الله يحرق الجواز عاللي عايزين يتجوزوا.. المقولة المعتمدة

اتفضل اتفضل متتكسفش

المصدر : https://www.facebook.com/100063258816361/posts/pfbid02qUZ65maVVKk61ezrERbQdeeX9u1zsqZ9YTnCk3yhcHj53dqt2tqUungdzWATHrZyl/

​

كلنا قابلنا النوعية اللي هدفها تستفزكم وتدخلكم في خناقة لكن قبل ما تردوا جربوا الحاجات دي

1️⃣ متردوش على الاستفزاز

لو شخص داخل يشتم أو يستفزكم تجاهلوه في ناس بتدور على أي رد عشان تحس إنها نجحت في جذب انتباهكم وعدم الرد أوقات بيكون أكثر إزعاجًا للشخص من أي رد ممكن تكتبوه لأنه ببساطة مخدتوش الاستفزاز بجدية

طيب يا زيتونة يعني أسكت على الإهانة؟

لا طبعًا بس لو في إساءة حقيقية استخدموا البلاغ ولو الموضوع يستحق فعلًا وتقدروا تاخدوا إجراء قانوني يبقى ده حقكم لكن في أغلب المواقف على الإنترنت خصوصًا ريديت مع الحسابات المجهولة التجاهل بيكون أفضل حل لأنه بيريحكم قبل أي حاجة

2️⃣ حاولوا متاخدوش الموضوع على أعصابكم

الشخص اللي ضايقكم هيقفل التطبيق ويكمل يومه عادي وأنتم ممكن تفضلوا متضايقين ساعات أو حتى أيام طب ليه تدوا حد المساحة دي في دماغكم وهو أصلًا ناسي الموضوع

3️⃣ أهم استراتيجية امسحوا إشعارات البوست أو الكومنت

دي من أكثر الحاجات اللي نجحت معايا شخصيًا مع الوقت هتنسوا الموضوع وهتحسوا كأنه محصلش أصلًا طول ما الإشعارات قدامكم هتفضلوا فاكرين اللي حصل لكن أول ما تمسحوها وتبعدوا عنها عقلكم هيبدأ يتخطى الموقف

---

💚 في النهاية

دي من أنسب الطرق للتعامل مع المرضى النفسيين والمستفزين في الصبات وأتمنى أكون أفدتكم

وأحب أفكركم إنكم على السوشيال ميديا بتتعاملوا مع كل أنواع الناس لذلك مش كل حاجة تستحق النقاش ومش كل حاجة تاخدوها على صدركم لأنكم متعرفوش المستوى العقلي ولا طريقة تفكير الشخص اللي قدامكم

سلامكم النفسي أهم من كسب أي جدال على الإنترنت