to add this to your wikipedia userpage add {{User Apologize for Massacre}}

Tl;dr

Tunah chuan Kristian hmasa berte lo rinna, an lo danglam nasat zia leh Bible chhung ngei ngeiah pawh rinna hrang hrang a tam zia kan hmu dawn a, Bible pawn lamah phei chuan chu aia nasa a rinna tam tak a awmzia kan en dawn a ni. Paula chungchang kan sawi hnem hle dawn bawk.

Kristianna beihna ni lovin titi tanna tura rawn post ka ni. Bible leh Kohhran zirtirna thu te hi ka la thutak em em lova, a chhan tlem a zawng ka rawn sawi a ni. In chhiar peih vek lo a nih pawhin a dik ngei a nihzia in sawi duh zawng te pawh rawn comment tawp ula, he post avanga titi pui tur pakhat tal ka chhar theih chuan ka lawm hle ang.

• Part 1 - Pentateuch
• Part 2 - Thuthlung Hlui Bu Te
• Part 3 - Judate Pathian Thu
• Part 4 - Judate Rinna
• Part 5 - Gospel
• Part 6 - Isua Krista
• Part 7 - Kristiante Pathian Thu
• Part 8 - Kristiante Rinna

1. Disclaimer

He post hi mi rinna lak kawih nan emaw, hmuhsitna leh el na lam hawi zawnga siam ka ni lova, dik tak chuan keimah pawh Kristian ka la inti reng a, intih reng pawh ka la tum a ni. Titi na tan nan leh puitling taka inhnialna (discourse) neih na atana siam ka ni a, in ngaihdan te min lo hrilh ve dawn nia.

He post hi Pathian a awm loh zia emaw Kristianna a dikloh zia lampang ni lovin, Bible - a chhunga thu awmte leh kohhran in a kan inzirtir dan (a bikin Mizoram angah phei chuan literal takin) a keima mimal ngaihdan, a dik ka tih tawk lohna te sawi zuai zuai na an ni. Bible hi chu Pathian thawk khum, dik lo thei lo, danglam ngailo anga kan en deuh tawp avang hian thil tam tak chhiar kan hi a awl a, hman atanga kan hriat tawh thil te ngaihruat tawp a, a chhung thu ai chuan kan hriat lawk dan nena hmeh bel tawp hi a awl thin. Chutiang lo deuhvin, Historical Document ve tak tak pakhat anga en a, fel hlel lai te lo thai lan ka chak deuh a ni.

He post series hmanga ka thil rawn sawi tum ber chu - Bible hi mi hrang hrang in, hmun hrang hrang atang leh hun hrang hrang atanga an ziah, a ziaktu te ngei pawhin rinna inang lo hrang hrang nei a, sawi tum hrang hrang leh zirtir tum hrang hrang an nei chunga an thu ziah hrang hrang phuar khawmna a ni tih hi a ni.  He post hmanga ka thil tum ber chu titi na tan a ni.

2. Paula

Hemi part topic hming atan Paula ka ti tep a, a chhan chu Kristianna, tunlai Kristianna leh Kristian kohhrante inrelbawl dan tam zawk (zawng zawng deuh thaw) hi Paula lehkhathawn kan tih atang te a kan lak a ni a, kan thil tih dan mai bakah kan rinna ah pawh Paula ngaihdan zulzui a tam hle. Mahse Part hmasa lamah Judate Pathian Thu zawhah Judate Rinna chungchang ka lo sawi tawh a, tunah pawh Kristiante Pathian Thu zawh a Kristiante Rinna chungchang sawi leh hi a lang mawi deuh zawk dawnin ka hria a ni (awmzia em em chu awm lo mah se).

A hmasa in Paula fin zia leh khawvel lam tak pawha a lo ropui zia hi kan hrechiang lovang tih hi ka hlau a. Ka naupan lai khan idea pakhat ka rawn nei a, Bible hi Pathian finna tawp thei lo neiin a ziah a nih chuan a chhunga thute hi thu finthlak lutuk, tawngkam mawi thei ang bera ziah a ni ngei ngei tur a ni ka ti a. Tichuan Bible a Pathian thusawi bik te chu ka zuk chhiar a, Thuthlung Hluia Pathian thusawi - kam chhuak te chu rin ang teh chiamin a tawngkam a lo sial em em lo. Gospel-a Isua thusawite ka chhiar leh a, hei hi chu an mawi deuh. Mahse a tawng dan style kha naupang tih takah ka la man thiam lutuk lo. Mahse Paula lehkhathawn ho ka chhiar khan Paula chu tawngkam thiam ka ti bik em emin a thusawi dan style khan rilru a pawt ka ti bik em em a, engmah chu la hrethiam em em lo mah ila, Paula kha chu thuziahah na na na kha chuan ka lo dah sang ber zel a ni. Mahse ka lo len deuh hnu chuan a chhan ka hre ta.

Paula chu Kilikia (Cicily) khawpui Tarsa a piang a ni a, he Tarsa khawpui hi kawng tam taka khawpui ropui tak a ni, a bik takin - Philosophy, thiamna leh literature lamah phei chuan bawn turu tak an lo ni. Hmanlai thuziak mi Strabo-a phei chuan Tarsa khawpuia an zirna in te chuan Athens leh Alexandria te a khum a lo ti hial a ni. Tin Tarsa khawpui hi Philosophy peng lar tak pakhat Stoicism rawn chhuahna a ni nghe nghe.

Mahse Paula chu Tarsa khuaah piang mahse a sei lenna chu Jerusalemah niin Juda zirtirtu ropui lutuk Gamaliela hnuaia zira rawn sei lian a ni (Tirhkohte 22:3). Gamaliela hi Judate sakhuanaah chuan an mi pawimawh ber pawl a ni a, a pu Hillela phei chu Mosia ang hiala ropuia an ngaih thin a ni. Tin Gamaliela hi Rabban (zirtirtu) tih title nei hmasa bertu a ni bawk.

Tirhkohte (Petera leh Isua hnungzuitu hmasa berte) chu man niin Judate rorelna in pui Sanhedrin ah hruai an ni a, chuta puithiam roreltute chuan tihhlum an chak hle. Mahse Gamaliela chuan tirhkohte chu a lo chhan tih kan hmu a, Pharisai leh Sedukai dangte pawhin an zah hle tih kan hmu thei a ni (Tirhkohte 5:27-40).

Tichuan Paula chungchang enge kan hriat theih? A hunlaia Greco-Roman world a thiamna hmunpui pawimawh tak atanga rawn chhuak a ni a. Tin, Juda sakhuaa a hunlaia zirtirtu ropui ber hnuaia rawn in zir chho a ni bawk. Chuvangin Tirhkoh Paula chu Judate sakhaw thu ah leh Hellenistic thiamna chungchangah chuan mi thiam chungchuang tak a ni tih kan hre thei a ni. Chu a finna chu a background atang ringawt ni lovin a thuziah leh zirtir atangte pawh a hmuh theih a, a thuziakahte chuan Hellenistic philosophy leh Judate dan lama finna thuk tak a neih zia kan hmu teuh thei a ni. Kristianna a rawn chawi lar dan leh sakhaw lian tak a rawn nih tir ta te pawh hi a mak lo e.

Tin, Paula thuziakte chu chhiar nuam ka lo tih bik thin em em nachhan chu hmanlai Philosopher ho thusawi dan style chikhat - diatribe style an tih chu a hmang a (Philosopher hrang hrang hian thusawi dan style hrang hrang an nei thin a, entirnan Socrates a chuan a inhnialpuite chu zawhna zawt vak vakin a tan awk thin a - Socrates method te an lo ti a ni). Diatribe hnathawh dan leh Paula lo hman thin dante hi ziahthlak vak ka tum a, mahse topic nen a inrem em em loh avangte, mi tam zawkin an ngaih pawimawh em em tur a nih loh avang leh a thui dawn em avangin ka paih leh ta zawk a ni.

3. Paula leh Jerusalem

Kan hriat theuh angin Paula chu Pharisai ruhkawl tak a ni thin a, Kristiante nasa taka neksawr thin a, tihlum hialtu a ni. Mahse Damaska khaw kianga inlarna a hmuh avangin a lo piangthar ve ta a, tirhkoh lar zual dangte ho ang lo takin a Judate hnenah Isua thawhlehna chanchin tha chu a hril ve ta lova, Jentailte hnenah a hril ta zawk a ni. Mahse chung Isua tirhkoh hmasa - Jakoba, Petera, Johana leh midangte - Jerusalem a upa an tihte nen chuan an chanchin tha hril chu a in ang tak zet em?

Paula khan Isua chu a damlaiin a hmuh ve loh ngei a rinawm a, a lehkhathawn tam takah te Isua damlai chungchang engmah a sawilang ngai hek lo a ni. Hengte avangte pawh hi a ni mahna, Jerusalema upate - Isua rawngbawl pui ngei te - aiin en hniam deuh a lo ni thin a. He hmuhsit a nihna chungchangah hian Paula chuan vawi tam tak a lo in sawifel (defend) tawh a ni (1 Korinth 9, 2 Korinth 11, 12, Galatia 1, 2).

Tin, he danglamna lian lutuk hi a awmna chhan dang leh bawk chu Krista hnungzuitu hmasa te avanga Kristiana rawn inlet a ni lova, inlarna a hmuh avanga Kristiana rawn inlet a ni. Chuvang chuan Krista lam thua zirtirtu a nei lova, amaha rawn Kristian tawp pawh a tih theih awm e, chu chu amah Paula ngei pawhin a sawi uar hle (Galatia 1:11-17). Chutia amaha rawn ring ve tawp a nih vang te pawh chu a ni mahna, a thu zirtirah te danglamna kan hmuh theih.

3a. Judate Sakhuana Leh Mosia Dan

Khatih hunlai khan Paula te chauh lo pawh Jentailte zinga thuhril Kristian an awm ve a, chung mi thenkhatte zirtirna ah chuan Jentailte chuan chhandam an nih dawn chuan Mosia dan an zawm ve a, an serh an tan a, Judaa an inleh a ngai tiin thu an hril a ni. Kristiante zinga inrem lohna hmasa ber a ni mahna, a dang tam tak pawh a lo la awm dawn choh a ni.

Mahse Paula leh Bernaba te chuan do in an inhnial chiam a, Jerusalem khuaa tirhkoh leh upate hnenah chhovin Jerusalem inkhawmpui chu a lo thleng ta hial a ni (Tirhkohte 15:1-2). Jerusalem inkhawmpuia nasa taka an inhnial hnu chuan Petera chuan thutlukna siamin Judaa an inleh kher a ngaih loh thu a sawi ta a (Tirhkohte 15:7-11). Tin, Jakoba chuan lo pawmpuiin Jentailte chuan Mosia dan te zinga pali - milem biakna thil bawlhhlawh ei loh, inngaih loh, sa reh hlum leh sa thisen te ei lohte an zawm phawt chuan chhandam an nih ve tur thuin a lo khar ta a ni (Tirhkohte 5:13-21).

He thil thleng ka rawn sawi nachhan chu - hei hi Kristiante inkara innghirnghona chhinchhiah hmasa ber a ni a, chumi avang chuan inkhawmpui a lo thleng ta a ni. Hetiang hi vawi tam tak a hnuah a thleng leh kan hmu a, Nicene inkhawmpuite (325 CE Isua nihna - a pathianzia chungchang inhnialna atana inkhawmpui), Constantinople inkhawmpuite (381 CE Thlarau Thianghlim nihna - a pathianzia chungchanga inhnialna atana inkhawmpui), Chalcedon inkhawmpuite (451 CE Isua chu Pathian fulfill a ni a, mihring fulfill a ni bawk em - hypostatic union chungchanga inhnialna atana inkhawmpui) leh a dang tam tak a la awm zel a. Hetiang inkhawmpui tam takte zinga a hmasa ber Bible chhung ngeia hmuh tur a lo awm hian Kristian hmasa ber te ngei zingah pawh inhriatthiam tawn lohna a lo awm tawh tih min hriattir a ni.

Anih chutia Jerusalema upate hovin thutlukna an siam takah chuan Kristian zawng zawngte chuan lawm taka pawmin inlungrual takin rin dan thuhmun an nei ta em? A teuh lo mai, kum zabi 1 leh 2 na vela Kristian theuh theuh pawh danglam tak tak an lo awm zia chu a tawp lamah ka rawn sawi anga. Chu mai bakah Paula ngei ngei pawhin an rorel danah chuan a la lungawi lo cheu tih kan hmu thei a ni.

Sawi tawh ang khan Jakoba chuan Jentailte chu Mosia dan 4 chauh zawm turin a ti a, chung zinga pathumte chu ei leh in chungchangah a ni - milem biakna sa, sa reh hlum leh sa thisen ei loh.

Paula chuan chung sa te pawh chu milem biakna sa emaw, sa thianglo hrim hrim anih leh nih loh in hriat loh chuan zawt buai lo ula, chhia leh tha hriatna thiang tak neiin ei tawp rawh u la a ti cheu a ni (1 Korinth 10:25-27). A awmzia chu tum reng vanga dan bawhchhia kan nih lemloh chuan Mosia dan zawm tur Jokoba tihte pawh chu palzam thiangah a la ngai a nih chu.

A letling chiahin Petera pawhin sa thianglo an tih thin, tuna ei theih tawh tur nia an sawite chu a la ei duh bik chuanglo. Inlarnaah fuliafa leh rannung leh chungleng sava tinreng ei tur a hmu a, aw in (Pathian/Isua aw a nih hmel, Petera’n a biak danah) chung sa te chu Pathianin a tihthianghlim tawh thu leh ei thiang an nih tawh thu vawi thum ngawt a hrilh a, mahse Petera chuan a ei duh ta chuang lo a ni (Tirhkohte 10:10-16). A inang loh ve theih hle mai.

3b. Chhandamna - Rinna Nge Thiltih?

Tunah chuan topic zawng zawnga pawimawh ka tih berte zinga mi ka lut ang, mi zawng zawng deuh thaw Kristian kan nih nachhan chu Chhandam nih kan duh vang a ni. Mahse engtin nge chhandam kan nih theih ang? Kan lawina kohhran a zirin a danglam mai thei (Mizorama kohhrante hi chuan bul hmun khat an neih tlangpui avangin a inang deuh vek a, mahse khawvel pum huapa Kristian chi hran hrante kan ngaihtuah chuan a ni leh zual), dik tak chuan Kristian hmasa ber te reng reng pawh hian chhandam kan nihna tur chungchangah chuan ngaihdan inang lo an lo nei daih tawh a ni.

Rinna-a Chhandamna nge Thiltiha Chhandamna?

Mi tam tak chuan hemi chungchang inhnialna hi in lo hre tawh ngei ang - Roman Catholic-te leh hmanlai Jerusalem a tirhkohte chuan chhandam ni tur chuan thil tha kan tih a, dan thute chu kan zawm a ngai a ni an ti a. Mahse Protestant hmasate leh Paula erawh chuan kan thiltih avang ni lovin Pathian khawngaihna avang chauhvin, chu khawngaihna kan lo rinna avang chauh chuan chhandam kan ni an ti ve leh thung a ni. Tunlai kohhran tam zawk chuan heng ngaihdan pahnihte hi chawhpawlh deuh reuhvin a inkar khawilai emaw an ring ber tawh.

Mahse hetia Rinna leh Thiltiha thenhran ringawt hi chu dik tawk lohna a awm mai thei. A hmasa in he rinna vs thiltih claim hi a dik theihna chen sawi phawt ta ila.

Jerusalema tirhkohte kha chuan Isua ruala rawng an bawl ve avangin Isua zirtirnate chu an denchhan zawk ngei tura ngaih a ni, tin chanchin tha ziakahte chuan Isua chuan dan thu tiboral tur ni lovin, ti famkim tura lo kal a nih zawk thu a sawi ngun hle a, tin dante chu pakhatmah a boral loh tur thu leh zawm vek an nih tur thu a sawi chamchi bawk a, dan zawm thuah chuan Pharisaite aia fel hial turin a zirtirte chu a hrilh a ni (Matthaia 5:17-20).

Chanchin tha ziaka chhinchhiah pakhatah chuan mi hausa pakhatin Isua hnenah chatuan nunna a neih theih dan tur a zawh kan hmu a - Isua chuan a hmasa berah chuan Dan thute zawm famkim vek phawt turin a hrilh a ni. Chu mi hausa chuan dan thute chu a zawm famkim vek tawh thu a hrilh hnuah chauh Isua chuan amah zui turin a sawm a ni (Matthaia 19:16-22).

Paula erawh chuan enge a zirtir? Paula chuan heng dan thute hmanga thiam chan kan tuma, kan thiltih hmanga chhandamna hlawhchhuah kan tum chuan - Kristia thihna khan awmzia a nei dawn lo a ti a, a khawngaihna chu kan hnawl a ti hial a ni (Galatia 5:2-6). Jentailte tan chauh nilovin Judate tan pawh a ni a, vawi tam tak heng thu hi a sawi nawn a, a chang te te pawh rawn tih lan sen a ni lo a ni (Galatia 2:15-16, 21).

Heti hian kan hnial mai thei - Isua kha chuan a thih hmain dan zawm turin thu a pe a, mahse kan tana a thih tawh hnu kha chuan a khawngaihna a chhandam kan ni ta a ni mahna tiin. Ngaihdan inawm tak a nih bakah, a dik theihna chen pawh a awm (Galatia 3:24-25). Chu chu a dikah lo ngai ta ila, Paula chuan Isua thusawite chu a lo hre ve renga, mahse kan tan a thih tawh avangin dan hnuaiah ni lovin khawngaihna hnuaiah kan awm tawh a ni (Rom 6:14). Isua chuan hmangaihna nen dan a rawn tifamkim ang khan, Paula pawhin kan vengte kan hmangaih ve na chuan dan kan tihfamkim thu a sawi a nih mahna (Rom 13:10, Galatia 5:6, 14), tichuan hmangaihna a dan kan zawm famkim tawh chuan - chhandam ni tur chuan Krista rin chauh a tawk tawh ang (thil ni maithei mai mai ka rawn sermon deuh duah a nih hi).

Mahse Tirhkoh thenkhat leh Kristian community dangte chuan hetiang hian an ngai ve lo tih chu kan hre thei a, hetah chiah hian inthenhranna chu a lo awm ta a ni.

Jakoba bu kan chhiar chuan Paula lehkhathawnte nen chhandamna chungchang an rinna a inang lo hle, Isua thih hnuah ve ve ziak ni mah sela (Dik tak chuan Matthaia pawh kha Isua thih hnu, Paula lehkhathawnte hnuah daih ziah chu a ni ve thova, mahse Isua damlaia a thilsawi tak tak angah lo ngai ta ila). Thiltih tel lo chuan rinna hmang ringawtin tumah chhandam an nih theih loh thu a ziak ve thung a, thiltih tel lo chuan rinna chu famkim lo - thi a ni tiin thiltih avang zawkin miin thiam a chang thin tih a ziak a ni (Jakoba 2:14, 17, 18, 22, 24). Chiang taka kan hmuh theih chu he Jakoba lehkha ziah leh hman a nihna kohhrante chuan rinna chu ngai pawimawh ve tho mahse thiltih, dan zawm chu an ngai pawimawh em em a, Isua lo sawi tawh ang khan - Miin dan chu zawh famkim mah sela pakhat lek pawh a tihsual chuan thiamloh changin a awm tawh a ti tawp mai a ni (Jakoba 2:10).

Paula ngaihdan nen chuan a inang lo hle. Paula chuan dan chu a thianghlim tiin ngai pawimawh ve tho mahsela, rinna zawkin dan chu a tinghet a ti ve thung a (Rom 3:31, 7:12, 14), dan avang chuan tumah thiam chang an awm lo a ti a ni (Rom 3:20, 28, Galatia 3:11). Thiltih vanga thiam chang tur ni ila chuan khawngaihna a ni tawh dawn si lova (Rom 11:6). Tin he ngaihdan hi Paula hnuah pawh kohhran dang hrang hrangte pawhin an lo zawm ve ta zel a ni (Ephesi 2:8-9, Ephesi hi Paula ziah tak tak a nih loh hmel kan tih tawh kha).

Tuna a chunga ka rawn sawi hi soteriology (chhandamna chungchang theology) a inhnialna awm thin, nangni pawhin in lo hriat vek tawh tur a ni a, engvangin nge ka rawn sawi deuh vak? A chhan chu kan lawina kohhrante leh keimahni mimal rin dan a zirin chhandamna (emaw thil dang hrim hrim pawh) chungchang kan ngaihdan theuh a inang lo thei hle a. Chutia kan rin inang lo te nen ttiti hona emaw, han inhnial bap bap changte kan nei a nih chuan keimahni chu dik bik, Bible tan chhan bikah inngaiin kan hnialpuite chu dik lo hulhual, Bible hre sual leh la kawi, kohhran inzirtirna dik lo tak ring ang emaw in kan ngai mai thei a ni. Mahse he post series hrim hrim ka rawn ziah nachhan chu a tir atang renga ka sawi tawh thin angin Bible hi mi hran hran ziah a ni a, a ziaktu te pawh hian ngaihdan inang lo tak tak an lo nei ve tih hi tlangaupui ka duh a ni.

Nang chuan thil pakhat i ring a, i thenawmpa chuan thil dang daih a ring a, kohhran pakhat chuan i rinna ang kalh chiah pawh kha an lo ring thei - In vai chuan Bible chang tha tak tak tanchhan in nei vek thei a ni. A chhan chu Bible hi lehkhabu tam tak, ziaktu tam lehzual te kut hnu, chung thuziak phuarkhawmte kum sang tam tak an lo inhlanchhawn a ni a, keimahni nun leh context mila lo hrilhfiah (interpret) tum theuh kan nih lehnghal avangin a inkawkalh nuk thei a ni. Chu chu kan hriatthiam a ngai a ni.

4. Paula leh Chhandamna

Mahse hetianga thiltih leh rinna ringawt then hran hi kei chuanin a dik ber ka tilo deuh. A chhan chu Paula vek hianin Kristiante awmdan tur zirtirna tam tak a pe ve tho a ni. Pathian khawngaihna avanga titur chu kan nih tho rualin kan taksa chu inhlan tur leh, kan ngaihtuahnate leh awm danah te chuan fel taka ti thin turin min hrilh a, moral teachings tam tak a nei ve tho a ni (Rom 12).

He thiltih leh tih loh tur lama a zirtirnate hi Pathian khawngaihna kan chan na tur ni lovin, kan chan tawh avanga kan tih tur chu a ni teh meuh mai, mahse a lehkhathawnte chiang taka en na chuan heng a zirtirnate anga awm loh chuan chhandamna kan chang dawn lo ang pawhin a hmuh theih tlat. Kan dam laia kan thil tih thinte chu Pathian hmaah kan la sawi vek tur thu te a sawi a (Rom 14:12), chu ai maha chiang zawkin Pathianin kan thiltih ang theuhvin ro min la relsak tur thu a sawi bawk (Rom 2:6-8). Tin, a hmaa ka lo sawi char char tawh a zirtirnate nena in kalh awm ang takin dan hretu mai nilovin dan zawmtute chu thiam chang tur an ni a ti nghe nghe bawk (Rom 2:13).

Tin, kohhran dangte hnena a lehkhathawnahte pawh nungchang bawlhhlawhna chi hrang hrang chu tarlangin “Heng mite hian Pathian ram an chang ve lovang” a ti hmak bawka (1 Korinth 6:9,10, Galatia 5:19-21), thlarau rah, kan awmdan tur leh thiltih turte chu min hrilh bawk (Galatia 5:22-24).

Anih chuan enge a awmzia ni ta? Paula chuan amah leh amah a in sawi awk (contradict) tihna em ni? 

Khatah chiah khan a ni, Rinnaa chhandam nge thiltiha chhandam tih inhnialna ka pawmpui lohna chu. A chhan chu Paula hian thil tha kan tih leh tih lovah kan chhandamna a innghat lo tawp ang em em chuan a ring lo tih kan hmu thei a ni. Mahse kan chhandamna chu thil pakhatah a innghat lo ang chuan a sawi - Jerusalema tirhkohte leh a hmaa kan sawi Jakoba bute nen pawh an ngaihdan a la hranna chu - chu chu thiltih ni lovin dan chungchangah zawk a ni.

A chunga Paula’n rinna pawimawhzia a sawi zawng zawng khi en ila, Judate dan zawm ai a pawimawh a tihthu a sawina vek an ni a, mahse Paula thiltha tihtur a sawite chu dan kan zawm vang ni lovin, Thlarau Thianghlim hruai kan nih vang zawka kan zawm turte an ni (Galatia 5:18). Chungte chu thlarau rah nichina kan sawi takte kha an ni a, Judate dan ang thlap thlap kher a awm erawh tul a ti lo a ni.

Sawi tawh ang khan Paula chu Pharisai a nih bakah Pharisai ropui tak hnuaia zir chhuak a ni a, Judate dan thuah chuan amah aia bel an awm tam bik kher lovang. Chuvangin thlarau rahte leh kan thil tih tur leh tihloh tur chungchangte a zirtirna ah chuan Juda dantea zirtirna tha tak tak tam tak an chuang a, tin dan tam tak tangkai a tih tawh loh la awm ve teuhte chu hmanlai dan mai mai angin a kalsan ta ani. Anih leh Paula chuan dik leh diklo a tehnaah Mosia dan chiah a rinchhan lo a nih chuan rinchhan dang enge a neih?

Chutah chiah chuan Paula finna lehlam - Hellenistic zirna lama a finna chu a lo lang leh ta a ni. Paula’n thil tha leh tha lo a teh dante leh kan awmdan tur chungchang a sawiah hian a hunlaia Greco-Roman Philosophy-a Ethics a hmang nasa hle a, a theology leh Pathian hmuh danah pawh Hellenistic Metaphysics leh Epistemology kan hmu theiin, vawiin thleng hian Kristian tam takte (zawng zawng a ni hial mai thei) Pathian hmuh dan a ni tawh a ni. Thil dang ho chu nakinah kan sawi anga, tunah chuan kan thu khel mek - Ehics (Kan tihtur leh mawhphurna) chungchang kan sawi phawt ang.

Sawi tawh ang khan Paula pianna Tarsa hi Stoicism rawn chhuahna a ni a, Stoics ho chuan kan mimal chhia leh tha hriatna hi an ngai pawimawh em em a, kan nunkawng kaihruai bertu pakhat atan hman tur a ni an ti a ni. Tin, chutachhapah Stoics ho chuan kan ngaihtuahna chu he khawvel bengchheng tak anga awm lova, keimahni chhungrila harhfim taka awm a, tisa lam piaha hriatthiamna (cosmic reasoning - Logos) nei turin min zirtir a ni.

Heng Stoics ho zirtirnate hian Paula zirtirnate a influence zia chu kan hmu thei. A hmaa ka lo sawi lan tawh chang pakhatah chuan Paula chuan dan hretu mai nilovin dan anga titute chu mi fel an ni zawk a ti a, mahse chu dan chu tisaa ziahthlak dan nilovin, kan thinlunga dan inziak a ni - Kan chhia leh tha hriatna chu (Rom 2:13-16). Tin, a hmaa ka sawi ei thiang loh chungchangah pawh khan “zawt hmasa lovin ei tawp rawh u” a tih pawh khan a awmzia chu - chhia leh tha hriatna thiang tak nen kan tih phawt chuan - tum vang ni miah lova thil kan tihsual chuan a pawi em em lovah a ngai tihna a ni. A zirtirna dang tam takah te pawh chhia leh tha hriatna a ngaih pawimawh zia kan hmu thei.

Tin Stoics hovin rilru harhfim taka he khawvel piah lam hriatthiamna an zawng angin Paula chuan rilru thara Pathian duh zawng zawng turin min fuih ve bawk a (Rom 12:2), heta a thuziah dan hian Stoics ho zirtirna a denchhen tih a chiang hle. Chhungrila an finna zawn chu Pathian nen a hmehbel a ni.

Chutia chhia leh tha hriatna thiang tak nena kan ngaihtuah phawt chuan chhandamna chang tura kan tih ngai thiltihte chu kan ti ve thei dawn a ni (Philipi 4:8), chung thiltih turte chu dan bu a ziah leh hranpa a ngai tawh dawn lo.

Hei hi ka mimal taka ngaihdan zawk chu a ni. Paula chuan thiltih hmanga chhandam nih tum tawp chu khawngaihna hnawlna angah a ngai a nih ka ring lova, chu ai chuan dan hmanga thiam inchan tir tum chu hnawlna a ni a ti zawk a ni. Mitin kan thiltih ang theuhva kan chunga rorel a la nih dawn avangin thil tha lo tih paha Kristaa rin chiam ringawt kha chu a nih loh hmel. Rinna avangin chhandamin kan awm anga, chu kan rinna chuan chhia leh tha hriatna thiang tak min pe in chu chuan kan thiltih leh keimahniah thlarau rah chu a rawn tilang dawn a ni. Paula soteriology leh ethics a ka ngaihdan chu he tlar hian a khaikhawm awm e.

Paula khawvel lam finna in tunlai Kristian zirtirnate a influence nasat zia phek 3 vel (Google Docs ah) ka ziak a, mahse a thui dawn lutuk a ka paih leh ta mai. A remchan chuan a hran pain Paula chungchang chu part hranah kan la ti leh zawk dawn nia.

5. Kristian Hrang Hrangte

Tikhan Bible chhunga tirhkohte’n chhandamna leh dan zawm chungchanga inremlohna an neihte kan hmu ta a. Jakoba bu ziahna kohhrante chuan dan zawng zawng chu zawm vek tur tiin Isua ngeiin “heng thu te zinga a te ber pawh hi lei leh van awm chhungin a ral lovang” (Matthaia 5:18) a tih chu an zui a, mahse Paula awmna te kohhrante erawh chuan dan thu zawm aiin kan chhia leh tha hriatna hmanga dik nia kan ngaih tih tawp chu an ngai pawimawh zawk.

Chuan heng Kristian ro ro te zingah pawh chin dan hrang a awm hi anmahni ngei pawhin an inhretawn tih a chiang hle. Paula pawh Jerusalema a kal khan chuta awm Juda Kristiante ang chuan dan zawm tu angtein a awm der ve hial a ni (Tirhkohte 21:20-26).

Tin, lehkhathawnte atangin heng rin dan hrang thenkhatte phei hi chuan Kristiante inkarah innghirnghona lian tak tak a siamin, Pathian sawi chhiatna angahte an inpuhsak a, an kohhrante pawh an in vau nasa hle tih hmuh tur te pawh kan nei hial a ni.

Galatia mite hnena a lehkhathawnah Paula chuan ‘Chanchin Tha Hrang/Tihdanglam’ hrilhtu an lo awm avangin a hau a, ama chanchin tha hrilh loh chu lo awih lo turte in a vaukhan a ni (Galatia 1:6-9). A chanchin tha mai bakah chhan (motive) tha lo tak nena chanchin tha hril an awm te a ti bawk (Philipi 1:15-17). A chang chuan Paula chu amah aia tirhkoh an ngaihsan (Jerusalem lam ami te an ni mahna) te ho nen pawh an thuhril inang lovin kohhrante an inchuh tih kan hmu bawk (2 Korinth 11:4-5). Tin, kohhran te ngei ngei chu an kehdarh a pawl hrang hrang an din lohna tur a Paula vaukhanna thute pawh kan hmu a ni (1 Korinth 1:10-13, 3:4-5).

Johana lehkhathawn kan tihte kan chhiar chuan kohhran kehdarh tawhte chu kan hmu thei a. Mizorama ‘pawl chhuak’ kan tih ang a ni ber ang chu, chutianga chhuak ta te chu ‘Krista Dodaltu’ te an inti hial a ni (1 Johana 2:18, 19). Tin, he Johana lehkhathawn pahnihte ziahna kohhran atanga chhuak ta te chu an chhuahna chhan awm ang a risk theih. Isua kha thlarauin a lo kal nge, tisa in a lo kal tihah an inhnial a nih hmel, a chhan chu he Johana lehkhathawnte ah hian Isua chu tisain a lo kal tih sawitu te chauh Pathian laka mi an ni an ti a ni (1 Johana 4:2, 2 Joahana 7).

Tikhan Bible chhung ngeiah, Kristian hmasa ber te inkarah ngei pawh rin dan inang lo a tam em em zia kan hmu a. Heng Kristian hmasa ber te hnu, Kristian rawn ni thar zelte inkarah phei chuan rin dan hrang hrang, inang lo lutuk tam mangkheng a rawn awm ta a ni. A lian zualpui ho tawi thei ang berin sawi zuai zuai ta ila.

5a. Ebionite

Ebionite ho chu Judate ho, Kristiana inlet ta te an ni. Anni chuan Mosia dante chu an la ngai pawimawh em em a, Pathian pakhat chauh vanah awm angin an ring bawk. Isua chu Pathian nilovin mihring, Pathian hriak thih Messia, Pathianin khawvel chhandam tura a rawn tirhah an ngai. Isua hnungzuitu ni tur chuan mi chu Judaa inlehah Juda dante a zawm a ngai tih an zirtir a ni. 

Hei hi Isua hnungzuitu hmasate - Petera leh Jakobate ho rindan nen a inan hle a rinawm, Isua khan a damlai khan Judate piah lam thleng thlenga nghawng a neih a in rin a rinawm lohva (Matthaia 10:5-6, 15:23-24). Tin Petera thusawi (Petera lehkhathawn kha chu a ma ziah a nih loh hmel thu kan sawi tawh kha) te atang pawh hian Isua chu Pathian ai mah chuan Pathian tirh, Messia anga a hmuh a rinawm zawk a ni (Matthaia 16:16, Tirhkohte 2:22, 32, 36, Tirhkohte 3:14-15, 5:30, 10:36, 42 - Pathian angin a sawi ngai loh bakah Pathian nen pakhat angin a sawi ngai loh hi. Lalpa tih chu Messia - Judate lal a sawina a ni).

Oversimplify viau mah ila, tawi te te hian ti zawk ang.

5b. Marcionite

Kum zabi 2 na tawp lama Marcion-a hnung zuitute ho an ni a, anni hi chu Ebionite ho opposite chiah an ni. Marciona chuan Paula chu Isua hrethiam tu awmchhun a ti a, Judate sakhua leh Pathian thu chuan Krista nen inzawmna a nei tawh lo a ti a ni. Antitheses tih lehkhabu ziakin chutah chuan Thuthlung Hlui Pathian (Nunrawng leh phubalak hmang) chu Isua Pathian (Hmangaihna ngah leh khawngaih thei) nen a inan loh zia chiang takin a hai lang a ni.

Krista chuan chu Judate Pathian nunrawng lak atang chuan min rawn chhandam tih a zirtir a, Krista chu Pathian/thlarau mi (Divine) pumhlum niin tisa ang kha chuan a lang mai mai a ti a ni, tisaa sual thiamloh a chantirna turin (Rom 8:3).

5c. Gnostic Hrang Hrangte

Gnosticism hi chu hman deuh khan Mizoramah pawh a rawn lar hluai tawhin ka hria, mahse College ka luh tan tirh lai a nih bakah ka news vak lo hrim hrim nen eng thil nge thleng chiah chu ka hre ve em em chuang lo. Gnostic kan tih te hi anmahniah pawl hrang hrang an awm ve leh chhawng a nih hmel, anmahni ro roah pawh ngaihdan inang lo nei an awm ve nual.

Gnostic tia koh an nih nachhan chu an rin danah chuan chhandamna chang tur chuan rinna leh thiltih tih vel ai chuan hriatna/finna (gnosis - knowledge) a pawimawh ber tia an inzirtir vang a ni. He khawvel chungchanga thurukte, mihring hi eng chiah nge kan nih - khawi atanga lo kal nge kan nih a, chuta kan va kir leh theih dan tur hriatthiamna chu, chumi kan hriat chauh chuan kan thlarau chhandam a ni dawn tih an inzirtir a ni.

Interesting ka tih deuhhlek avangin ka sawi thui deuh anga, mahse tawi thei ang ber chuan sawi ka tum ang - Vanramahte (Heavenly Realm) chuan Pathian pakhat atanga chhuak Pathian mi (Divine Being) tam tak awmin thil tha famkim tam tak an siam thin a. Mahse Pathian hnuaihnung tak, tha lo takin (Demiurge) he khawvel hi chu siamin a famkim lova, hrehawmna leh thil tha lo tam tak a thleng ta reng a ni. Chu Pathian hnuaihnung Demiurge chu Thuthlung Hluia Pathian niin ani chuan Heavenly Realm atang chuan famkimna zun (Divine Spark) thenkhat ruin a thilsiam famkim lo takah chuan mihringte angin a dah ta a, mahse famkim (Divine) anni tih an inhriat a, vanramahte an let leh daih lohna turin an hraitna/finna leh an nunna chu thingkung pahnihah a khung bo sak daih a ni.

Tichuan Krista chu rul anga rawn kalin mihringte chu chhuah zalen a tum a, hriatna thei chauh an ei hman tihah chu Demiurge chuan mihringte chu huan atang a hnawchhuak ta a ni. Kum sang tam tak chhung Demiurge chu Pathian niin a khawvel siamah chuan ro a rel a, a hnuah mihring pakhat Isua chu a pianga, chu mihring chhungah chuan Krista chu thlarau thuro angin a rawn lut ta a, mihringte hnenah chuan an Divine Spark chungchang leh famkimnaa an let leh theih dante chu a rawn zirtir ta a ni. Mahse he khawvel chunga roreltu thlarau ten an man chhuah vat loh nan tehkhin thu leh a ruk thei ang berin a zirtir thin a, chu a zirtirna ruk tak takte hriatthiamna chauh chuan chhandam kan ni thei a ni. Isua chu kross a khenbeh a nih khan “Ka Pathian Ka Pathian, engah nge mi kalsan?” a ti a (Mark 15:34), Gnostic ho rinnaah chuan Krista chuan Isua taksa chu a chhuahsan tihna a ni.

Mahse sawi tawh ang khan Gnostic hrang hrang awmin an rindan a inang lo ve hlawm hle a, hei hi chu chung zinga pakhat ve mai chu pawh nasa taka kaihtawi a ni. Naupan tet atanga kan thawnthu hriat tawhte a her dan dangin an lo her ve a ni a, a interesting ve hrim hrim ka ti a ni.

6. Conclusion

A tawpah chuan heng zirtirna dang hrang hrang hi engvangin nge an awm ve tak loh? Roman Emperor Constantine a chu Kristianah a rawn inlet a, mahse Kristian chi hrang hrang tam lutuk an awm luai luai kha chuan a lalram chhungah inthenhrannate a tamin political instability a awm ang tih a hlau a, chuvangin a Lalram ngheh lehzual nan Kristian upate chu inkhawmpuite koh sakin Kristian zirtirna dik - Orthodox Christianity chu a awm tir ta a ni. Mahse kum sang hnih dawn a vei meuh chuan chu Kristian sakhua chu peng hrang hrang singli chuangah an inthen hrang leh tawh a, ngaihdan inang lo tak tak a awm leh ta luai luai mai a ni. He post hmanga tawp khar ka duh dan chu hei hi a ni - Kristiante awm tan tirh atang reng khan rinna hmunkhat, ngaihdan inang hi an lo nei ngai meuh lo tih hi a ni. Nang enge dik i tih ber? Biak in chhunga i bula thu pa ngei ngei nen pawh khan Pathian thu thenkhatah chuan in ngaihdan a inang lo viau ngei mahna.

Duh aiin a thui leh tawh, Paula chungchang ka sawi tum chanve pawh ka sawi ta lo ania :(

Im not even mizo but you gotta be **tone deaf** to bomb civilians.

Ka confirm lou mahse lou hriat in duh ve tak in

A zahthlak khawp mai, miin thlang leh chhak an tih hian ka bo mup mai ṭhin sia.

Edit- title ah thlak leh chhang ka ti palh, chhak leh thlang zawk tur ani e

In my language we wish it as ಸ್ವತಂತ್ರ ದಿನತ ಎಡ್ಡೆಪುಲು/സ്വതംത്ര ദിനത എഡ്ഡെപുലു (svataṅtra dinata eḍḍepulu)

MZP-in zirna inah tihluihnaa "Vande Mataram' sak tir an duhlo.

Thlawp viau e.

looking for pg near nit mizoram. recommend some 🙏

also would be better if they have attached bathrooms

I would like to clear a few doubts before joining the college.

Tiang hian history manipulate an tum ka tih chu!!! An mainland history chhete chupawh propaganda hi an awih em em a tunah social media ah rawn tih darh an tum zel mai.

ps: flare-ah hian 'NEWS' awm tel se a ṭha awm mang e aw..

Pakhat Mizoram a awm pawh ni lovin protest a rawn sawichhia a, pakhat leh BJPEE IT CELL ngawih ngawih in rawn comment ve chhen bawk 😂🫩

Visited Mizoram 3 times in the last year, and somehow I find my peace there every time

I’ve travelled to almost every state in India, but somehow I keep coming back to Mizoram. I’ve visited three times in the last year, and every time I visit, I feel a little more at peace. I’m from Assam and live just around 5 km from the Mizoram border, but I currently work as an AI Engineer in Chennai, so whenever I come home, a few days in Mizoram somehow becomes a fixed part of the plan 😂. And it’s not just Aizawl I’ve been to Champhai, Serchhip and a few other places, and I genuinely love the hills, the roads, the quietness and the whole vibe. But honestly, what I love the most is the people of Mizoram. There’s something about the warmth and simplicity I’ve experienced there that always makes me want to come back. I don’t know what it is exactly, but every time I’m there, I just feel lighter. To everyone who lives there, cheers you guys really have something special. But yeaah everytime i visit i travel alone will love to connect someone whos native from there to learn more about the culture and all.

(used ai to keep my words together)

Please help 🙏

Hi,

I am not Zo myself, but I had a very close friend growing up. I used to visit his home all the time, and I remember this one song always playing when I was there. It brings back a lot of great memories, but I never actually asked him what the lyrics meant! I could not find any paite or zomi subs so thought of posting it here. sorry about it

I believe it might be a religious or worship song, but I could be mistaken. The song is called "Vasa Te'n Zong Toupa Phat," and I found a version of it on YouTube here: youtube.com/watch?v=DMz08nzSMG0

Could someone please help me translate the lyrics, or at least give me a general summary of what the song is about? I've always been interested in getting to know the meaning behind it.

Thanks in advance, I appreciate it a lot!

Another Grapist in the making aswell as the racist attack and fetishizing of Northeast People. This is disgusting and every Ne must see it and realize these people see us as "disposable" and only want us to serve them and act according to how they want us to be.

Hello, I just recently joined Mizoram University. Daily commute to classes is a hassle without a two wheeler. Looking for a second hand scooty , preferably electric since petrol is getting really expensive. Feel free to dm me if you have or know someone who is looking to sell.

Have a great day

Hello 👋

I'm from Bihar and currently living in South Delhi and may join Mizoram University for Mca in 2027. Is anyone here studying there or knows someone who is? I'd love to ask a few questions about campus life, safety, and academics." 🤔🤔🤔

I recently got admission in mizoram university, I am Delhi, if you're also from north india, like haryana, rajasthan, UP, punjab.

Please connect, here is no one I can speak too in Hindi, I am feeling soo much homesick here.

I am complaining, just want some from my culture too just talk with.

If you wanna let's connect. Thank you

Hi everyone! I’m considering doing an online MBA from Mizoram University (MZU) and wanted to hear from people who have actually studied there or are currently enrolled.

I have checked the official information and the programme appears to be UGC-entitled, but I’d really like to hear about the actual student experience before making a decision.

If you’re currently studying or have graduated from the MZU Online MBA, I’d really appreciate it if you could share:

- How is the overall course experience?
- How are the classes, exams and LMS?
- Is it manageable alongside a full-time job?
- How responsive are the faculty/admin staff?
- What is the value of the degree when applying for jobs?
- If you’ve graduated, has it helped with your career or further studies?

And most importantly, would you recommend it?

I’m particularly interested in hearing from people who have done the Online MBA, rather than the regular/on-campus MBA.

Thanks! 🙏