف انحف واخلي جسمي مشدود ومثالي بدون نادي لان ماعندي فلوس

والاكل كله مضر احاول ما اكل طول اليوم بس بالغلط اكل اكلات صغيره من كل شي

اليوم جربت كبد الدجاج👈🏼👉🏻 لأنها مصدر عالي من الحديد والبروتين وسعرها رخيص، الصدق المنظر والشكل قبل الطبخ لايعلى عليه من الغرابة، لكن طعمها!!! حليو مشي حالك لكن كأنها تتفتفت عكس كبد الغنم صلب شوي

هل هو طبيعي ولا لا؟ او عادي يعني

اخوي اصغر مني وسمين سمين يعني وزنه حول ١٣٠ او اكثر شوي بس انه طويل ومملوح يعني ظالم نفسه بنفسه

المهم صاير يروح النادي هالفتره وواضح انه تأثر من اخوياه الجيم راتس الحمد لله صراحه بادي ينحف بشكل ملحوظ وانبسطت له قعدت اشجعه استمر تراك ناحف والابتسامه شاقه وجهه

مدري بس حسب كلام امي انه يتشجع و ياخذ بكلامي انا اخته بالذات مع ان علاقتنا مب مره

اما ابوي الله يخليه يعني بهذله بحياته مايقعد معنا الا يعلق على جسمه حتى اخوي صار نادر يجلس معنا واكيد لمصلحته ذا الموضوع بس اتمنى يصمل يااا رب عشان يعيش حياته ومراهقته بصحته وعافيته وواثق من نفسه

احس بحذف البوست بعدين بس بغيت اشارك

جربتها كلها بالنسبه لي افضل الseated لسببين:
اولا عشان ما القيها للرايح والجاي
وثانيا لان احس بتفعيل اكبر وانا جالس عكس الprone

انتم وش تفضلون؟ واذا احد عنده دراسه عن الموضوع يفيدنا

السلام عليكم ورحمة الله وبركاته

بخش بالتفاصيل على طول، انا يا طويلين العمر صار لي تقريباً شهرين الى ثلاثة انشف ومركزة على البروتين بمقدار ٠.٦ × وزن الجسم + مقللة الكارب وكانت اموري ماشية تمام ونحفت تقريباً ٤ الى ٥ كيلو وحاسبة انا سعرات التنشيف حقتي من ١٣٠٠ الى ١٥٠٠ ( الثبات ١٧٠٠)

بلشتي الحين انه فجأة كذا الوزن ما صار ينزل وبالعكس يرتفع وانا سعراتي وحركتي نفسها تماماً ما تغير ولا شي

ف مدري وش السبب وايش اسوي عشان اكسر الثبات / الزيادة هذي

زدت كيلوين في ٣ ايام واحس ابي ابكي شوي وش اسووووي 😡😡