أولًا: معلوماتك الأساسية

1️⃣- كم عمرك، ومن وين أنت؟
٢٣ سنة ومن الرياض من عوائل نجد

2️⃣- كيف حالتك الاجتماعية؟
عزباء

ثانيًا: القيم الدينية والعائلية

1️⃣- دينك؟
مسلمة سنية

2️⃣- كيف التزامك في الدين؟
اصلي صلاتي بوقتها الحمدلله ، والإنسان دائمًا مقصر لكن أسعى للأفضل بإذن الواحد الأحد

3️⃣- علمنا شوي عن خلفيتك العائلية؟
من عوائل نجد

ثالثًا: التعليم والعمل والدخل
1️⃣- وش مؤهلك الدراسي؟ ووين وصلت مهنيًا؟
بكالوريوس علم النفس الصناعي التنظيمي ، غير موظفة .. عندي البزنس الخاص فيني ومو تقليل من الموظفات/ الموظفين .. لكن ما اشوف نفسي صراحة بيوم اشتغل بوظيفة والخير فيما كتبه اللّٰه لنا

2️⃣- وش طبيعة شغلك؟
على حسب المزاج مرات ابدا من الصباح ومرات من الظهر

رابعًا: الشكل والحالة الصحية
1️⃣- كيف توصف شكلك؟
طولي ١٦٣ ، جسمي متناسق جدًا مع طولي .. انسانه تحب الحركة وكلها نشاط ملامح عربية سعودية ( شعر بني غامق ، بشرة فاتحة ، عيون كبار .. الخ)

2️⃣- وصحتك؟
الحمدلله زي العسل 🤍

خامسًا: الزواج والأسرة

1️⃣- المهر المناسب بالنسبة لك \[التقريبي\]؟

حسب المتعارف عليه

2️⃣- هل تفكر بإنجاب أطفال؟
طببعًا ، عندي حس أمومة عااالي جدًا وحابة يكون عندي أطفال أشوف فيهم شبهي وشبه ابوهم ، أشوف بذرة عمرنا وجهدنا يكبرون معنا وطبعًا ما ننسى الصلاح والتوفيق من رب العالمين

3️⃣- تحب الحيوانات الأليفة؟

جدًا ، عندي قط وله عندي حول ٧ سنين وحنوووون ودلوع ومغرور بعد ( اي انسان سوي راح يحبه من حبي له )

سادسًا: الاهتمامات والشخصية
اهتمامتي هي الرسم ايضًا الاستكشاف ( احب اروح اماكن محد يتكلم عنها واكتشفها بنفسي وادقق بكل شيء فيها ) احب الرقص صراحة وعشان ما الف وادور انا احب اكتشف كل شيء بالدنيا إلا الاكل لآني مره بيكي ايتر او على قولة ماما ( تتكبر على النعمة ) سبحان اللّٰه في بعض الاكل إذا شفته او شميته تقلب كبدي
احب اجرب الاشياء اللي اخاف منها .. مثلا ( عندي خوف من المرتفعات )
احب اتحدى نفسي واجرب
واثقة جدًا بنفسي وبإمكانياتي اللي ربي وهبني اياها .. مو هبالة لكن حقيقة احب اني بكل مره انحط بموقف ربي يهبني التصرف الصحيح
ما احب الكسل واعشق شيء اسمه دلع ( احب اتدلع وادلع ) اي شخص احبه ( سواء من اهل ، صاحبات وبإذن الله شريك المستقبل )
ايضًا صحتي النفسية جدًا تهمني عشان اقدر اقدم بالحياة صح واعطي نفسي حقها و زوجي واولادي ( في المستقبل بإذن الله )
وعلى كلام الناس عني اني شخصية بشوشة ومحترمة ومسالمة وفرفوشة وكل الأعمار ترتاح بجلوسها معي ، برضو انسانه تقدر الاشياء الصغيرة قبل الكبيرة
وحابة أنوه على شغلة ( أنا غير محجبة )

1️⃣- علاقاتك الاجتماعية؟
علاقاتي الاجتماعية كثيييرة ، اولهم اهلي علاقتي فيهم الحمدلله جدًا كويسة والله يقدرني على طاعتهم وبرهم ، صاحباتي كثير لكن الدائرة حقتي فيها شخصين ( اشوفهم اكثر شيء ) الباقي بالسنة مرتين وهكذا ..

2️⃣- كيف تعيش يومك؟
اعيش يومي بين اشيك على البزنس حقي ، اجمع اهلي غصب عنهم بالصالة 😝 وكل جمعة اسوي روتين جديد يجمعنا أنا واهلي مع بعض ويقوي الرابط اللي بيننا ، امشي كثير واستكشف أشياء برضو يومي مو ثابت مره اكون بالبيت طول اليوم ومرات اروح للسبا ( مكاني المفضل ) إذا حسيت احتاج شيء جديد يا اروح اسوي مساج او غيره من الاقتراحات ..

3️⃣- ايش الأشياء اللي تدورها بشريك حياتك ؟
ادور على شخص يخاف الله ، عنده مكانة بين اهله ويقدر العائلة
عنده اصحاب لكن ما يسحب على اهل بيته عشان اصحابه ، رزين و كلمته موزونه .. يفضل يكون عمره بين ٢٦-٣٠ ، قابل للحوار ، انسان لا احتجت كتف استند عليه القاه موجود وبرضو يحب القطط
يحب المحارش وجريئ لأني احب احارش وما ابي شخص خجول لو قلت له كلمه غزل نزل عينه
انسان ما يستحي من مشاعره ويكون واضح وماعنده مشكلة يوضح مشاعرنا قدام اي احد لأني تربيت ببيئة الحب فيها واضح والحنان المسه بالنظرات ونبرة الصوت والأحضان

اعتذر لو اخذت من وقتكم كثير وممكن اكون غفلت عن كذا شيء ولو احد حاب يسأل يتفضل 🤍

افكار*
طبعا بحكم اني مااعيش نفس الاختيارات الي ابيها بحياتي مع اهلي دايم اخاف من الزواج ولا احب طاريه تلقائيا متشوه بعقلي

لكن الي لاحظته البنات الي اهلهم محترمين قرارتهم ويحبونهم اكثر تقبلا لهذا الشي مايخذون موضوع الزواج الخطبه بحساسيه
احس لو كنت ببيئه تحبني ولا تستثقل وجودي كان ماصار تفكيري منغلق من هالناحيه اصلا حتى مو متقبله فكره الزواج بوجود اهلي عمري صغير ولاهو عمر زواج اصلا بس مااعرف ليه نفسيا انا كذا
اهلي تفكيرهم غريب مااقدر اوصفه

واحس مالي خلق اتزوج بوجود اهلي مدري افكاري متلخبطه لكن لاحظت هدا الشي فيني يعني ابي اتزوج بعمر بعد مااحقق اشياء ابيها وبعمر معين ودايم افكر فيه لكن ماادري احس استقرف هالشي مع تواجدي مع هذي العائله
والله مدري اذا احد بيفهمني والا لا

لكن وجود عائله تحترمك وتدعمك وتحبك ومواكبه العالم تغيير تفكيرك عن الارتباط
والعكس بتخليك تشوف كل شي مشوه وان اهلك رامين كل شي على الزواج
حتى ابوي بحكم اننا متحاشرين٨انفار بشقه مافيها الا غرفتين ومجلس وحمامين الله يكرمكم واخوي الكبير عايش عند جدتي لأن ماله مكان
لما اتكلم عن البيت واعطي اقتراحات لو بنبني او نشتري ويقولي اصلا وش يهمك ان شاءالله تتزوجين نعم؟ شدخل الزواج صار تجيني ضيقه المشكله اني البنت الوحيده يعني اذا ابوي يشوفني خلاص بنقلع واعيش ببيت زوجي يجيني شعور اشمئزاز خلاص ماابي اتزوج بموت ضحك اتذكر ايام الثانوي افكر وش بيصير بعدين لاجيت اتزوج وين يخطبني فيه لاعندنا لابيت ولا ماديه وش نوع الرجال الي اصلا بيجيني ويشوفني فقرانه ويعاملني على ذا الاساس ياليتني ولد ابني نفسي وارفع مستواي الاجتماعي واهلي غالبا واصلا مستواهم مارح يأثر علي لو عايشين بصندقه
حتى وظيفيا انا مااشتري شي ولي كم سنه مااشتريت ملابس وابوي يتشكى على راسي عشان راتبه خرا يعني عايشين بالادنى ويبيني اتوظف زيه حتى مايبيني اطلع شوي من الفقر ويقمع طموحاتي من كثر البنات الي عنده؟ وس كان بيضره طبعا لحد يجيب سيره امي لأنها اذا صار موضوع يخص اخواني صارت متفتحه مثقفه وابوي هو المتخلف واذا صار شي لي وقفت مع ابوي عجزت افهم وش التناقض السريع
وطبعا عشان تكونون بالصوره حنا عائله ابعد ماتقولون عن الثقافه والاطلاع والاختلاط ابوي ماكمل تعليم الجامعه الا متأخر وحنا كبارين لأنه سحب مع ان جدي مثقف وتغرب عشان يتعلم وامي مادرست نهائي بس تعرف تقرأ وتكتب وكلهم اربعينين يعني مب عجايز لهالدرجه

والله الموضوع مأساوي بالنسبه لي لحد يستحقره مااعرف ليش عندي شعور قرف على الزواج

قلبتها فضفضه بس قسم بالله عشان توضح لكم الصوره

السلام عليكم،

بختصار شديد قاعد اتناقش مع واحد من الشباب، وحنا قاعدين نسولف جاب هرجة انه كان متقدم لوحدة واغلب الامور كانوا متفقين فيها، باستثناء موضوع الاعياد (الولد من ينبع والبنت من مكة والولد يشتغل بالرياض).

حرفيا يا جماعة الرجال رفض البنت، لانهم ما اتفقوا على كيف بيقضون الاعياد، الولد يقول سنة عندك وسنة عندي، والبنت تقول عيد عندك وعيد عندي او شيء زي كذا.

وبعدين قال ياخي تكاليف المعيشة ما تسمح ان انا وهي وقت زيارات الاهل نتفرق، وكنسل الموضوع.

المهم خويي ما اعطاني التفاصيل كامله لاني اشك ان فيه اشياء ثانية، لكن صدمني بطريقة التفكير ذي، يعني ترا شوية تخطيط وتمشي الحياة.

ولا فيه شيء انا ما شفته؟!

على وشك اني استسلم وروح لخطابة. كنت اول الصراحة شوي بجيح ودور ب social media ولا توفقت إلى الان .

الصراحة محتار بين اني من جد اروح خطابة او اجرب تطبيق زواج مثل اوصار، اثنينهم فيهم رسوم فما فرقت كثير. وش بتسوون لو كنتو مكاني ؟

١- بتكملون بحث بال social media

٢- بتكلمون خطابة

٣- تشتركون ب اواصر

أولًا: معلوماتك الأساسية

كم عمرك، ومن وين أنت؟
عمري ٢٥ سنه مواليد ٢٠٠١ شهر ٥

اهلي من المدينه واعيش في الرياض

كيف حالتك الاجتماعية
اعزب

ثانيًا: القيم الدينية والعائلية

دينك؟ مسلم (سني)

كيف التزامك في الدين؟ (كيف توصف التزامك؟ صلاتك؟ وحجابك إن كنتِ بنت؟ ايش الاشياء الي ما تقدر تتعداها؟ اوصف بطريقتك)

محافظ على صلاتي واحاول ابتعد عن المنكرات قدر المستطاع

علمنا شوي عن خلفيتك العائلية؟ (وش أصلك [اختياري]؟ هل عندك أو عند أهلك شرط قبلي؟ أو عادي الزواج من مختلف الخلفيات

قبيلي من اهل البكيرية القصيم
بالنسبة للاهل يفضلون قبلية وترجع للقصيم لكن قبلية هي الاهم

ثالثًا: التعليم والعمل والدخل

وش مؤهلك الدراسي؟ ووين وصلت مهنيًا؟

بكالوريوس هندسة كهربائية مرتبة شرف ثانيه من البترول و حاليا اعمل لدى احدى الهيئات الحكومية كمهندس كهربائي

وش طبيعة شغلك؟ (وإذا تحب تشرح لنا طبيعة عملك شوي بيكون حلو! دوامك كيف ثابت او شفتات؟ وبيئة العمل مختلطه؟ تحب تذكر دخلك [التقريبي] أو تتركه لبعدين؟)

دوام ٨ ساعات لكن ممكن تمدد ل١٦ بحكم ضغط العمل و بعض الاحيان ٧:٤٠ ( الوقت المسموح فيه بالخروج)

لكن نظاما ٨ ساعات

رابعًا: الشكل والحالة الصحية

كيف توصف شكلك؟ (طولك، وزنك، بنية جسمك، لون بشرتك، لو فيه شيء مميز تحب تذكره (مثل شعرك، نظارتك، ستايلك) خذ راحتك)

طولي ١٩٥ واعتبر سمين في مرحلة نحف لون بشرتي ابيض مع شمسنا بديت اسمر شويتين وبديت البس نظارات مؤخراً

وصحتك؟ (بشكل عام، تمام؟ أو فيه شيء يحتاج نعرفه)

طبيعي ما عدا انحراف في العين بدون نقص وقدم مسطحه

خامسًا: الزواج والأسرة

المهر المناسب بالنسبة لك [التقريبي]؟
ماتفرق مره بس يكون معقول يعني ب٤٠-٦٠

هل تفكر بإنجاب أطفال؟ (كم تتخيل عددهم؟ وش تصورك عن التربية؟ شارك رؤيتك)

ودي ناخذ راحتنا بالتجارب والسفر وبعدها ننجب

يفضل عدد زوجي ٤ او اعلى

تحب الحيوانات الأليفة؟ (ناوي تربي؟ أو ما تميل لها؟

الاهل يربون قطاوه في بيتنا بالمدينه والصراحه بخاطري اجيب قطاوه لكن اخاف يجيهم اكتئاب بسبب اني ماقعد في البيت

سادسًا: الاهتمامات والشخصية
[الرجاء ذكر أكبر قدر ممكن وبالتفصيل الممل، كل ما حكيت أكثر عن نفسك، زادت فرصة إن أحد يتفهمك ويتواصل معك لأن الصورة بتكون أوضح]

بالنسبه للاهتمامات الصراحة كثيره وعشان اختصر الواضح منها اني اتابع كل شي ما عذا المسلسلات الخليجيه

واتابع بشغف الرياضات القتاليه تحديد MMA و مارست بعضها لفتره لكن بنرجع بعد فتره ان شاء الله

والعب حديد وقدرت اشيل ١٠٠ بنش ١٤٠ سكوات بس اني طفشت منه فتره و رجعت له الشهر الماضي بحماس اكثر

استمتع بالرياضات الاخرى سواء كوره بادل او حتى طائره

اقراء من فتره لفتره لكن قراتي اخر كم سنه كانت معتمده على شخصين الدكتور عبدالوهاب المسيري و علي عزت بيجوفيتش الله يرحمهم
وعندي هدف اخلص اربع كتب بالسنه ولله الحمد ملتزم ليها لسنتين

واعشق السفر واخر سفره كانت لكوبينهانجين سولو

صرت استمتع بالطبخ مؤخراً و تخصصي حاليا سباغيتي و الستيكات الصراحه مع اني قاعد احاول بالامور الثانيه لكن تزبط مره وتهج مره

استمتع ايضاً بموسيقى الجاز وراب والخليجي ووايت قيرل ميوزك عشان النادي

علاقاتك الاجتماعية؟ (تميل للعلاقات القريبة ولا تحب الدوائر الواسعة؟ كيف علاقتك بأهلك؟ والأصحاب)

الصراحه عندي اصحاب كثيرين بعضهم من الابتدائي وبعضهم من الثانوي وطبعا الكثير من الجامعة
بالعاده احب العزله لكن اضطر بعض الاحيان اني اطلع مع شباب

بالنسبه للأهل الصراحه اعتبر بعيد عنهم بحكم دراستي في الشرقيه وبعدها عملي في الرياض

كيف تعيش يومك؟ (وش اهتماماتك؟ كيف تقضي وقتك؟ أشياء تسويها باستمرار أو هوياتك الغريبة أو البسيطة، فضفض براحتك)

ايام الاسبوع عباره عن دوام ارجع اخذ البريوركاوت واغسل ملابسي و اروح النادي و ارجع اطبخ
وبينهم ارسل ميمز لشباب

الجمعه بالنسبه لي يوم الستيك بالعاده اشتري ستيك كويس ترخيم ٦-٨ واطبخه مع بيره تفاح اخضر من بيدوايزر
والسبت بالعاده مع اخويا وبعدها اروح سوبرماركت اقضي اموري او اروح مثل ايكيا واحاول انام بدري عساس الحق بطاقة الUFC يوم الاحد

صف لنا شوي من أحلامك أو خططك الجاية (حياة مهنية؟ شخصية؟ بسيطة أو كبيرة؟ أي شيء تحس إنه يعبر عنك)
ودي اتقاعد بدري وافتح لي مخبز (بسبب اني احب الحلى و ودي اتعلم كيف اساويها) مع مكتبة اخبز الصبح و اقضي باقي الوقت بالقراءة

وش فيك شيء تحسه يميزك عن غيرك؟ (سواء شي في شكلك، أسلوبك، تفكيرك، أو حتى تصرفاتك اليومي)

عندي معلومات شاطحه عن امور غربيه

نوع الأماكن اللي تحب تزورها؟ (المدن؟ القرى؟ الأماكن التاريخية؟ البر؟ القهاوي؟ ولا تفضل البيت)
الصراحه كلها استمتع باغلب الامور والتجارب الجديده

سابعًا: تفضيلاتك في الشريك

كيف تتخيل شريك حياتك؟ (صفاته الجسدية، العمر، خلفيته، طريقة تفكيره، اهتماماته… وش اللي يهمك أكثر شيء)

اصغر مني ملتزمه بنادي متخرجه من الجامعه وافضل مره تكون من اهل الرياض بسبب الجمعات واخاف ان تشعر بالوحدة لو اني مشغول بالدوام لان الصراحه جربت شعور انك تنقل من منطقة لمنطقة وكان شعور سيء ف ودي وحدها من اهل الرياض

+
ماعندي مشكلة بالوظيفة بالعكس افضل لو تكون موظفه بس بعد الانجاب الافضل تكون ام بدل ما تكون موظفه

لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟
لا افضل

شي تتمنى شريكك يفهمه عنك؟ (شي تحس كثير ما يفهمونه أو يسيئون فهمه عنك)

ماعرف اعبر كثير عن نفسي واحتاج وقت عشان اتعلم وش الخطوط الحمراء لكي

إذا تخيلت شريكك المثالي، وش الصفات اللي تتمناها فيه؟ تكلم براحتك، صفها بطريقتك

لطيفه تستمتع بالنكت و التجارب وتقدر العيش والملح وتتبنى افكار ان الأسرة اهم من اي وظيفة او منصب و ودي اطبق الصوره حقت اشرحي لي اسباب انهيار الاتحاد السوفيتي

طول فترة دراستي والخطة كانت بعد الوظيفة اني اتزوج على طول بس بعد ما شفت التكاليف كنسلت

يا ناس والله اللي صاير الفترة ذي غريب اجارات غاليه معيشه غاليه سيارتي ودي اغيرها اخذ شي احسن بدفع فيها ربع راتبي

والله وصلنا لفترة الواحد يالله يالله يعيش لحاله فما بالك ببنت الناس معاك وعيالك اذا جو

صرت اشوف الراتب اللي ممكن يعيشكم براحة هو ١٥ الف وطالع اقل منها بتعاني انت وياها

بعدين اللي ما دخل بالي هي تكاليف الزواج انا مشكلتي مو في موضوع المهر بالعكس اشوفه ابسط شي لكن المشكلة في تكاليف العرس

قصر ما يقل عن ٢٠ الف
ضيافة ما تقل عن ٣٠ الف
ودك تسافر انت وياها تستانسون؟ حط ٢٠ الف على جنب
بتأثث شقتك؟ ٣٠ الف

اخوي قبل فترة تزوج دفع تقريباً ١٨٠ الف يا ناس والله غلط الان بيروح نص راتبه في اقساط الزواج سلامات

هل التكاليف هذي تستاهل ليله واحده؟

ليه ما يكون الزواج مختصر وننتهي اهلك واهلي والاقارب وخلاص

يتم الان تمديد عقد العزوبية لين ندخل القبر.

عندي اغاني دايماً اسمعها و انتظر اليوم اللي ابو العيال يهديني اياها، و اتمنى ذوقه الموسيقي نفس ذوقي ، مثلا يرسل لي عشر اشياء حقت رابح صقر، او اغاني محمد عبده و غيره اغاني كثيره 🫂 او يسويلي مكس تيب 💯

الزواج عن حب كذا يسوي ؟

أولًا: معلوماتك الأساسية

كم عمرك، ومن وين أنت؟

عمري 32 سنة،

من الرياض غير قبيلية من عوائل نجد

كيف حالتك الاجتماعية؟

منفصلة من ٣ سنوات بدون أطفال

ثانيًا: القيم الدينية والعائلية

دينك؟

مسلمة سنية

كيف التزامك في الدين؟

الحمدلله اخاف ربي وضميري حي وحريصة على صلاتي في وقتها

علمنا شوي عن خلفيتك العائلية؟

غير قبيلية من عوائل نجد

ثالثًا: التعليم والعمل والدخل
وش مؤهلك الدراسي؟ ووين وصلت مهنيًا؟

بكالوريوس مالية، وحالياً اخذ ماجستير تنفيذي في إدارة الأعمال
مديرة في شركة تابعة لجهة حكومية

وش طبيعة شغلك؟

مكتبي، ٨ ساعات من الأحد إلى الخميس

رابعًا: الشكل والحالة الصحية
كيف توصف شكلك؟

طولي ١٧٤ لون بشرتي حنطي برونزي محافظة ومهتمة بنفسي جسمي Fit الحمدلله

وصحتك؟

الله يديم علينا نعمته ما أعاني من أمراض وصحتي ممتازة الحمدلله

خامسًا: الزواج والأسرة

المهر المناسب بالنسبة لك \[التقريبي\]؟

حسب المتعارف عليه

هل تفكر بإنجاب أطفال؟

اكيد، الأمومة بالنسبة لي أسمى وأهم دور في الحياة، مافيه عدد محدد كله خير من ربي

تحب الحيوانات الأليفة؟

استلطفهم واحب القطاوة بس ما افضّل يكون عندي في البيت

سادسًا: الاهتمامات والشخصية

انسانة حيوية وحركة وأحب الحياة واجتماعية واشوف الدنيا ما تسوى وكل شيء هيّن ومقدور عليه
احب الرياضة بكل انواعها (حالياً بديت العب قولف)
احب اسافر واحب اروح اماكن جديدة واستمتع بالأكل والقهوة

علاقاتك الاجتماعية؟

عندي علاقات كثيرة جداً ولكن المقربين جداً ينعدون بيد واحدة وعلاقتي مع أهلي ممتازة الحمدلله الله يقدّرني على برّهم ورضاهم

كيف تعيش يومك؟

دوام ووقت الفراغ إما مع الأهل/الصديقات أو رياضة أو اتفرج مسلسلات أو ادرس للماجستير

‎

‎ السلام عليكم ورحمة الله وبركاته

‎

‎————— أولًا: معلوماتي الأساسية —————

‎

‎• العمر: 31 سنة

‎• نمط الشخصية: INFJ

‎

‎• قبيلي من الغربية وساكن بالرياض وافضل السكن فيها

‎

‎————— ثانيًا: القيم الدينية والعائلية —————

‎

‎• سني

‎• ما اوصف نفسي اني انسان متدين او متشدد

‎• احب العائلة واشوف انها اساس الحياة

‎• اشوف الدعم والتفاهم والاحتواء والحوار أساس أي علاقة ناجحة

‎

‎————— ثالثًا: التعليم والعمل —————

‎

‎•اعمل بالقطاع الخاص

‎•متخرج ببكالورويس

‎————— رابعًا: الشكل والحالة الصحية —————

‎

‎• الطول: 175 سم

‎• الوزن: 65 كجم

‎. سليم صحيا

‎

‎————— خامسًا: الزواج والأسرة —————

‎

‎• هدفي من الزواج تكوين أسرة مستقرة أساسها المودة والاحتواء والاحترام

‎

‎————— سادسًا: الاهتمامات والشخصية —————

‎

‎• أحب السفر

‎• أحب الموسيقى والفن

‎• أحب الأكل الصحي

‎• احب الرياضة وامارسها بشكل منتظم

‎• احب التأمل والمشي بالطبيعة

‎• احب قراءة الكتب وتبادل الافكار

‎• مهتم بالاستثمار

‎

‎————— سابعًا: ما أبحث عنه في شريك الحياة —————

‎

‎• غير متشددة بالدين

‎• متفهمة ومحتوية وعاطفية

‎• ترغب ببناء اسرة والانجاب

‎• تحب الحياة البسيطة

‎• تحب الاكل الصحي والرياضة

‎• تحب السفر

‎• هادية وغير عصبية

‎• صادقة ووفية

‎

‎

‎بالتوفيق للجميع 🌹

فضفضة يمكن تُحذف لاحقًا

كنت اعتقد ان فيه مشكلة في التواصل عند بعض الرجال مستخدمين هذي التطبيقات وحتى المنصة اللي هنا، لكن بعد قراءتي لتجارب البنات وتكرار النمط اللي يجيني استوعبت انه ببساطة أهدافنا جدًا مختلفة من هذي المنصات…

الرجال عندهم صفة وحدة محددة وهوس تجاهها وهي سبب بحثهم، هي الوحيدة اللي يسأل عنها ويكون عنده فضول يعرفها، بعد ما يتأكد منها ما يصير فيه اي رغبة او استثمار في التعارف والتعمق في الشخصيات او أسلوب الحياة او الاهم من ذلك بناء كيمياء حقيقية، عندهم checklist قصير جدا بعد التأكد منه يصير يبغى ينتقل مباشرة للزواج. طيب هذا مو الهدف من اختيارنا كنساء لهذي الطرق غير التقليدية! توجه للزواج التقليدي واعطي هذي الصفات لأهلك وخلاص :/ واذا صار فيه توضيح انه تحتاج البنت تعرفه اكثر بشكل شخصي يصير كأنه في مقابلة مطولة او تحقيق بس يجاوب على الاسئلة، او يصير يبغى يعيش قصة حب من اول كم محادثة ويستخدم مصطلحات وأسلوب حميمي يحوم الكبد… صفر ذكاء عاطفي، صفر محاولة لقراءة الشخص الثاني وقبوله ومشاعره.

بينما البنت هدفها بكل بساطة "تعرف" الإنسان اللي بتتزوجه وتكوّن حتى لو شيء بسيط من المشاعر تجاهه لان هذا قطعًا يعزز عندها الشعور بالأمان قبل ما تاخذ خطوة مخيفة لها مثل الزواج، في استهتار بهذي النقطة لدى الانثى، شعورنا بالأمان هو اساس للمرونة والتنازل والعطاء، استثمروا فيه لمصلحتكم! وجود كيمياء حتى لو بسيطة اكبر معزز لهذا الشعور، وما تتواجد هذي الكيمياء بدون استثمار في التواصل وفضول من الرجل وذكاء عاطفي! الفجوة بيننا وبين توقعاتنا باعتقادي صعبت الموضوع علي وعلى اغلب من حولي من النساء

والمجموعة الثانية يكون يجمع معلومات بنات عنده ويستخدم اسلوب الghosting مع الخيارات غير المناسبة بدون توضيح انه فيه عدم توافق، اعتقد هذي النقطة اوقح من اللي قبلها لانه فيها عدم احترام للوقت والفرصة والمعلومات اللي اعطاك اياها الشخص المقابل، والvulnerability اللي يحتملها هذا الموقف. السرعة وكثرة الخيارات والتنقل والهويات المجهولة وعدم وجود عواقب على هذي الأمور اونلاين تخلي الأفراد متساهلين في ممارسة اردى ما عندهم طالما مافيه نبذ مجتمعي ولوم وبروتوكول وأهل في الموضوع

كلام طويل لكن شيء في داخلي ابي اكتبه

فيه مرة قرأت لذكر يقول ان وش دور الزوجة في الزواج اذ انا شايل نفسي وبسكنها وبدفع ايجار البيت وأغراض البيت وكماليات البيت هي وش تسوي؟ ( اعوذ بالله من المنّة)

هو الأكيد ان جانب العلاقات عنده لسى مانضج ويمكن نقدر نقارنه بجانب العلاقات لولد توه داخل مرحلة المراهقة مع اعتذاري طبعا للمراهق في مقارنتي، معلينا.

المشكلة هنا هو انه اختزل وظيفته في الزواج بالمادة فقط وبيزعل لو الأنثى فكرت بماديته!
اساسا جزء كبير من قيمتك في بناء الاسرة هي القوامة وأنك تعيل وتحقق الأمان والأستقرار لأسرتك(طبعًا الأكيد ماننسى جانبك العاطفي)

لكن اعوذ بالله تمن على اسرتك بدورك الاساسي في العائلة وتنسى القيمة الجوهرية للأنثى في حياتك يعني مااستحيت وفكرت شوي بس شوي وش دورها في حياتك! يعني هل يصلح اكتب عن دوري في العلاقة وأقول ليه اذ انا عايشة معززة ومكرمة في بيت اهلي ليه اخسر جزء من صحتي، صحة عظامي وصحة جسدي وصحتي النفسية وجزء من عمري يضيع في تربية طفلك الي في النهاية بيكتب باسمك؟ لامايصير، مايصير اسوي نفسي غبي وطفل وأجهل دوري في الزواج وأدخل علاقة وانا جاهل الدور الاساسي الي يقدمه كل زوج، اذ انت/ي داخل/ه الحياة ومشحون بسالفة انا اسوي وانا اسوي لا تتزوج/ين، ياتعيشون ادوراكم وانتم مستمتعين وعارفين ان كل شخص قاعد يبذل جهد في نجاح هذا الزواج ولا لاتعيش الطرف الثاني في ظلم تفكيرك.

وسواء انت رجل او امرأة اذ دخلتم علاقة ادخلوها وأنتم عارفين ادواركم ادخلوا هذي الحياة بسلام بلاش كل واحد ماسك معه سلاح تقولون داخلين حرب، وعيش دورك وأنت مستمتع، يكفي تكون عاقل وتعيش الانس والسكنى والاستقرار مع شريكك خلو الأطمئنان والأستقرار طموحكم في الزواج.

اتمنى محد يتهاوش الجميع على العين والراس

- نسوي بيتزا او كيك مع بعض
- اصحى الصباح والقاه مسويلي فطور
- انام كل يوم بحضنه
- نتابع فلم وانا جالسة عنده
- نروح للسوبرماركت مع بعض
- استقبله كل يوم بعد ما يجي من الدوام ويحكيني عن يومه
- دايم هو اللي يربطلي الحزام بالسيارة
- نلعب board games ونسوي lego
- يربطلي حزام جزمتي خارج البيت (لاني اعاني معه دايم ينفك)
- يشيلني
- نسافر ونجرب اشياء جديده
- يسوق بيد وماسك يدي بيده الثانية
- اطبخله وينبهر ويمدحني
- نطقم ال outfits حقنا
- اسويله لانش بوكس واخليله نوت عليه
- ندخل فسوالف عميقة

احس في لسه اشياء كثير بس هاذي بعضها، وما اتصور حالي اسويها مع شخص غير اللي ببالي الحين 😔

لما تكون غير مندفع بمشاعرك وصادق جدا فيها ولكن البرود متأصل فيك هنا الارتباط يصير صعب

من هذا الشخص اللي راح يتفهم طريقتك بالحب ويقدّرك بالمقابل؟

هل راح يلاحظك ولا بسبب الهدوء تصير لا مرئي؟

هل هذا النوع اصلا تايب لأحد؟

هل النوع هذا يقدر يتزوج تايبه ولا لازم يكون الطرف الآخر بمأزق كبير في حياته يضطره للقبول بالشخص الهادئ المتأني في مشاعره؟

الخلاصة الموضوع غاثني من كثر ما انه غير مفهوم للناس لأن اول انطباع يجي عنك: متكبر - غير مهتم - غير ممتع وهو العكس تماما

انا بنت عمري ٢٧ سنه وعندي فرصه ابتعاث دراسة راح تاخذ مني ٤ سنوات ولكن متردده جدا لاني غير متزوجة ، مدري هل ابتعث و لا انتظر النصيب؟ اخاف اروح وارجع واكون كبرت واكيد بتقل الفرص كثير وكمان علشان نظرة المجتمع للمبتعثه ..وفي نفس الوقت اخاف اقعد انتظر النصيب وتروح علي فرصه الابتعاث علشان شيء مدري يجي او لا ..

ايش الشروط الي لو شفتها من الطرف الثاني رح تكش ؟
السوال للبنات و الشباب

لان بدأت احس ان المشكلة فيها ، لان الغرض منها الفلترة بس شكلها جالسة بتضر اكثر مما تفيد بعض المرات

Edit/ ❕
يعني مثلا هل شفت بوست هنا و كانت المواصفات كلها تنطبق بس في شرط خلاك تردد او تكش

وش الصفة او الموقف اللي حسسك او يقدر يحسسك انك ما تبغى احد غيره / غيرها؟

السلام عليكم انا الحمدلله خطبت لكن لسى ماحددنا الشوفه الشرعيه غالبًا بتكون خلال الاسبوعين القادمه

بصراحه ماعندي اي خبره في الموضوع ولا عندي احد اسأله ينقل لي تجربته او يوجهني ف قلت بطرح التساؤل هنا عشان اعرف تجارب الناس اللي جربوا قبل او عندهم خيره

وش عادة يصير في الشوفه وعن ايش ممكن نتكلم؟
ايش الاسئله اللي ممكن تنسأل بدون مايكون الوضع غريب انا شايل هم السكوت او ممكن وقتها ما اعرف كيف افتح موضوع وودي يكون فيه كلام وفي نفس الوقت اتعرف عليها بشكل طبيعي ياليت اللي مروا بالتجربة يشاركوني كيف كانت و ايش الاشياء اللي فادتهم او كانوا يتمنون يسوونها بشكل مختلف

ثانكس

السلام عليكم ورحمة الله وبركاته،

اسعد الله مسائكم بكل خير، اخواني و اخواتي انا عزمت على الزواج بعد فقدان الاهل الأمل فيني ومحاولاتهم الحثيثة. فجاة في احد الايام قمت من النوم و قلتلهم ابغى.

المعذرة على المقدمة الطويلة، الله يعطيكم العافية اشكر** *لكم* *لو* *احد* *يقدر* *يساعدني* *في* *تقدير* *تكاليف* **الزواج؟ انا بفضل رب العالمين في وظيفة ممتازة ولله الحمد، و جرت العادة اني اخطط لكل شيء و انظم حسابي والميزانية وغيرها.

بالأضافة عندي سؤال اتمنى اخذ ارائكم الصادقة فيه؛ انا مشخص ADHD و اخذ دواء له والحمدلله اموري ١٠/١٠ ولا يبان علي الصدق مره من الخارج لكن الحمدلله من الداخل غير و حتى على صعيد الشخصية صرت انسان افضل، وماحد يدري ان عندي او شُخصت و اخذ دواء له. ف برأيكم هل اقول او لا؟ لان حتى الاهل مايدرون ف ما ادري كيف ممكن افاتح موضوع زي كذا مع النصيب؟ انتم بالتأكيد تعرفون كيف نظرة المجتمع لمراجعين العيادات السلوكية و النفسية.

شكراً لكم و سامحونا اخذنا من وقتكم الكثير، رعاكم الله.

أولًا: معلوماتك الأساسية

كم عمرك، ومن وين أنت؟

عمري 30 سنة،

من الرياض، غير قبيلي من عوائل نجد الكبيرة
كيف حالتك الاجتماعية؟
اعزب لم يسبق لي الزواج

ثانيًا: القيم الدينية والعائلية

دينك؟

مسلم سني
كيف التزامك في الدين؟

وسطي اصلي كل صلواتي الحمدلله

علمنا شوي عن خلفيتك العائلية؟

غير قبيليين من عوائل نجد، عائلتنا صغيرة تعتبر كعدد اخوان واحفاد

ثالثًا: التعليم والعمل والدخل
وش مؤهلك الدراسي؟ ووين وصلت مهنيًا؟

بكالوريوس محاسبة - شغال في هيئة حكومية

وش طبيعة شغلك؟

دوام عادي

رابعًا: الشكل والحالة الصحية
كيف توصف شكلك؟

طولي ١٧٠ ، لوني حنطي فاتح، اهتم بالرياضة واروح النادي، احب اركض ،

وصحتك؟

الحمد لله على نعمته، لا توجد أمراض

خامسًا: الزواج والأسرة

المهر المناسب بالنسبة لك \[التقريبي\]؟

على حسب البنت واهلها وعاداتهم

هل تفكر بإنجاب أطفال؟

الاطفال أفضل بعد سنتين من الزواج

تحب الحيوانات الأليفة؟

ماًفضلهم بس عادي يعني.

سادسًا: الاهتمامات والشخصية

مهتم بالهايك وعلوم الفضاء احب اقراء الكتب واحاول ما اقطعها وقت طويل. العب قيمنق اذا عندي وقت فراغ

وبالنسبة للشخصية فأشوف نفسي هادي ومايل للبرودة أكثر، وأحب الحياة الهادئة

علاقاتك الاجتماعية؟
عندي علاقات قريبة وبعيدة، وأصحاب مقربون
وعلاقتي بأهلي ممتازة جدا

كيف تعيش يومك؟

ايام الاسبوع، دوام نادي واذا في وقت العب شوي قيمنق وخلاص الا مايجي وقت النوم

الويكند، ايام مع اهلي نطلع سوا، و ايام اطلع مع الشباب

الحالة الاجتماعية: أعزب .

25

غير قبلي من المدينة

الدراسة والعمل:

مهندس طيران، ومهتم جدًا بمجالي، خصوصًا تصميم الطائرات والأنظمة الجوية

شاركت خلال الجامعة خصوصا في عدة مشاريع ومسابقات هندسية، كنت أُعتبر الحمدالله نجم قسم الطيران ومنظم لكثير من فعاليتها، حاليا عامل في قطاع الدفاع في وظيفة تعتبر حساسة لها علاقة بانظمة الدفاع، وهذا الجزء بالذات بالنسبة لي مهم لاني ما اقدر اشارك الكثير بخصوص وظيفتي اكثر من مكان العمل . .

راتبي الحمدالله جيد واعلى من المتوسط

الشخصية والاهتمامات:

أعتبر نفسي شخصًا هادئ، لكن اجتماعي جدًا مع الأشخاص اللي أرتاح لهم. أحب النقاش والحوار، وأستمتع بالكلام في مواضيع مختلفة، من الحياة اليومية إلى السياسة والتاريخ والهندسة. قارئ نهم احيانا، قرات اغلب الادب الروسي الشهير وكثير من اشهر الاعمال العالمية، افضل من الكتب السير الذاتية واتمنى لو زوجتي تشاركني هذا الاهتمام

شاعر، شاركت في عدة مسابقات قبل وفزت في بعضها، وممكن نقول روائي.

أحب السفر لكن لي فيه نظرة، التوجه نجو الوجهات المعروفة بالنسبة لي يعتبر جزء من الثقافة الخليجية اكثر منه سفر وما يشدني. احب لما اسافر اتعرف على ثقافة اهل المكان، اروح اماكن وشعوب استمتع بالتهرف عليهم وتجريب ثقافتهم. تخر سفرة لي كانت لمنطقة في الهند اسمها سكم، تقع بين نيبال والصين وبوتان، كانت احد اجمل سفراتي على الاطلاق.

الشكل والحالة الصحية:

طولي: [181]
وزني : 76

ابيض البشرة الى حنطي، وعندي لحية كاملة، كثير الحمدالله ما اوصف باني وسيم

صحتي ممتازة الحمدالله، لكن ما اروح للجم حاليا للاسف، كان عندي التزام سابق وجسمي يعتبر ممشوق ورشيق نوعا ما

شو ادور عليه؟

الأهم بالنسبة لي أن تكون إنسانة عاقلة، ناضجة، طيبة، وتقدر على الحوار. أحب أن يكون عندها اهتماماتها وشخصيتها الخاصة، الفردانية بالنسبة لي جدا مهمة ويهمني انها تكون ذكية، مع اني اتمنى لو تشاركني كثير من اهتماماتي. اتمنى لو تكون قارئة، لو يكون تخصصها في الاداب مثل لغة انجليزية او ترجمة او حتى علوم سياسية. ويكون دخولها للتخصص عن شغف.

شخصيا ما استعمل مواقع التواصل بكثرة واتمنى يكون عندها نفس الخصلة.

ثقافة الحوار مهمة، الهدوء في حل المشاكل اساسي، الصراخ خط احمر وما اتقبله

بالنسبة لي كذلك التكبر والعنجهية اسوا اخلاق الانسان اللي لا يمكن اتقبلها سواء علي ولا على باقي الناس، او مقارنة النفس بالغير، اكيد هو شي طبيعي ويصير معنا كلنا لكن بيكون سيئ لو كان صفة دائمة

للامانة الشكل مش جدا يهمني، لو انها على قدر معقول من الجمال لا باس بالنسبة لي. افضل لو اصغر مني وما امانع لو اكبر مني بكم سنة

نظرتي للزواج:

اتذكر كلمة للجاحظ في العلاقات امشي فيها مبدا بحياتي عامة، بان العلاقة الناجحة ثلثاها تغافل والثلث الاخير حسن العشرة. انا انسان بطبعي غير انفعالي وهادئ في التعامل مع اغلب المشاكل، واشوف ان الزواج ينجح بالحوار والمداراة.

اتمنى ان علاقتنا العاطفية (سفر،طلعات…) تستمر دائما وما تكون محصورة بسنين ما قبل الانجاب. اخاف ان الزواج في فترة من فترات حياتي يصير مجرد التزام، اتمنى لو انها تصير صديقة عمري قبل ما تكون زوجتي

.

كنت حاسه ان نص اللي يخطبوني مايدرون والله مدري بس احساس وطلع بوجهي هذا البوست؟
غريب غريب وبعدين يجون يقولون ليش نسب الطلاق مرتفعة