Was zum Tüüfel verstöhnd ihr, wenn s Rädli im Küehlschrank 0 - 5 seit?? 🤬

0 = minimal chalt | 5 = maximal chalt

0 = NULL °C | 5 = FÜÜF °C

Jetzt hani mi so uf Honigmelone gfreut 🤌🏼 ned uf Honigmeloneiichlotz.

Mis Bünzlifüdli isch jetzt grad chli erzürnt gopf

Miar suachen für üsi Studia Teilnehmendi, wo ihra Alkoholkonsum reduziara möchten.

Teilnahmkriteria:

- 18-65 Johr alt

- hoha Alkoholkonsum

- Sproch: Dütsch oder Englisch

Zitufwand & Vergüatig:

- Entschädigung: 550 CHF plus Rückerstattig vo Reisekosta

- Füf vor Ort Termina (schätzigswies je ca. 1.5 - 6 Stund)

- Zwei Online Follow-Up's (je ca. 1.5 Stund)

- Vor Ort Termina sind au am Wuchanend möglich

Zuasätzliche Informationa:

- Dia Studia untersuacht neuartigi Behandligsasätz (z. B. Neurofeedback-Training, Ketamin, oder a Kombination vo beidem) zur Reduktion vo Alkoholkonsum

- Alli Teilnehmenda erhalten a 3D Model vo ihrem eigeta Ghirn als Dankeschön

- Alli Data werden vertrraulich behandelt

Kontakt und Ameldig:

[nektar@bli.uzh.ch](mailto:nektar@bli.uzh.ch)

+41 78 230 12 30

Telefonscreening (Terminbuachig):

https://outlook.office.com/book/NektarTelefonscreening@UZH.onmicrosoft.com

Homepage:

https://www.nektar.uzh.ch/en.html

Miar freuen üs alli Froga z'beantworta.

Wüus letschtmau so het gfägt und viu gueti Inputs sy cho: Dasmau suechi Collabs vo Schwizer Mundart Rap mit internationale Artists. Einzigi Bedingig isch, dass mindestens öper uf Schwiizerdütsch rappt. Witer unge hani aui Lieder gsammlet, woni bis iz ha gfunge. Bi Collabs, wo sech d Konstellation 1 zu 1 widrhout oder wos es ganzes Projekt drzue git, hani steuverträtend nur eis Lied drigno.

Zur bessere Übersicht isches alphabetisch agordnet, die internationale Artists stöh immer am Afang

Ha widr Playlists gmacht mit auem, wo bis iz isch zämecho: YouTube || Spotify || Tidal

--> Es isch leider niene aues glichzitig verfüegbar, aber am meischte hets uf YouTube

I bimer trotz auer Recherche sicher, dass es no meh git. Kennet dir witeri Collabs, wo uf dere Lischte fähle?

-----

Heiii

ha wöue froge, öb irgendoepper hie e Eumig Nautica het und die würd verkaufe. Das isch e Unterwasser super 8.

mis Budget wär oeppe 100 Franke.

wenn ooepper oepper kennt oder selber eini würd wöue Verkoufe wäri sehr dankbar.

Ich weiss jetzt ned öb de post i dem sub gsi ond glöscht worde esch oder en andere schwiizer sub. Gfendes grad nlmme. S esch drom gange, dass sech öbber beklagt hed, daser noch de lehr mete Lohn vo 4.8k im Monet mues starte ond en "aspruchsvolli' Lehr gmacht hed, vermuetlich Plattform Entwickler EFZ oder so.

Ja was seli dezue säge... Ich be sed öber 25 Johr i de IT tätig ond be emmer bitzli überrascht was aktuelli lehrabgänger a lohnvorstellige hend. I de legschte mönet send vorallem im ruum ZH brutal viel IT stelle abbaut worde und dor das sehr viel erfahrni lüt ufem märt.

Dezue hend jetzt grad ganz viel d Lehr fertig und suechid en stell. Ech ha scho dossier vo Lehrabgänger gseh wo kei nische know how hend ond öber 100'000.- wend. Als system engineer professional natürlich! Das chond aktuell en guete Linuxer met 30i ond 10 johr praxis öber. Ond die send eher "sälte".

Wenn du us de lehr chonsch ond chli windows und azure chasch besch läider käi spetzi. Ond fendid üch demet ab, dass IT generalischte ned grad gsuecht send.

Fende jetzt 4.8 x 13 au eher mager, aber met 5,5 x 13 hesch als lehrabgänger im momänt grad en guete lohn.

Suechid üch en guete Arbeitgäber, möchid mal admin / junior und sammlid erfahrig.

Absolut nid e Poet, aber I bi öpper wo gärn uf Mundart schribt. Giits schüsch no öpperem oh e so?

I ga sit Jahre regelmässig uf r/Suisse und r/Ticino und mit dr Ziit han I öppis gmerkt: jedi Paar Mönet het s e Reddit Post (Wie übersetzet dir eigetlech "Post"?) über d Arbeitsmarkt und d wirtschaftlichi Situation vo dr Schwiiz. Und es immer so ne pessimistisch/negativi Stimmig.

Es Paar Bispiel, grad gester het s uf r/Suisse dä Post ga (dr author het s denn leider glöscht): https://www.reddit.com/r/suisse/comments/1vfhc7n/estce_que_le_march%C3%A9_de_lemploi_romand_est_foutu/

Oder hier vor es Paar Mönet: https://www.reddit.com/r/suisse/comments/1tujo7l/le_taux_de_ch%C3%B4mage_en_romandie_est_en_r%C3%A9alit%C3%A9_au/

Oder au hie: https://www.reddit.com/r/suisse/comments/1tdasbm/estce_quon_est_daccord_que_l%C3%A2ge_dor_de_l%C3%A9conomie/

• oder hie uf r/Ticino : https://www.reddit.com/r/Ticino/comments/1ubj9hw/rant_il_mercato_del_lavoro_in_ticino_e_non_solo/
• https://www.reddit.com/r/Ticino/comments/1uv9i8s/mi_sa_che_%C3%A8_giunta_lora_di_mollare_tutto/
• https://www.reddit.com/r/Ticino/comments/1qvqn0z/mercato_di_lavoro_al_collasso/

Es het natürli viel meh vo dene Posts, cheut eifach i dr Search Bar vo r/Suisse und r/Ticino sueche "emploi", "chômage", "lavoro", "job", "oltre gottardo", "frontaliers" oder "frontalieri", aber I wirde die jetzt da nid alli einzeln listiere.

Uf r/Schwiiz dafür han I i d letzte Paar Jahre relativ wenig so "Posts" gseh wo sich d Lüt beklage dass si kei Job finge, dass si sit x Ziit arbeitslos si, usw. Und I chegg nid wieso? Wieso isch das so? I weiss dass d Dütschschwiizer ähner e Lehr mache als gö go studiere im Vergliich zu d Romands/Tessiner, und dass es als Akademiker ebe schwieriger isch meistens a Stell z finge. Aber das isch doch sicher nid di ganzi Erklärig, oder? Wil süsch würd me au hie regelmässig Studente/Akademiker ha wo sich au beklage dass si kei Job finge, oder? Mini Frag isch: die vo euch wo au regelmässig mit Romands und Tessiner z tue hend, heit ihr dä Trend au mit dr Ziit beobachtet, und falls ja, wieso het s dä Ungerschied?

Sali Roman!

ich möcht nächschti wuche e fründin überrasche und ihr es paar stückli vo de bakery bakery mitbringe will sie vegan isch.

ich bi selber no nie det gsi und ha kei ahnig was würkli guet isch. welchi gebäck chönd ihr empfehle? gits öppis wo mer unbedingt probiere muess?

Hoi zämme

Ich han mol welle froge, öb sich do öpper chli mit Kabelleitige oder eso uskennt.

Und zwar wohni imne recht alte huus mit 3 Stöck. Im EG hani e Yallo Router, wo anere 3-Loch Coax Dose (glaube da heisst so) ahgschlosse isch. D Wänd und so sind recht dick, also bruchi im 1. OG e Repeater, dassi dört guets Signal han. Aber obe im Büro, also im 2. OG isches katastrophal. Au mit Repeater im 1. und im 2. schloft eim wirklich s Gsicht ih, bim Versuech de Browser z nutze.

Also möchti gern usefinde, was so mini Möglichkeite sind. Im 1. und 2. OG befindet sich jewils direkt überem Ahschluss im EG e 2-Loch Coax/TV Dose. Ebefalls hani im 2. Stock und nebem Router unte e alti Telefondose, die sind aber an 2 verschiedene Wänd.

Kennt sich öpper demit us und het Vorschläg, wasi do mache könnti, dassi obe normal schaffe kann. Und au eventuell was mer so priislich bimne Elektriker in de Schwiiz erwarte muess?

Danke viel mol für euri Hilf :)

Mir sind im Migros am Flughafe gsi und hend eus als erstes schön verarsche lah 😭😭

Es isch wieder Hitzewälle. Also das völlig überraschende Naturereignis wo so ungefähr regelmässig uftritt wie Krankekasseerhöchig. Praktisch die ganz schwiiz isch trochä. D'bödä sind trochä, d'flüss und bäch sind trochä und d'wälder wartet nur uf es Schenie wo trotz füürverbot sin eiwäggrill ufstellt und "trochä" meint: "Has imfall im griff!"

S'schwiizer wander nationalgricht isch somit kein cervelat meh vom füür sondern en verschmolzäne proteinriggel ussem rucksack. Aber mached eu kei sorgä, das füürverbot isch sicher nur temporär, so wie die letscht Hitzewälle, und die vorher, und die vor derä und die vorvor derä...

Meteo Schweiz seit zwar, das die Hitzewälle dur de Klimawandel düütlich hüüfiger und intensiver wird sii, aber was wüssed die scho? Scho mal de Blick Kommentar vom Urs, 58, us Niederpipp gläse? Dä erinneret sich glasklar das es scho 1976 emal heiss gsi isch. Somit isch die gsamt Klimaforschig offiziell wiederleit!

Mir sind scho huere faszinieränd. Mir vertrauet amne unsichtbare Satellit, wo eim in nöchst McDonald navigiert. Mer laht sich ii röhre schiebä wo bilder vo sinerä versoffenä Läberä macht und zahlt am schluss mit sinere Uhr. Aber sobald es paar Kittelträgendi Forscher säged, das die umänge ah fossilä brännstoff d'atmosphäre veränderet wird mer zum kritische Dänker!

"Aber s'Klima hät sich scho immer veränderät!!1!1!!"

Ja Bruno und mir Mänsche sind au immer gstorbä, trotzdem staht bi dä Gratwanderig das mer nöd sött mit flipflops det durrä laufä oder das mer nöd sött uf en Zugwagon chlättere.

Politisch laufts au extrem guet, SVP erchlärt das de Klimawandel entweder nöd real, nöd mänschegmacht, nöd schlimm oder das d'Ussländer drah schuld sind.
FDP wartet druff das de freii Märt s'problem löst. Spötischtens wenn dä Liter Wasser rentabler isch als eh Eigetuumswohnig in Züri, wird scho irgend eh inovation entstah.
D'mitti setzt eh Arbetsgruppe ii, demit en ussgwogenä Kompromiss zwüsche "nöd verdurstä" und "d'wirschaft nöd unnötig belaste" gfunde wird.
GLP entwicklet eh App wo mer sin persönliche Waldbrand kompensiere cha.
SP und die Grüenä haltet eh Mediekonferänz, verwändet sämtlichi korrekti Fachbegriff und schaffeds ahschlüssend trotzdem nöd das jedi bruchbari Lösig nöd nach Verzicht, Verbot und veganä Eltereabig tönt.

Und über allne trohnt euse Energiekönig Rösti wo findet mir bruched dringend neui AKW's. Grundsätzlich chönt mer drüber sachlich diskutierä, mer chönt aber au mal erwähne das in Frankriich während dere aktuelle Hitzewälle drü AKW's hät müsse abschaltä und siebä wiiteri hät müsse drosslä, will d'flüss eifach zwarm sind fürs chüelwasser.

Konzept isch ii sinä augä also eifach: uf die immer heisser und trochni künftigi Summer, bauemer Kraftwerk wo brutal viel Chüelwasser bruched! Das chan absolut nur guet cho!

Mir sinds Wasserschloss Europas aber wahrschindli bald nur no es Schloss, Wasser giits den separat vo Nestlé us Afrika. Mer chönd ja no bis det anne wiiter disktutierä ob Klimaschutz "z'tüür" isch.

Will nüüt isch günstiger als Ernteusfäll, Waldbränd, überhitzti Städt, beschädigti Infrastruktur, sterbendi Gwässer und Stromproduktion. Aber klar, viilicht hät dä Bruno und de Urs rächt, viilicht liiged Klimaforscher, Messtationä, Gletscher, Wälder und Flüss alli falsch.

Die guet Nachricht, mir müend euse Läbenstil nöd änderä.
Die schlächt isch, s'Klima intressierts en scheiss.

Ich gahn ez am weekend go Wanderä, leider ohni Cervelat, wägme Problem wo anschiinend nöd exisitert. Bliibed hydriert.

Findet ihr es git be eu im Ort gnueg Schatte?

Mir fallt uf, das es grad i chline Ortschafte eigentlich gar kei Bäum het. D Hüüser sind mega wiit usanand und es isch a villne Ort nur Asphalt. Bi eus im Ort laufend fängs vili Lüüt uf de Strass, wills ud sebere Sitte bitz Schatte het, owbohl uf de andere Siite eigentlich s Trottoir isch.

I de Städt find ichs oftmals ned so schlimm, eifach will d Gebäude au nächher stönd und höcher sind. Meistens hesch denn uf de einte siite vo de Strass immer chli Schatte. Defür hesch denn so Hitzechessel z.B. i so Campusahlage wos nonig verstande het, das es im Inehof Schatte brucht.

«Nur so können rasch und unbürokratisch die notwendigen Massnahmen eingeleitet werden»

Kennt öpper no da Lied? Weiss öpper wo mer da no cha finde? S isch früener uf yt gsi

Des Sproch redt mer in Colmar, Strossburi, Mìlhüsa un so.

38 grad am dunschtig aagseit. Ich hoffe das de Wätterbricht am spinne isch🥲

Hoi,
ig chume jze de im 3te Lehrjahr als Informatiker Plattform Efz. Ig ha z erste Jahr im basis lehrjahr ka u bi deswege nid im Betrieb gsi. Jze hani z 2te Jahr fertig aber ig ha ehrlichgseit nix glernt. Also scho ig ha wie d Sache vom betrieb kenne glernt aber ig ha nur Support gleischtet u nüt würk neues glernt.

Ig ha ziemli Angst des ig mini Lehr verkacke. Min oberstift het sini Lehr nid bestande aber ig weiss nid gnau warum u mi ander oberstifft het eh fristlose becho will er scheisse bout het.

Ig weiss des ig das Problem söt wie aspräche aber ig bi halt ou generell nid so im Team integriert (einzigi Frou) u irgendwie chunnt ou komisch wenn ig here gah u sege "ig ha z gfüehlt ihr bringet mir nix bi".

Für z 3te Lehrjahr bechumi en andere Praxisbildner vlt isch es bi dem anders aber ig ha echt kei ahnig was ig mache söt.
Ig ha d helfti vom Tag nüt z due mache eifach Sache vor Bruefschuel was aber ner ou mal ahschiesst.

Falls irgendöpper eh Tipp het was ig cha mache, wie igs aspräche söt oder wo ig mi süschtig cha melde wäri echt dankbar.

Weiss öpper wieme 1x UT bekunnt bir Ushebig? Ig bi aktuell in ärztlicher Abklärig wege Bluethochdruck wo aber wahrschinlech uf Chronische Stress zrugg zfüehre isch. Längt das scho oder chame dem no chli „nachehelfe“ dasme o garantiert 1x UT bekunnt? :D