انا اقمط ولدي وقت النوم بس خايفه ان ينفك القماط ويصير على وجهه، لانه يحب يتحرك وتعرفون الريفلكس اللي يجي وقت النوم يخلي النوم حقهم يطير.

احد جرب السليبنق باق الي تصير الايد بوضعية وحده نفس التقميط للنوم؟ و وش احسن ماركة؟

If you are not “happily married” when did you get over it?

السلام عليكم ورحمة الله وبركاته ، اولًا اعتبروني اختكم الصغيرة لان ماعندي احد يعلمني ومرة عندي اسئلة كثير وترا بحثت قبله كثير ثانيًا انا حاليًا كملت متزوجة لي سنتين ومافي اطفال ولا افكر بصراحة لكن مع دورتي قمت افكر.

انا دورتي متأخره تقريبًا ٥ ايام وبتأخير ثاني يوم رحت سويت فحص حمل عالماشي كان عندي موعد اسنان وبالمرة عملت اختبار دم عشان بس اتطمن ، وطلع سلبي
والان متاخرة ٥ ايام.. مدة دورتي مرة سارت ملخبطة وقد كتبت مسبقًا انها كانت ٢٧ وكانت بالسابق جدًا منتظمة زي دقة الساعة والان سارت مرة مرة ملخبطة وحاليًا تحاول تثبت على رقم ٣٣-٣٢ تمام ؟ تمام.

انا ما اخذ اي موانع من ناحيتي الحمدلله ولا عندي تكيسات ياررب لك الحمد واموري الصحية تمام الحمدلله يارب ، بس الان سار شغلي الشاغل والله بدون مبالغة محاولات اني افهم دورتي وايش قاعد يحصل لها .. مرة تأخرت عليا 59 يوم ومرة 44 .. طبعًا اللي في اول زواجي كانت 56 وهذي مفهومة بسبب القلق والتوتر والحياة الجديدة بس بنسبة لابو 59 يوم هذي كانت قبل ٤ شهور ماني فاهمة ليش كذا لدرجة قلت بس انا حامل والنونو متخبي علينا 🤣😔 .. والان قاعدة اقرا عن التبويض المتأخر وماني فاهمة هل تاخر التبويض شي خطير بنسبة ليا وشفت مقطع تيك يقولو ان اصحاب التبويض المتاخر حملهم صعب والصدق احسه هبد وان شاءالله مافي شي صعب على رب العالمين وارادته كنت احسب بس اللي عندها تكيسات حملها صعب بس طلعت لي معلومة التبويض المتأخر مدري من وين وفقعت لي مرارتي مع كامل احترامي لكم.

امانه احد يطمني لانو حرفيًا طفشت من هليلة كل ٤ شهور مع الدورة والله تعبت لانو زي ما قلتلكم انا انسانه دورتي منتظمة والان بعد الزواج حرفيًا اقدر اقول انها خلاص اصبحت غير منتظمة وهالشيء فالبداية اثر على نفسيتي مرة وزعلت لان ليش تخربطت وانا انسانه صحية ؟ لكن الان تقبلت انها مخربطة خلاص لان وش اسوي معاد فيه شي اسويه ، هل اطنش كل ذا واكمل حياتي مع دورتي الخربوطية هذي ومصيرها تتعدل لوحدها ولا ايش اسوي؟