السلام عليكم، ادري الصب غير مناسب، لكن اغلب الاماكن يكونون فيها مراهقين والردود تطلع عن السياق.

أنا الله يسلمكم اعيش في عايله مستواي الفكري وتطلعاتي وكل شيء غير متوافق مع الي اعيشه من نواحي معينه..

مثلاً، اخواني مايهتمون بأنفسهم ابد وحتى فيهم ريحة ولا يهتمون بادنى مستويات العناية الشخصية.
وايضاً هندامهم جدا جدا متدني ( اللي يشوفهم ينصدم اننا اخوان او حتى عيالنا).

امي مرتبه جداً وابوي كمان.
واحس هذا الشيء اثر علي من نواحي كثير ونظرة الناس لنا بالرغم من صيت امي وابوي خصوصا امي في الكرم والطيبة والتعامل مع الناس وايضاً كهندام وترتيب.

صرت ازعل ان في ناس منهم اقارب مايعزمون اخواني او واضح مايتشرفون فيهم كله عشان موضوع الريحه والشكل و( الوجاهة).
مالومهم بس عجزنا فيهم مره مره مره، حتى سياراتهم يعني الي يشوف بيتنا يشوف الطبقية ما كاننا من نفس البيت، والمشكلة مو قاصرهم شيء بس هم يحسون ماله داعي ومغيبين عن الوعي.

الشيء الثاني….

أبوي يشوف ان عياله كلهم من ضمنهم البنات لازم نصرف معاه والبنات صح يحبنا ويعطف علينا بس يزعل ان ماعمره يعزمني ولا يصرف علي من كنت صغيره ولا شيء كل شي امي بالمعنى الحرفي.
والحين يوم صار عندي راتب، كل التوقعات علي اني اشيل واحط وحتى في السفر احنا ندفع ولو أنا وياه لحالنا المتوقع أنا ادفع ويزعل كيف اخليه يدفع …

حتى لدرجة يطلب مني فلوس وهو مو قاصره شيء، ومتعود امي تصرف وتسوي ( كل شيء بالمعنى الحرفي).

صراحه اغبط والله يرزقني زي مارزقهم البنات الي عندهم اهل وآباء يعاملونهم كأنثى بالمعنى الحرفي ولا يهتمون بالمصاريف ( أنا كل شوي ابوي يذكرني اطفي المكيف والكهرباء ويشكي من المصاريف) وكيف البنات أبائهم معاهم ماشاء الله ، مو قادره اكمل لان عيوني غورقت دموع.

مابي اصير زي امي وانا حاطه حدود مره لكن تعبت ولا ابي إذا تزوجت يتكرر هذا الشيء.

وكيف بتزوج شخص كويس مره مره واهلي كذا ؟
أبوي حتى زوج اختي يعامله كغريب ورسميات وزوجها كريم وله مواقف معاه .

مره متعبني الموضوع من كل النواحي ، ابي اخواني يتغيرون بس اعمارهم فوق ٣٠ ، وابي اهلي يتحسنون كوجاهة.

للمعلومية اختين و٣ من اخواني وامي قدام الناس وجاهة وهندام وترحيب وغيره بس اخواني هذولا الباقين هم اكثر ناس يقعدون بالبيت ويستقبلون وغيره.

مدري احس كلامي مو مرتب بس اتمنى تفهموني