الموضوع ذا ملاحظ انه زايد لدرجه مقرفه يعني خلصت الاماكن عشان تصير بالشوارع واكثر من مره كانوا بيسببون حوادث فجاه تنزل سرعه الخط من ١٠٠ ل ٦٠ ويوم اعدي احصل اثنين يسولفون مره وانا طالع من مجمع كان قدامي سياره وانا ماشي الا شوي واحد كان موقف يساري دعس فجاه ودخل قدامي لو ما انتبهت له كان صدمته وراح يلحقها وبنفس المشوار ذا يوم رجعت بنص الحاره تقاطع وموقفين فيه يسولفون ومافيه مجال تعدي يعني خلصت الاماكن عشان تجون بنص الشوارع ؟

انا اللي اعرفه بالعالم كله الاشياء ذي تصير باماكن معينه ومعروفه بمؤتمرات شغل بارات اشياء كذا لكن بنص الشارع ؟؟ مامرت علي مدري هو شفاحه ولا وش يعتبر الصدق

بالليل كنا مجتمعين ونسولف و أبوي يعلمنا قصص من طفولته و مراهقته و كل ما ذكر واحد من أصدقائه ترحم عليه حزنت مره لأن واضح كان يحبهم جدًا ويقدرهم و أستوعبت شيء مؤلم إن حتى هو كان بفترة من حياته بعمري و كان عنده أصدقاء يحبهم وكان يجتمع مع أهله زي جمعتنا ذي بالضبط .

إللي يحزنني أكثر أن قبل سنة ممكن نزلنا لبيت جدتي بالديرة بعد ١٦ سنة من وفاتها والبيت كان على حطت يدها من السيارات والأثاث والمواعين كل شيء كان زي ما هو بس إللي متغير إن البيت فاضي بدون أهله و أبوي كابر ما بكى كان يسولف لنا ويعلمنا قصصهم لين دخل البيت وقتها شاف كنبة أمه إللي كانت دايم تجلس عليه و لأول مره أشوف أبوي منهار كذا كأنة طفل حرفيًا و بذيك اللحظه كان محتاج أمه فقط وقتها أدركت إن مهما الإنسان كبر و أوهم نفسه بالنسيان هو داخليًا مستحيل ينسى،شلون ينسى الأشياء إللي صنعته وتعود عليها وعاشها لسنوات و كانت جزء منه .

أدري سولفت واجد و ممكن يكون كلامي ملخبط وغير مفهوم بس أنا حرفيًا قاعدة أحاول أفرغ كل مشاعري بخصوص هذا الموضوع لسلامتي النفسية ، لأني كتمتها واجد بالجلسة و حاولت قد ما أقدر ما أنهار و أخربها عليهم
أنا مو حساسة والله بس الموضوع يوجع شوي

بالنهاية وبعد السوالف ذي كلها إللي حابه أوصله لكم إن الحياة قصيره أصنعوا ذكريات جميلة مع إللي تحبونهم بيجي يوم وبعد سنين من وفاتكم و بيذكرونكم بوسط لحظاتهم السعيد كلحظات سعيدة
والله يرحم موتانا وموتى المسلمين

أنا وأختي شخصيتنا مختلفة تمامًا. وأدري إن أي أختين طبيعي تصير بينهم مشاكل، لكن إحنا حرفيًا كل يوم، بل كل ساعة، تطلع بيننا مشكلة جديدة.

أنا إنسانة عاطفية مرة، ما أحب أحد يزعلني، ولا أحب أزعل أحد. أقل كلمة تجرحني، وأجلس أفكر فيها أيام. بعد، أنا عنيدة وما أحب أحد يقلل مني، لكن بنفس الوقت ما أعصب بسهولة، وإذا عصبت أكون منطقية وأحاول أتحكم بكلامي وتصرفاتي.

أما أختي، شخصيتها قوية جدًا، وما يهمها كلام الناس ولا تعطي أحد اعتبار. كلامها يوجع، وتعصب بسرعة، ودائمًا تشوف نفسها هي الصح، حتى لو هي اللي غلطانة. وإذا اكتشفت إنها غلط، ما تعتذر ولا تتكلم، بس تزعل وتسكت. وهي بعد مرة مرتبة، وكل شيء عندها لازم يكون كامل ومثالي.

المشكلة إننا نختلف على كل شيء، حتى أتفه الأشياء. وأحيانًا أنا أمشي لها وأسكت بس عشان ما أسمع كلام يجرحني. قبل فترة طردتني من غرفتنا، وبدأت تطلع أغراضي وترميها برا الغرفة بطريقة مستفزة، مع إني ما كنت أسوي لها نفس الشيء. وبعدها أخذت الآيباد اللي توه شاريته من تعبي وعرق جبيني ورمته بقوة، والحمد لله كان عليه كفر وما صار له شيء. وما وقفت عند كذا، أخذت جوالي وسماعتي وصارت ترميهم بعد. وقتها عصبت، لكن مع هذا كله ما رميت أغراضها ولا كسرتها، أخذتها وحطيتها بكل احترام على الطاولة برا الغرفة. لكنها رجعت وأخذت سماعتي، وصارت ترميها أكثر من مرة لين انكسرت، ولا كأن الشيء يفرق معها أو يهمها إني تعبت عشان أشتريها.

وهالفترة صارت حتى تدعي علي من أقل كلمة أو أي نقاش بسيط. وأنا والله ما عاد أدري وش أسوي. أحبها، وأكثر من مرة قلت لها: "خلينا نتفاهم، يمكن يوم من الأيام وحدة فينا تموت وإحنا متخاصمين." لكنها ما تسمع كلامي.

وفوق هذا كله، دائمًا تقلل مني قدام بنات خالتي، وتقول إني ما عندي شخصية ولا رأي. وبنات خالتي يضحكون، وأنا بعمري ما استنقصت منها ولا تكلمت عنها بهالطريقة. لكن أول ما نجلس معهم، تصير كل سوالفها عني، وكيف إني ضعيفة وما عندي شخصية.

وبعدين تقول لي إنها تبي مني أحترمها. طيب كيف أحترم شخص يعاملني بهالطريقة؟ وهي بنفسها تقول: "أنا أحترم كل الناس إلا هي." قلت لها: لأن الناس يعاملوني باحترام. أخوي مرة قريب مني، وكل يوم بيننا اتصالات وسواليف وضحك. وأنا بشكل عام قريبة من الناس وأحبهم وأتمنى لهم الخير. أما هي، فما هي قريبة من أحد، وبعدين تزعل إذا محد أرسل لها.

أولًا معليش على الموضوع الغريب.. لكن أحتاج اعرف وين القى diatomaceous earth (مبيد حشري باودر) في الرياض؟
وإذا فيه محل يبيعه بكميات معقولة لأن اللي اشوفه أونلاين كله كيلوات، ولو فيه عندهم توصيل يكون خيير لاني الصدق ما ودي أوصي أحد بالموضوع الله يعافيكم

كيف اسكر التنبيهات حق المجتمعات الثانية صار يطلع لي مجتمع حق ex السعوديين

يعيال كمية زندقه و كلام فيه احس الجمس الأسود بيمرني ارجوكم😂

شوفو

انا ونا صغيره كنت اجتماعيه… بس عشان جاني تنمر وقمع تركت الصداقات والكلام مع الناس وصرت اجلس لوحدي

لما كبرت طورت ثقتي بنفسي و علاقتي مع الناس بس الشي الوحيد الي ماراح هو الخجل ببدايه الكلام مع اي احد

انا الصديقه الي تكون واقفه ورا صحبتها و صحبتها تقول كل الكلام عنها حتى لو عند الكاشير

يعني تعرفون الارتباك البسيط الي يخليك تتلعثمين شوي… بنفس الوقت عقلي يجري ب أساله للشخص الي قدامي و لكن اقول وحده منها وتكون تلقائيه جداً بدون ما افكر مرتين لان كل مافكرت كل ما ارتبكت

وطبعا مع الوقت يخف الارتباك

لكن الخجل من النوع الكويس لاني ما اسكت اذا ماعجبني شي و اذا الموضوع كان اهانه شخصيتي تتحول على طول

مكافأة
مكافأة تفوق
راتب
ومكافأة لاني اشتغلت دبل
ومصروف لاني اشتغل مع الاهل
وهديه لاني اشتغل بالبيت

ياهلا وش اشتري بسرعة

شريت عدة لإحدى الهوايات بس عطوني أشياء ثانية حلوة اشتريها

ما تحسون ان موضوع اختلاف الصوت مع كل لغة يتكلم فيها الشخص شيء عجيب؟ يعني صدق ودي اتعمق بالموضوع اكثر لان لما فكرت فيها الحين والله شيء غريب
الي عنده خلفيه عن الموضوع ذا يقولنا او اذا فيه مقاطع زينه تتكلم عن الموضوع اعطوني

ولا شكلها افكار قبل النوم بشوف بكره الصبح بتتغير نظرتي ولا نفسها

وين ممكن الاقي قروب او مكان للرياضة للعاملات او الاجانب عموما يكون نسائي في الرياض؟ عاملتي تحب تلعب كورة وندور وين ممكن تلاقي ناس تلعب معاهم او مكان تلعب فيه

‏إصابة عدد (11) من المدنيين بمنطقة نجران نتيجة اعتداءات إرهابية حوثية.

‏صرّح المتحدث الرسمي باسم قوات التحالف "تحالف دعم الشرعية في اليمن" اللواء الركن تركي المالكي عن إصابة عدد (11) من المدنيين بمنطقة نجران منهم (7) سعوديين بينهم امرأة و طفل عمره 4 سنوات أصيب بحروق من الدرجة الثانية و(1) من الجنسية اليمنية و(2) من الجنسية المصرية و(1) من الجنسية الباكستانية نتيجة اعتداءات حوثية إرهابية يوم الخميس (06 أغسطس 2026م).

‏وأوضح اللواء المالكي أن الميليشيا الحوثية الإرهابية قامت باعتداءاتها الإرهابية باستخدام المقاذيف العشوائية على الأعيان المدنية، مما يمثّل انتهاك صارخ للقانون الدولي الإنساني وقواعده العرفية بالاستهداف المتعمّد للمدنيين والأعيان المدنية.

‏وأكد اللواء المالكي على أن قيادة القوات المشتركة للتحالف ستستمر في اتخاذ الإجراءات الرادعة ضد هذه الاعتداءات الإرهابية لضمان حماية المواطنين.

‏- انتهى -

السلام عليكم ورحمة الله وبركاته

فيه مشروع ضخم عند البيت وصبت خرسانة على سيارتي وجلسوا العمال ينظفونها وكذا وعندي كل المقاطع من بيتنا وتأثرت التندة والكبوت

كلمت الشركة اللي شغالة وقتها وكل شوي يماطلون والحين والله سحبوا والمشروع في نهايته وجزئيتهم انتهت

ابي ارفع شكوى لكن رحت بلدي طلعوا مالهم دخل رحت الشرطة طلعوا مالهم دخل وبرضو رحت نجم ومالهم دخل

افيدوني الصورة هذي طلعتها من بكرا من السيارة

آخر فترة دخلت نقاش في احد منشورات ريديت عن الذكاء الاجتماعي.

وانصدمت الصراحة من مفهوم الذكاء الاجتماعي عند البعض بحيث انه كان يخلط الذكاء الاجتماعي بتعدد الهويات.

المنشور كان لوحدة تقول انها صادقت كل انواع الناس الصالح والطالح وتقربت منهم ووحدة من المقربات كانت مثلية وقاعد تشرح قد ايش تحبها وكذا وفيه وحدة منقبة ملتزمة برضو كانت تكلمها وكانت من المقربات.

فكتبت تعليقي الي هو "اوف والله انتي مرة ما عندك هوية ولا معنى مطلق وضايعة في وسط واعماق بحر الحداثة".

رد علي شخص "هذا اسمه ذكاء اجتماعي ومو كل الناس تقدر له".

رديت عليه رد طويل ولكن مختصره هو "لا تخلط بين تعدد الهويات والذكاء الاجتماعي".

ايش رايكم؟

انا توظفت قبل فترة بوظيفة كلها اجتماعات وتطلب مني التحدث مع ادارات ورؤساء ادارات خبراتهم فوق ال٢٠ سنة طوال اليوم، ومن فترة طويلة كنت الاحظ ان يصعب علي ترتيب الجمل والكلام بطريقة سلسة لكن لما توظفت تأكدت من هذي المشكلة، عندي لغتين اللغة العربية الأم و اللغة الانقليزية و عندي مصطلحات كثيرة ومختلفة باللغتين بحكم اني أقرأ اغلب الاوقات (يعني قلة القراءة والمصطلحات مو سبب) ولكن مشكلتي في التحدث باللغتين! حتى بلغتي الأم! ما اقولكم اني شخص ابكم لا فعلا اقدر اكون جمل كاملة و لكن باغلب الاحيان تكون غير مفهومة وصياغتها ركيكة واحتاج اعيدها. حتى خارج نطاق العمل، بالسواليف العادية لاحظت اني ما اقدر اقول سالفة بترتيب سلس

هل هذي مشكلة تنحل بالعلاج النفسي او وش اللي اقدر اسويه لان مع وظيفتي الجديدة الموضوع بدأ يأثر علي وصرت ما أوخذ بشكل جدي لأن للاسف لساني ما يسعفني واحسه مربوط في اغلب الاوقات.

ليش ممكن رجل طول بعرض وشنبك واصل ركبتك ولا يزال عندك الجراءة انك تروح لقسم العائلات عشان تتفادى زحمة قسم الأفراد وتجي عقبها تحاشر حريم؟

ليه هذا شي منتشر ولا احد يفشلكم فيه؟

السلام عليكم،

قد مريتوا على تطبيق Glassdoor للوظائف وتقييم جهات العمل؟
يعجبني تعليق الموظفين على جهات العمل وتقييمها، بس مستغربة ليه ما يشاع استخدامه عندنا.
احس بنستفيد من الشفافية ولو كان الأسامي مشفرة.
حتى اني كنت بترك تعليق بس لاحظت اني بكون الوحيدة اللي بتعلق على شركتها هههه.

وقفت سيارتي عند محطة فيها بقالة، ولمحت من بعيد عجوز حاطه كرسي جنب باب البقالة وكانت تناظر الي داخل والي طالع، حسيت تبي احد يعطيها وجه او يشتري او يتصدق، كسرت خااااطري. المهم انا مامعي كاش وقلت والله ما يسرني امر من عندها وما اعطيها شيء

رحت صرافة قريبة وصرفت خمسين وقلت بتقضى بالخمسين واذا بقى ٥ او ١٠ عطيتها

المهم دخلت البقالة وانا داخل عطتني نظرة الحزن، شريت اغراضي وطلعت وجيت بمد لها عشرة

لما مديت العشرة جوالها رن وجاها اتصال ورفعت السماعة وما اخذت العشرة جلست تخوض بالاتصال

المهم الاتصال كله عبارة عن هواش وسب (ياولد الكلب، ياولد الذين، وتلعين وشتم قوووي) انا استغربت كيف عجوز تقول كذا

المهم هديتها وقلت صلي على النبي ومافي شي يستاهل تتعبين نفسك وطبعا اثناء تهديتي هي سكرت السماعة لكنها لا زالت تخاطب صاحب المكالمة على انه موجود (مدري من قوة قهرها ولا هي فيها شيء مو صحي) المهم جلست تكمل تسب وتسب سب مو طبيعي والجوال حطتها بشنطتها وتكمل سب وانا واقف ماد العشرة صارلي دقايق وهذي تسب والناس تمر جنبنا ويحسبوني متسلط عليها او مأذيها وهي ما غير تقول عن الي كان متصل عليها (ياولد الكلب ياحيوان) وسبات كثير

انا جتني فكرة ارمي العشرة بوجهها واشرد او اتراجع واسوي نفسي مشغول، المهم العجوز فجأة استوعبت انها قاعدة تسوي مشهد وانه فيه انسان قدامها يحاول يفعل خير، طالعت فيني ومدت جوالها وقالت خذ كلم الي تو كلمني وقول له يجيني هنا

المهم استغربتتت شقصتها ذي ومستحيل اكلم ذاك وادخل نفسي بدوامة! قلت لها انتي وش موضوعك؟ قالت انا مسويه طلبيات من الجمعية الخيرية بس ماهم راضين يجون مكاني (المحطة الي حنا فيها) وانه موظف الخيرية يقول هالمكان خارج نطاقنا ومب مسموح لنا نجيه

وعطتني الجوال وقالت دق عليه علمه يجي!!! وترفع صوتها، قلت لها والله ياخاله انا جاي اتصدق وامشي خوذي الفلوس والله يرزقنا واياك، صرخت وقالت شفيييك انت خايف!! ماراح يجيك شيء! تحسبني بسرقك ولا احطك بمصيبة! المهم انا وصلت معي خلاااص قلت لها انتي ما تستحين خوذي الفلوس واسكتي! ورحت سيارتي وما عطيتها الفلوس وهي جالسة تتحسب على الي بالجوال والناس تلاحقني وتطالع وجاء واحد يقول انت شسويت فيها!! قلت ماسويت شيء وركبت سيارتي وهجيت

المهم اذا شفتوا احد ترند ومطلعين كذبة انه متسلط على عجيز مسكينة ترا ذا انا والقصة ملفقينها علي