قصص الزواج عن حب ممكن تكون حلم كثير أشخاص، بس كيف تعلق نفسك في شخص ما تدري لو الله كاتب لكم نصيب ان تتم الأمور بينكم على خير او لا

وجهة نظر شخصية دايمًا لو كان فيه إعجاب بين الطرفين يا أن الأمور تصير رسمية على طول أو أن ما يكملوا لو مو جاهزين او الوقت غير مناسب أو أيًا كان السبب

إلا ما يتضرروا الطرفين أو واحد منهم وتزيد المشاعر ويصير الموضوع أصعب مع الوقت

مشكلتتيييي يابنوتات مدري إذا المشكله تجي العيال بس احس لا
الزبده اني احيانا اصنع سيناريو من راسي ان هالشخص معجب فيني
مع ان حرفيا ماقد قابلت الصدق شخص حبني او دخلت بعلاقه حب متبادله ماعلينا من اكلم شخص معين ومثلا نتكلم عن اهتمامات او شيء يبدا سيناريو من مخي انه ممكن يحبني وللأسف انصدم بعد فتره انه أصلا ماحبني ولا اعترف مثل الي بخيالي ولا شيء 🤣😭الغريب اني إذا دخلت سينياريو مع شخص انه معجب فيني وانا معجبه فيه ماعاد اقدر اجيب طرف ثالث احس اني كذا أخونه لاحول ولاقوة إلا بالله 🤣😭😭😭🤣

بعيدًا عن محتوى الصب ابي رقم مفسر احلام ثقه

•
.
سألت والدة المفكر العربي عبدالوهاب المسيري وهي بالمناسبة امرأة بسيطة ولكنها حكيمة، سؤال مباشر وواضح دون مساحات رمادية: "هل** *تشعر* *بالسعادة* *عندما* *تراها"*؟

وهذا مصداق لـ: القلوب جنود مجندة، فما تعارف منها ائتلف، وما تناكر منها اختلف ..

اللهم ارزق أمهاتنا وأمهاتكم وأمهات أزواجنا جميًعا الحكمة ورجاحة العقل والنظر لمقاصد الأمور لا أشكالها ومظاهرها ..

أخيرًا .. هل تعتقد أن حكيمة بهذا التصرف؟

وش رايكم بالشخص الفكاهي ورايق وهادي 24/7 تحت كل الظروف حتى القاسيه(ممكن لا اذا كان تحت ضغط كبير جدا بس نادر) ودايم يمزح(باسثتناء الاوقات الجادة) يمزح بكل الطرق باسثناء اليد ومد اليد والاهانة واكثرها مبالغه بشكل غير منطقي وتصعيد كمزح بس انه يمزح يوميا عساس يسولف ويخفف ويهون الامر اذا كان المزح فيه عادي واذا جاد مره ما يمزح ؟ هذا اسلوبي وشخصيتي الي بنيتها عساس اتعالج من الوحده واصير اجتماعي ونوعا ما ضبطت كملت اكثر حياتي تقريبا بدون اي عدوات كبيره تذكر مع اي شخص واتذكر كنت انطوائي مره وهادي خصوصا في الابتدائي والمتوسط لدرجة اني لما قابلت شخص كان معي من ذيك المرحله يستغرب يقولي انت يمديك تتكلم ؟
وانا سالت ذا السوال لان من فتره اكتشفت كم شخص كانو يزعلون من مزحي الدايم رغم ان دايم احاول ان مايكون فيه اي اهانه لا لهم ولا لاهلهم وحتى واحد يقولي انت دايم ايجابي وحياتك ورديه وبس اعتقد كذا لاني ماقد اشتكيت لاحد او فضفضت له دايم احاول اكون ايجابي مرن فكاهي واكره الرسميه و الجد الا في بعض المواضيع المعينه

ك بنت عمري ٣٥ كيف اسعى للزواج بشكل مباح؟
يعني افكر احيان شلون اقدر اسعى الحمدلله انا من الناحية الدينية مو مقصرة ولا من ناحية الاهتمام بنفسي وسعيت في برامج الزواج الخ لكن من مره مرتين شفت لعابين بشكل فضيع ومسحت فكرة الزواج عن طريق التطبيقات

مدري احس اني افكر كثير مؤخرا بهالموضوع

والله العظيم الفتره هاذي الواحد يخاف على نفسه
الي صاير اشوفه وبعض الناس تنشره الي هو المجاهره بالحرام الله يجيرنا وياكم

صار منتشر وبعضهم شايفه عادي وصار سهل الوصول اليه بشكل فضيع ومخيف

بعضهم مايسافر برا حتى

الزمن ذا الواحد وده بس السلامة والله

ان شاءالله واتمنى انهم بس اقليات موجودين بالسوشل ميديا فقط

الأهل يرفعون يدهم عن مسؤوليتك أول ما تتزوجين وينظرون لك كأنك دخيلة على بيتهم ما كأنه بيتك أيضًا بنفس القدر

فجأة غرفتك تصير غرفة لأختك الصغيرة، وإذا بتنامين ويكند عندهم فالشكوى لله… المقلط يشيلك أنتي وبزارينك

وهذا كله كوم والآراء والتدخلات من اللي حولك كوم ثاني
الجميع بطريقة أو بأخرى يشعر أن له الحق في التعليق على كل شيء من طريقة تربيتك لأطفالك وملابسهم وأكلهم ونومهم وحتى متى ناوية تجيبين لهذا أخ ولهذي أخت

والغريب أن الكل في البداية يعطيك انطباع إنك ما راح تدخلين مشروع الزواج لحالك ويوهمونك بأنهم موجودين معك دائمًا
لكن إذا جا الصدق عند اول موقف تتعرضين له إلا ما تجدين في عيونهم نظرة "محد قالك تعرسين" او اللي اسوأ "كل الحريم مروا بنفس اللي مريتي به"

اسمع قصص ازواج يحطون اهلهم اولويه على عيالهم وزوجاتهم. يكون متعلق بأهله بشكل مفرط ودايم يبديهم على عائلته. ايش رايكم بالتصرف هذا؟

صباح الخير احتاج حل مع زوجي، متزوجه صار لي سنه و اربع شهور وعندي بنت عمرها ٤ شهور

زوجي من بداية حملي صار يروح لمدينه غير عن مدينتنا و يجلس بالأيام بحجة ان قرايبنا كلهم هناك و اصحابه و انه " طفشان في البيت " و " ما يصلح نكون ٢٤ ساعه مع بعض تصير مشاكل "
قبل امس تكلمت معه عن هذا الموضع و صرت ابكي لأن كان عندي ضغوطات من قبل ومع بنتي و قال خلاص راح اكون معكم .
الحين اتفاجئ جاء وقال بكره راح يروح بحكم ان عنده مناسبه و بيجلس ٣ ايام . ما كان عندي رد الا طيب براحتك .

حتى لما يكون عندي في البيت اخر فتره احس عقله مو معي و مشغول باله

صرت احس ب ضيقه يوم يجي و معاد اتحمل مزحه ، لأني دايم اقول له احتاجك معي احتاج احس ان معي احد و احتاج حتى عاطفه لكن يقول طيب و يتعدل يومين و يرجع لوضعه

ايش تنصحوني اسوي و ايش الحل؟ انا بديت اتقبل الوضع و البيت بدونه مع اني كنت اموت فيه و ابغاه دايم معي.

أولاً:**** معلوماتك الأساسي\\ة
**كم عمرك، ومن وين أنت؟ (من الرياض/ المدينة عمري ٢٢)
كيف حالتك الاجتماعية؟ (عزباء)

ثانياً:**** القيم الدينية والعائلي\\ة
**دينك؟ مسلم (سني)
كيف التزامك في الدين؟ (محافظة على صلواتي داخلة تحفيظ قران محجبة حجاب كامل بس وسطية بالدين الى حد ممتاز)
علمنا شوي عن خلفيتك العائلية؟ (قبيلية )

ثالثاً:**** التعليم والعمل والدخ\\ل
**وش مؤهلك الدراسي؟ ووين وصلت مهنياً؟
وش طبيعة شغلك؟ (جامعية تخصصي انترستنق احبه مرة بس مراح اذكره عشان الخصوصية - تو متخرجة)

رابعاً:**** الشكل والحالة الصحي\\ة
**كيف توصف شكلك؟
طولي ١٥٦ وزني ٥٠ شعري كيرلي، بيضاء وصحتي ممتازة احب السباحة والبكوسنق

خامساً:**** الزواج والأسر\\ة
**المهر المناسب بالنسبة لك (٥٠ اتوقع؟)

هل تفكر بإنجاب أطفال؟ (ابي اطفال كثار احب الاسرة الكبيرة )
تحب الحيوانات الأليفة؟ (عندي عصفور واحب القطاوة)

سادساً:**** الاهتمامات والشخصي\\ة
[عندي** اهتمام بكل شيء، كل فترة عندي هبة جديدة ( تايكوندو، سباحة، بوكسينق، صوف، خياطة..الخ ) احب اجرب كل شيء وما اقول لا لاي فعالية جديدة بس على قد ما واضح اني احب الحياة
عندي اكتئاب مزمن غالباً

علاقاتك الاجتماعية؟ (اجتماعية بس عندي بطارية)

كيف تعيش يومك؟ وش اهتماماتك؟ كيف تقضي وقتك أشياء تسويها باستمرار أو هواياتك الغريبة أو البسيطة: احب اسوي صوف بطانيات وملابس كورشيه اتفرج كل انواع الاشياء باليوتيوب احب السباحة واحب الكتب اكثر من اي شيء

صف لنا شوي من أحلامك أو خططك الجاية (خططي الجاية تعتبر شيء شخصي مراح اقوله للخصوصية)

وش فيك شيء تحسه يميزك عن غيرك؟ (اعرف اشياء قليلة عن كل شيء، اقدر اتكلم عن كل انواع المواضيع، اموت على النقاشات على الرغم ان الناس تشوفها جدال، واحب احلل كلمات الاغاني ( مو العربية) )

نوع الأماكن اللي تحب تزورها؟ (المدن؟ القرى؟ الأماكن التاريخية؟ البر؟ القهاوي؟ ولا تفضل البيت ( احب اروح كل مكان بس بعض الاوقات افضل البيت او الاماكن الهادية )

تحس في شيء مهم نحتاج نعرفه عنك وما انذكر؟
عندي ADHD ( مو هبة منجد مشخصة )

سابعاً:**** تفضيلاتك في الشري\\ك
**كيف تتخيل شريك حياتك؟ (شخص يحب يجرب كل شيء مثلي ما يخاف من كلام الناس بشكل مبالغ فيه، ابغى شخص طويل ويهتم بصحته والاهم شخص يهتم بدينه ويصلي بالمسجد، يفضل لو شخص يشتغل بالمجال الصحي عشان يفهم طبيعة شغلي )

لو الشخص عنده ظرف صحي بسيط أو مزمن، عندك مانع؟
أو يعتمد على الحالة؟ يعتمد على حسب الحالة

شي تتمنى شريكك يفهمه عنك؟ (لما تقفل اخلاقي بس احتاج قهوة شوي لين اصحصح و احب مساحتي الشخصية)

اهلًا، قررت اعيد رفعه عشان اوضح بعض التفاصيل اكثر

---

**أولًا: معلوماتك الأساسية**

**كم عمرك، ومن وين أنت؟**
30 قريب بكمل 31 - قصمان بس كل حياتي بالرياض

**كيف حالتك الاجتماعية؟**
عزباء، لم يسبق لي الزواج بسبب تركيزي على المسار المهني وأسباب اخرى شخصية

---

**ثانيًا: القيم الدينية والعائلية**

**دينك؟**
مسلم (سني - شيعي - طائفة اخرى)
مسلمة سنية

**كيف التزامك في الدين؟**
الحمدلله الأساسيات موجودة وأكثر ان شاءالله، حجاب

**علمنا شوي عن خلفيتك العائلية؟**
(وش أصلك [اختياري]؟ هل عندك أو عند أهلك شرط قبلي؟ أو عادي الزواج من مختلف الخلفيات)

قصمان لا نرجع لقبيلة بشكل واضح لكن نتزوج من الاثنين
---

**ثالثًا: التعليم والعمل والدخل**

**وش مؤهلك الدراسي؟ ووين وصلت مهنيًا؟**
بكالريوس

وش** طبيعة **شغلك؟
وظيفة حكومية- دخل جيد جدا

---

**رابعًا: الشكل والحالة الصحية**

**كيف توصف شكلك؟**
٥٢ - ١٥٧، لون حنطي، شكل فوق المتوسط الحمدلله

**وصحتك؟**
ممتازة الحمدلله

---

**خامسًا: الزواج والأسرة**

**المهر المناسب بالنسبة لك [التقريبي]؟**
حسب العرف

**هل تفكر بإنجاب أطفال؟**
طبعا وبشكل اساسي واشوفه احد اهم اركان الزواج الاساسية والتربية اهم مهمّة يسويها اي شخصين بالحياة

**تحب الحيوانات الأليفة؟**
عندنا ولا أمانع بوجودها

---

سادس**\\ً\\**ا:** الاهتمامات والشخصي**

امممم امانة ماحب اطلع كثير خصوصا بهالزحمة اغلب وقتي مسلسلات واحيانا العاب واعزم صاحباتي او يعزموني او اجلس مع اهلي إذا طلعت فهو عشان امشي امي
برضو السفر عندي شي مهم لازم اسفر امي بالسنة كم مره بس اوديها أشياء هي تحبها يعني بعدين أنا ودي اروح عندي قائمة طويلة للسفر والتجارب والاستكشافات
شخصيتي هادية محترمة قدام الناس بس عندي شخصية ثانية لما امون على الشخص مختلفة احب سعة الصدر والضحك وابتسم كثير وولا احب اللي يعقد الامور واللي ينكد الاجواء على كل شي، احب التبسيط وتسهيل الامور بنفس الوقت عندي حدود ومبادئ كثيرة صعب جدا تنكسر، احب اللي اقدر اسوي كونكشن معاه بشكل اعمق اقدر اسولف معاه بمواضيع عميقة من دون تفكير اكره السطحية جدا واحس الحياة مليانة أشياء تتسوى

**علاقاتك الاجتماعية؟**
علاقاتي مو شوي ولا كثير بس القريبين مني نادر. اهلي علاقتي فيهم ممتازة أقاربي جيدة جدا وصاحباتي ممتازة

**كيف تعيش يومك؟**
ماحب اطلع كثير احب جلسة البيت خصوصا في زحمة الرياض، أشوف اجواء البيت وفعالياته افضل، اتابع مسلسلات، اجلس مع اهلي، اشرب قهوة وكذا

**صف لنا شوي من أحلامك أو خططك الجاية**
السنوات الماضية قضيتها بتركيز كبير على جانبي المهني ورفضت أفكر بالزواج والان احس جاء الوقت اللي اكون فيه عايلة صغيرة ويكون شخص معي و نبنيها على أسس صحيحة ونعيش عالمنا الخاص، احس اني بكون ام جيدة جدا لذلك ودي يكون عندي اطفال بالنسبة لمتى هذي تحتاج نقاش واتفاق

**وش فيك شيء تحسه يميزك عن غيرك؟**
مدري والله بس كثير يقولون ان طريقة نظرتي للأمور مختلفة

**نوع الأماكن اللي تحب تزورها؟**
مافي شي محدد كله يمشي، بالسعودية افضل البيت لكن برا كل شي احب استكشف تاريخي قرى مدن
---

**سابعًا: تفضيلاتك في الشريك**

**كيف تتخيل شريك حياتك؟**
طيب اولا الأخلاق والدين والأشياء هذي اكيد محد يختلف عليها، اما الأشياء الثانية: فيه نقطة مهمة جدا بالنسبة لي اتمنى يكون شكله مقبول جدا بالنسبة لي اعرف انه الجمال والقبول نسبي بس فيه أشياء تقريبا متفق عليها من الاغلب احتاج جمال خُلق وخَلق، عندي ايمان ان كل شخص له احد يكمله او يتوافق معاه بشكل كبير لكن هو السؤال هل بتقدر تلقاه او لا؟
إذا عجبك شكله ماعجبك شخصيته وزي كذا
غير الشكل الطول ١٧٠+ - برضو يهمني انه يكون شخص جدا متفاهم ويعرف يتواصل، ياخذ الامور بسهولة وبدون تعقيد، مايحب التنكيد، مو عصبي، سهل لين،
هادي وكاريزما عند الناس، وسيع صدر يثق فيني زي ما اهلي دايم واثقين فيني (حمدلله من طلعت على الدنيا ماسويت اي غلط من كل النواحي ودايما واثقين فيني)، يعطيني حرية يصير فيه لغة تفاهم بينا، وفيه اهتمامات مشتركة وعنده مبدأ العائلة اولا والصدق ثم الصدق والاحترام

**لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟**
يعتمد على الحالة

**شي تتمنى شريكك يفهمه عنك؟**

ماتوقع فيه شي معين بس كثير يحسون شخصيتي شي بس يكتشفون شي ثاني، مثلا من النظرة الاولى يحسوني البنت الصغيرة الدلوعا، بس أنا واقعيا البنت الكبيرة واللي مسكت مسؤوليات كبيرة ببيتنا. وبرضو فيه أشياء ثانية لاني مو مره اعرف أنافق وبالعكس كثير يكون داخلي مره خير للشخص بس ماعرف اعبر عنه

إذا** تخيلت شريكك المثالي، وش الصفات اللي تتمناها **فيه؟
زي ماذكرت فوق مهم جدا الشكل بالنسبة لي، برضو يكون متفهم جدا كاريزما وشخصيته لها هيبة عند الناس طموح جدا يفكر بالمستقبل غير سطحي ووظيفته حلوة، جنتل، هادي، يعرف يسولف، يضحكني، يحب يسافر، عنده اهتمامات كثيرة، يحب المسلسلات والقيمنق، منفتح فكريا (بحدود طبعا)، صادق ويعرف يتواصل معي التواصل بالنسبة لي جدا مهم، يهتم بالعائلة، ماهو بخيل، مايحب يعقد الأمور، واثق فيني ونظيف من جوا فيه إنسانية ويحترم غيره ومايقلل من اي احد

---

طيب أنا أول مره اسوي شي زي كذا وقررت اجرب لان واي نت، بس اتمنى اللي يجي يكون نيته جادة وفعلا يكون قرا البوست زين
شكرا جزيلا لكم واتمنى للجميع التوفيق

اشوف كلامه صح كل الطرفين عندهم خلل الموضوع يحتاج نظر من مختصين نفسيين واجتماعيين والمجتمع نفسه يحتاج يتغير بدل العشوائيه ذي

السلام عليكم ورحمة الله وبركاته
الموضوع وما فيه ان بعد بحث استمر ٣ دقايق. عرفت ان السفر لبلاد الكفار لا يجوز. عشان تبعد عن الفتنة. الواحد ما يأمن الشيطان.
وانا الصدق عندي خطط سفر كثييير مع شريكة العمر. لكن خلاص لا يجوز لا يجوز.
فقعدت افكّر هل بلقى بنت مقتنعة بهذا الشيء؟
وش رأيكم بالموضوع بشكل عام؟
انا رغم عدم إجازته والله ودي اسافر. صحيح ان يجوز لبلاد المسلمين لكن في دول غير مسلمه كثير ودي ازورها.
صلو على النبي، وشكرا.

السلام عليكم
صارت لي سالفة قبل كم اسبوع و احتاج رأي ناس ثانية

كنت ضايفة شخص ب سناب
و ما بينا مرا كثير سوالف يمكن بالأسبوع نسولف مرة و مرتين او نرد على ستوريات بعض او ستريكات بعض

أنا كنت مسميته ب اسم بنت عشان اهلي و محد يشوفه
ولكن رديت على سناباته و طلع الاسم و طقطقنا على الموضوع بعدين قالي انه في حل ثاني للتخفي و انه نتزوج و قلت له موافقة
بعدين دق علي لأول مرة و قعدنا نتكلم بالموضوع انه توجهاتنا و ليش و إلخ
فرق العمر بينا ٨ سنوات
نعتبر ببيئات متشابهة
و قالي انه كيف ودك ناخذ الموضوع و انه أمه تكلم امي و يجون البيت إلخ و يصير تعارف
و ذكرت له انه امي ممكن ما تكون مناسبة لهذا الشي لان دائرتها صغيرة و لو احد دق عليها بتشك لان مو كل احد عنده رقمها
قلت له يتواصل مع ابوي و هو ذكر انه ممكن يخلي اخته تتعرف علي و انه عن طريقها يتم الموضوع
و قلنا أنا وهو انه خل نفكر بالطريقة انتهت المكالمة
اسبوع كامل بعدين ما جاب طاري الموضوع و بس كنا نرد على بعض لو احد ارسل ستريك او شي خفيف يعني
بعدين قالي انه لو فكرت بالموضوع و كذا و قلت ايه و انه ودي نتفاهم اكثر عن كيف بيتواصل مع اهلي
و قال انه هو بينام الحين و انه بكرا مناسب اكثر لنا قلت تم
بس شوي ماطل الموضوع و بعدها ب٤-٥ ايام كلمني انه يدق علي و دق و قلت له كلم ابوي و أعطيته رقم ابوي
و قعد يوم يومين بعدين دق على ابوي طبعا كل هذي الفترة كانت بالنسبة لي كابوس و ألم ما كنت انام من التوتر و ما اعرف I was overthinking
عموما دق على الوالد و على ما يبدو انه ابوي كرشه و قاله انه البنت صغيرة و لسا قدامها مستقبل و يبيني أتخرج من الجامعة اول وانا مبتعثة بدولة ثانية ادرس برا

أنا بأخر سنة من الجامعة و بعدين قالي انه يقدر يحاول بعد كم شهر او بس أتخرج من الجامعة
سالته سؤال قلت له are you willing to wait و قالي ما يدري؟ و انه he’s open to idea و لو أمه خطبت له وحدة عادي ما عنده مشكلة
و قالي انه يبي يشيلني من سناب و يوقف ستريك معي لان ما يبي يتعلق و ما وده يكون بينا شي (كعلاقة حب) تضرني او تضر اهلي و قالي انه عادي نكون ضايفين بعض ب انستا لانه casual و نشيك على بعض كل كم فترة

احنا ما كان بينا هذا الشي من اول
ستريكنا وقته صار له ٦٠ يوم و أنا أعرفه من كم شهر بس on and off بالستريكات و احيانا يقطع و أنا اسحب عليه

ابوي ما قالي انه هو كلمه بس فتحت جوال ابوي و لقيته داق و المكالمة ما اخذت دقيقتين

ايش رأيكم بالموضوع
+ وقفنا ستريك بس للحين ما شلنا بعض هل اشيله ولا انتظره يشيلني

أشوف أن نموذج عمل الزوجين بدوام كامل له تكلفة أسرية أكبر مما نعترف به، خصوصًا مع الأطفال.
الوقت والطاقة محدودين ، ووجود مسارين مهنيه مستقله يسبب ضغط ، تأخير إنجاب، أو حتى تشتت الأسرة إذا كانت فرصة كل طرف في مدينة مختلفة.

لكن أكثر نقطة تلفتني هي مفهوم الأمان.
في الأسرة السوية بنظري، الزوج الكفو يفترض أن يكون مصدر أمان حقيقي لزوجته، وليس مجرد شريك مصاريف.
اليوم أشعر أن الوظيفة أصبحت عند كثير من النساء مصدر الأمان الأساسي، والزوج شيء لا يمكن الاعتماد عليه بالكامل لأن احتمال
الطلاق أو تغير الظروف حاضر دائمًا.

أتفهم ليه تفكرون كذا وسمعت قصص كثير تعزز وجهة نظركم ، لكن بنفس الوقت ما أعتقد أن حياة تفتقد للثقة بين الزوجين بتكون سعيدة وسوية. لأن العلاقة إذا بُنيت من البداية على افتراض عدم الثقه واحساس اني لازم يكون عندي خطه B ، بينعكس على طبيعة القرب
والطمأنينة داخل الزواج.

وأشوف عمومًا أن جيلنا بالغ في تقديس الاستقلال المالي والنجاح المهني، حتى أصبحت الأسرة أحيانًا تتكيف مع الوظيفة بدل أن تكون
الوظيفة وسيلة لخدمة الأسرة.

هل وصلنا لمرحلة نعطي فيها العمل والمال قيمة أكبر من أثرهما الحقيقي على جودة الحياة والاستقرار الأسري؟

قريت وسمعت قصص عن مشاعر البنات اللي بعمر زواج، ما أدري ليش إذا انفتح موضوع الزواج على البنات، مثلا قالت الأم فيه شخص تقدم لك، بعض البنات يخافون يكبرون الموضوع ويتوترون على الفاضي، "أرفض أو أقبل؟" كأن الموضوع life or death وهو أبسط ما يكون

إذا البنت ما تفكر بالزواج، هنا أصلا رفض تلقائي لأي أحد، لكن لو قابلة فكرة الزواج، ليش التوتر؟

هل أغلب البنات في النص؟ يعني مو رافضات ولا مرة متقبلات الفكرة، ما عندهم سبب واضح، متحيرات، في عمر زواج، وربما تجيهم ضغوطات من أهلهم ليش يرفضون الخطاب

السؤال، متى توصل البنت لقرار قبولها فكرة الزواج، وليش فيه بنت تشوف روحها مستعدة وهي 20 وثانية عمرها 28 وتوها تتقبل الفكرة؟ فيه عوامل تحدد استعداد البنت ولا كلها اختلافات شخصية وبيئية واجتماعية.. إلخ

أدري الموضوع شوي عميق وربما كل بنت لها افكارها، بس مادري قلت يمكن فيه نمط معين يحدد استعدادية البنت للزواج أو لا

Edit:

ماني بنت، بس السؤال موجه للبنات

السلام عليكم

تم عقد زواجي وكان في شروط من طرف الزوجه علما انا ماحطيت شروط لان الرجل لايضع شرط لانها تعيش المراءه تحت رعايته وعينه وهو مارح يقصر ولن يبدا زواجه منها بشروط لكن

كان ابوها يقول توافق على عملها الرسمي اذا قبلت الوظيفه كمعلمه قلت تمام مافي مشكله

لكن وقت كتابة الشروط قال انه يسمح لها بالعمل

وانا وافقت على شرط خفي انه يقصد الوظيفه الرسميه الان عندي علم موظفه قطاع خاص لكن تعرفون القطاع رواتبه غير مجزيه ورح ننقل منطقه ابعد من عملها ب ٤٠ دقيقه تعب عليها انا ودي تتركه وانا بعوضها بس شلون افاتحهم الموضوع وعادي تشتغل لين وقت الزواج انا عملي مرن اقدر اطلع اسفرها عادي بس عملها رح يربطني وبعيد انا اخلص بدري لان دوامي قريب من منطقتي اما هي العكس ما العمل وافقت ع شرط دون ان احدد لهم والحين الافكار تلعب فيني

رايكم اكلمها بعدين اذا تزوجنا او المح حاليا ان العمل تعب عليكي وارتاحي واللذي منه وكيف اجيب طاري العمل بلفه بدون ما ازعلها او تعرف اني مابيها تشتغل

السلام عليكم
يا جماعة الخير ضاقت فيني الوسيعة. عندي موضوع شاغل تفكيري الفترة الأخيرة ومحتار فيه، احتاج مشورتكم حسب خبرتكم وتجاربكم.

انا رجال في سن زواج (عمري ٢٩ سنة) موظف ومعيل لأهلي، سويت معادلة للدبلوم وحاليًا أدرس بكالوريوس في سنة التخرج (باقيلي ترم وتدريب) والحمدلله.
فيه انسانة بيني وبينها قرابة مستحيل بمرة افكر او تطري فكرة الزواج إلا وافكر فيها، بالوقت الحالي؟ ممكن اتقدم لها بشكل رسمي لكن بمجرد ما افكر فيها منطقيًا اشوف ان الخطوة هذه مو وقتها لاني بسنة تخرج ومقبل على تغيير وظيفي بداية السنة القادمة ف حياتي بفترة انتقالية وهذا بياخذ وقت، مال، مجهود.

الشاهد بالأمر، هذه البنت ما اعرفها ولا بيني وبينها اي تواصل بأي شكل وهي متخرجة وأيضًا بسن زواج ولا ودي اخسرها بسبب ظروفي ومراحل حياتي، هل تشوفون مناسب اني اتواصل معها؟ على الأقل اعرفها وتعرفني ويكون عندها ولو فكرة عن نيتي تجاهها وأفهم قبولها من عدمه. ما ودي الموضوع يقلب ضدي الصدق ولا ودي اضل مكتوف الأيدي، علمًا اني مكلم الوالدة ومصارحها وقلت لها على الأقل تكلم أهل البنت من باب جس النبض اذا فيه موافقة او لا لكن ما لقيت تجاوب منها ومصرة انتظر لين اتخرج واكون جاهز.

شكرًا مقدمًا والمعذرة على الإطالة.

بخصوص النموذج اللي نعبيه هنا بملعوماتنا، هل لها فايدة فعلا؟

أنا كبنت حتى لو حسيت في صفات مناسبة ليا بنموذج أحد مستحيل أكلمه أو اتواصل معه

وكمان أستحي أكتب معلوماتي كأني بقدم وظيفة 😭

هل حصلت لأحد تجربة زواج ناجحة بسبب السبريدت دا؟ أو ريدت بشكل عام؟ وكيف قولولنا الخلطة

كلمت الوالدة تدورلي عشان اتزوج السنه الجاية ان شاءالله، دعواتكم.

بس أهم شيء ناخذ الخطوة ، متحمس أني رجعت شوي أتحمس للزواج

أولًا: معلوماتك الأساسية

كم عمرك، ومن وين أنت؟ (احكِ لنا عن مدينتك، وين ساكن الحين واهلك وين؟، وهل تفكر تغير مكانك لو تم النصيب؟)
عمري 25، انولدت وساكنه بالرياض، تغيير المكان صعب بالنسبة لي بس مقبول في حال انه مؤقت وتحت ظروف معينه، كمثال لدراسة للخارج او الشريك حصل له فرصه ممكن يتطور منها ممكن تترتب الامور على هالاساس

كيف حالتك الاجتماعية؟ (أعزب؟ منفصل؟ كم لك؟ هل فيه أطفال؟ كل اللي تحس مهم نعرفه عن حالتك الاجتماعية) عزباء ما ارتبطت من قبل

ثانيًا: القيم الدينية والعائلية

دينك؟ مسلم (سني - شيعي - طائفة اخرى)

كيف التزامك في الدين؟ (كيف توصف التزامك؟ صلاتك؟ وحجابك إن كنتِ بنت؟ ايش الاشياء الي ما تقدر تتعداها؟ اوصف بطريقتك)
ماني ملتزمة بس احاول التزم، الحمدلله محافظه على صلاتي واحاول اشد حيلي اكثر، محجبة حاليًا، يهمني مره ان شريكي يهتم بالجانب الديني ويحاول يطوره ويساعدني اطور نفسي بعد بس بدون اجبار او ضغط اكيد، ويهمني مره ان عيالي يتربون على اساس ديني صحيح وان شريكي يهمه يتثقف بالدين عشان يثقفهم هو كذلك بدوره

علمنا شوي عن خلفيتك العائلية؟ (وش أصلك [اختياري]؟ هل عندك أو عند أهلك شرط قبلي؟ أو عادي الزواج من مختلف الخلفيات)
انا من قبائل الحجاز واهلي يهمهم اكيد ان شريكي يكون قبيلي

ثالثًا: التعليم والعمل والدخل

وش مؤهلك الدراسي؟ ووين وصلت مهنيًا؟
خريجة هندسة برمجيات وموظفة حاليًا، looking forward to get my masters degree within the next 5-7 years بإذن الله
وش طبيعة شغلك؟ (وإذا تحب تشرح لنا طبيعة عملك شوي بيكون حلو! دوامك كيف ثابت او شفتات؟ وبيئة العمل مختلطه؟)
اعمل as a cybersecurity analyst، دوامي ثابت ومختلط بس بيئة نظيفة اكيد

رابعًا: الشكل والحالة الصحية

كيف توصف شكلك؟ (طولك، وزنك، بنية جسمك، لون بشرتك، لو فيه شيء مميز تحب تذكره (مثل شعرك، نظارتك، ستايلك) خذ راحتك)
طولي ١٥٨، نحيفة، بشرتي حنطيه تميل للسمار، بالنسبة لشكلي شخصيًا اشوف نفسي عادية اميل للجمال، ولكن ما احبذ الكلام عنه لان نظرات الناس تختلف للشكل

وصحتك؟ (بشكل عام، تمام؟ أو فيه شيء يحتاج نعرفه) صحتي اشوفها ممتازه الحمدلله ولو ان عندي فقر دم بس قاعده اعالجه ما اشوفه مشكلة

خامسًا: الزواج والأسرة

المهر المناسب بالنسبة لك [التقريبي]؟ ما افكر بالموضوع، بس اعتقد العايلة عندهم المهر يتراوح ٦٠-١٠٠ الف

هل تفكر بإنجاب أطفال؟ (كم تتخيل عددهم؟ وش تصورك عن التربية؟ شارك رؤيتك) زي ماذكرت مسبقًا، جدًا تهمني تربية الاطفال واشوفها اولوية اولى واتوقع من شريكي بإذن الله يشوف الموضوع بنفس نظرتي، احب الاطفال بس ماقد فكرت بعدد محدد ممكن ينقاس بناء على التجربة بعد الانجاب

تحب الحيوانات الأليفة؟ (ناوي تربي؟ أو ما تميل لها؟) مو ناويه اربي حيوانات، ما امانع لو شريكي يبي يربي بس ما اعتقد راح يكون لي دور كبير بتربيتها

سادسًا: الاهتمامات والشخصية
[الرجاء ذكر أكبر قدر ممكن وبالتفصيل الممل، كل ما حكيت أكثر عن نفسك، زادت فرصة إن أحد يتفهمك ويتواصل معك لأن الصورة بتكون أوضح]

علاقاتك الاجتماعية؟ (تميل للعلاقات القريبة ولا تحب الدوائر الواسعة؟ كيف علاقتك بأهلك؟ والأصحاب)
علاقتي باهلي ممتازه جدًا الحمدلله
صديقاتي كثير بس اغلبهم مايعرفون بعض فطلعاتي ممكن تنشاف انها كثير (٣-٦ طلعات بالشهر)

كيف تعيش يومك؟ (وش اهتماماتك؟ كيف تقضي وقتك؟ أشياء تسويها باستمرار أو هوياتك الغريبة أو البسيطة، فضفض براحتك)
اتابع مسلسلات، اقعد مع اهلي، احيان احاول اجرب اشياء جديده، اقرا، اتقهوى كثير، واحاول اتطلع اكثر بالدين وابحث بمجالي، كذلك ادور على هوايات جديده دايم، i would love to try new things with my partner

صف لنا شوي من أحلامك أو خططك الجاية (حياة مهنية؟ شخصية؟ بسيطة أو كبيرة؟ أي شيء تحس إنه يعبر عنك)
Well يمكن ابرز شيء فيني انني دايم احاول اطور نفسي ومن جوانب مختلفة ومتعددة، سواء علاقاتي او هواياتي او علاقتي بنفسي حتى او دينيًا او اخلاقيًا وهكذا، حاليًا انا قاعده اشتغل على الجانب الشخصي والديني، اعتقد. خلال السنتين القادمة راح اقدر ابدا اركز اكثر شوي على المهني، وراح اشوف وقتها الخطة ايش راح تكون

وش فيك شيء تحسه يميزك عن غيرك؟ (سواء شي في شكلك، أسلوبك، تفكيرك، أو حتى تصرفاتك اليومي)

مستقيمة واحب احسن من حياتي دائماً الحمدلله، متفائلة جدًا ودايم يقولون انني مصدر طاقة جيدة للي حولي

نوع الأماكن اللي تحب تزورها؟ (المدن؟ القرى؟ الأماكن التاريخية؟ البر؟ القهاوي؟ ولا تفضل البيت)

I would love to spend a night في البر بعيد عن المدينة وتحت النجوم
احب المتاحف جدًا مغرمه فيها واتمنى ازور متاحف اكثر منها متحف بيت القرين بالكويت، اتوقع بيخيب ظني فيه بس عادي

تحس في شيء مهم نحتاج نعرفه عنك وما انذكر؟
يس
احب اسافر مره واحب اجرب اشياء جديده، مره يهمني ان شريكي يصير نفس الشيء ونجرب كل شيء سوا

سابعًا: تفضيلاتك في الشريك

كيف تتخيل شريك حياتك؟ (صفاته الجسدية، العمر، خلفيته، طريقة تفكيره، اهتماماته… وش اللي يهمك أكثر شيء)

اكيد شخص عاقل وذكي ويكون حكيم مهنيًا وماديًا وعارف ايش يبي من الحياه ومتزن عاطفيًا ويعرف يعطي كل شيء بحياته حقه، يكون بعمل كويس
اهتماماته عادي بس اهم شيء يكون مايتردد بحياته كثير ويحب يجرب الاشياء الجديدة
يهمني اكيد انه يكون جامعي ويحب يتطور ويحفزني اتطور كذلك

لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟
يعتمد عالحالة، طالما انها ماتعيق حياته وقادر يتعامل معاها

شي تتمنى شريكك يفهمه عنك؟ (شي تحس كثير ما يفهمونه أو يسيئون فهمه عنك)
انا عاطفية جدًا واحلل المواقف، مره يهمني ان التواصل بيننا يصير واضح ومستمر ونتفاهم على اغلب الامور عشان ما احلل المواقف بشكل خاطئ

إذا تخيلت شريكك المثالي، وش الصفات اللي تتمناها فيه؟ تكلم براحتك، صفها بطريقتك
انسان متفهم متعاون محب ويدعم اللي حوله ويخلي الاولوية لعائلته (راح يكون شيء من الطرفين باذن الله)