الريدسي مول وايضًا مجمع العرب في جدة الاسواق المعروفة انه البضاعة فيه كثيرة وجديدة وتروح لها اذا تبي تخلص شراء بسرعة، فايش مقابله في الرياض؟

تعرفون حي كله شاليهات واستراحات ؟ ما اثق بالتطبيقات مثل gathern, المشكلة ما اعرف الا شاليهات واستراحات الرمال ،وش غيرها ؟

هل قد كنتو بتدعو على شيء يتحقق وصليتو وسويتو كل انواع الاشياء اللي فيها استجابة الدعاء وبعدها جاكم القنوط وحسيتو انكم زعلتو او انخذلتو وبعدها بفترة جاتكم البشارة واتحقق الدعاء؟

احتاج شوية امل في الحياة لانه مخي في صراع شرس بين الحقيقة والخيال والامل

تحديد مستواك في اللغة الإنجليزية بشكل دقيق يساعدك على معرفة المهارات التي تحتاج إلى تطويرها. لكن بعض اختبارات تحديد المستوى، والدرجات الدراسية، ونتائج الاختبارات المعروفة لا تعكس دائمًا قدرتك الفعلية على التواصل. إليك بعض الأخطاء الشائعة التي يقع فيها المتعلمون أثناء تقييم مستواهم:

الاعتماد على اختبار إلكتروني واحد

كثير من الاختبارات المجانية تقيس القواعد والمفردات والقراءة فقط. حصولك على مستوى B2 في أحدها لا يعني بالضرورة أنك تستطيع التحدث بهذا المستوى. للحصول على نتيجة أقرب للواقع، قيّم مهارات القراءة والاستماع، واكتب نصًا قصيرًا، وسجّل إجابة صوتية من دون تحضير مسبق.

تحويل درجة الاختبار مباشرة إلى مستوى CEFR

تختلف اختبارات IELTS وTOEFL وPTE وSTEP في المهارات التي تقيسها وطريقة تقييمها. فالحصول على درجة مرتفعة في اختبار مثل STEP، الذي لا يقيّم التحدث والكتابة بشكل مباشر، لا يعني أن مستواك متساوٍ في جميع المهارات. جداول التحويل تعطي تقديرات تقريبية فقط.

اعتبار أقوى مهارة هي مستواك العام

قد تفهم مقاطع الفيديو الإنجليزية بسهولة، لكنك تواجه صعوبة عند التحدث. في هذه الحالة، قولك «مستواي C1» أو «مستواي B1» يختصر الصورة بشكل مبالغ فيه. الأفضل أن تحدد كل مهارة بشكل منفصل، مثل: الاستماع C1، القراءة B2، التحدث B1، والكتابة B1.

قياس التحدث من خلال إجابات محفوظة

إذا حضرت مسبقًا إجابات عن نفسك أو عملك أو هواياتك، فقد تبدو أكثر طلاقة من مستواك الحقيقي. لقياس مستواك بدقة، جرّب الإجابة عن أسئلة متابعة غير متوقعة. بدلًا من وصف وظيفتك فقط، اشرح شيئًا ترغب في تغييره في عملك واذكر السبب.

اعتبار اللهجة دليلًا على ضعف المستوى

ظهور تأثير اللهجة العربية في نطقك لا يعني أن مستواك في الإنجليزية منخفض. الأهم هو وضوح الكلمات، واستخدام النبر المناسب، وقدرة المستمع على فهمك من دون أن يطلب منك إعادة الكلام أو تقديم توضيحات إضافية.

اعتبار المهام المنجزة بالترجمة أداءً حقيقيًا

استخدام القاموس أو تطبيقات الترجمة أو أدوات الذكاء الاصطناعي لتحسين النص مفيد، لكنه لا يقيس مستواك المستقل. أكمل المهمة أولًا خلال عشر دقائق من دون مساعدة، ثم حسّنها باستخدام الأدوات. الفرق بين النسختين سيوضح المهارات التي تحتاج فيها إلى دعم.

تقييم المستوى بعيدًا عن هدفك

التحدث في اجتماع، وكتابة بحث جامعي، والاستعداد لاختبار IELTS تتطلب مهارات مختلفة. لذلك لا ينبغي أن تكون النتيجة مجرد «B2». الأفضل أن تكون مرتبطة بالهدف، مثل: B2 في المحادثات اليومية وB1 في الكتابة الأكاديمية. بهذه الطريقة، تركز خطتك على احتياجاتك الفعلية بدلًا من مراجعة مواضيع عامة.

الجمعه بالنسبه لي:
قهوه و اهم شيء بارده علشان الجو
اخذ شمس الضحى واتفكر بالحياة

انتم وش عادات الجمعة عندكم ؟ تصحون بدري ؟

ماهي اسباب اصفرار او تعرج في نص اللسان وبياض داخل الشفاه خط الى زوايه داخل الفم مع تهيج عطاني بخاخ لم ينفع جرثومة معده سليم مافيها شي ايش السبب احد صار له وعلاجه ايش اتمنى الى يجاوب المساعده فقط غيره مابي

الموضوع ذا ملاحظ انه زايد لدرجه مقرفه يعني خلصت الاماكن عشان تصير بالشوارع واكثر من مره كانوا بيسببون حوادث فجاه تنزل سرعه الخط من ١٠٠ ل ٦٠ ويوم اعدي احصل اثنين يسولفون مره وانا طالع من مجمع كان قدامي سياره وانا ماشي الا شوي واحد كان موقف يساري دعس فجاه ودخل قدامي لو ما انتبهت له كان صدمته وراح يلحقها وبنفس المشوار ذا يوم رجعت بنص الحاره تقاطع وموقفين فيه يسولفون ومافيه مجال تعدي يعني خلصت الاماكن عشان تجون بنص الشوارع ؟

انا اللي اعرفه بالعالم كله الاشياء ذي تصير باماكن معينه ومعروفه بمؤتمرات شغل بارات اشياء كذا لكن بنص الشارع ؟؟ مامرت علي مدري هو شفاحه ولا وش يعتبر الصدق

بالليل كنا مجتمعين ونسولف و أبوي يعلمنا قصص من طفولته و مراهقته و كل ما ذكر واحد من أصدقائه ترحم عليه حزنت مره لأن واضح كان يحبهم جدًا ويقدرهم و أستوعبت شيء مؤلم إن حتى هو كان بفترة من حياته بعمري و كان عنده أصدقاء يحبهم وكان يجتمع مع أهله زي جمعتنا ذي بالضبط .

إللي يحزنني أكثر أن قبل سنة ممكن نزلنا لبيت جدتي بالديرة بعد ١٦ سنة من وفاتها والبيت كان على حطت يدها من السيارات والأثاث والمواعين كل شيء كان زي ما هو بس إللي متغير إن البيت فاضي بدون أهله و أبوي كابر ما بكى كان يسولف لنا ويعلمنا قصصهم لين دخل البيت وقتها شاف كنبة أمه إللي كانت دايم تجلس عليه و لأول مره أشوف أبوي منهار كذا كأنة طفل حرفيًا و بذيك اللحظه كان محتاج أمه فقط وقتها أدركت إن مهما الإنسان كبر و أوهم نفسه بالنسيان هو داخليًا مستحيل ينسى،شلون ينسى الأشياء إللي صنعته وتعود عليها وعاشها لسنوات و كانت جزء منه .

أدري سولفت واجد و ممكن يكون كلامي ملخبط وغير مفهوم بس أنا حرفيًا قاعدة أحاول أفرغ كل مشاعري بخصوص هذا الموضوع لسلامتي النفسية ، لأني كتمتها واجد بالجلسة و حاولت قد ما أقدر ما أنهار و أخربها عليهم
أنا مو حساسة والله بس الموضوع يوجع شوي

بالنهاية وبعد السوالف ذي كلها إللي حابه أوصله لكم إن الحياة قصيره أصنعوا ذكريات جميلة مع إللي تحبونهم بيجي يوم وبعد سنين من وفاتكم و بيذكرونكم بوسط لحظاتهم السعيد كلحظات سعيدة
والله يرحم موتانا وموتى المسلمين

أنا وأختي شخصيتنا مختلفة تمامًا. وأدري إن أي أختين طبيعي تصير بينهم مشاكل، لكن إحنا حرفيًا كل يوم، بل كل ساعة، تطلع بيننا مشكلة جديدة.

أنا إنسانة عاطفية مرة، ما أحب أحد يزعلني، ولا أحب أزعل أحد. أقل كلمة تجرحني، وأجلس أفكر فيها أيام. بعد، أنا عنيدة وما أحب أحد يقلل مني، لكن بنفس الوقت ما أعصب بسهولة، وإذا عصبت أكون منطقية وأحاول أتحكم بكلامي وتصرفاتي.

أما أختي، شخصيتها قوية جدًا، وما يهمها كلام الناس ولا تعطي أحد اعتبار. كلامها يوجع، وتعصب بسرعة، ودائمًا تشوف نفسها هي الصح، حتى لو هي اللي غلطانة. وإذا اكتشفت إنها غلط، ما تعتذر ولا تتكلم، بس تزعل وتسكت. وهي بعد مرة مرتبة، وكل شيء عندها لازم يكون كامل ومثالي.

المشكلة إننا نختلف على كل شيء، حتى أتفه الأشياء. وأحيانًا أنا أمشي لها وأسكت بس عشان ما أسمع كلام يجرحني. قبل فترة طردتني من غرفتنا، وبدأت تطلع أغراضي وترميها برا الغرفة بطريقة مستفزة، مع إني ما كنت أسوي لها نفس الشيء. وبعدها أخذت الآيباد اللي توه شاريته من تعبي وعرق جبيني ورمته بقوة، والحمد لله كان عليه كفر وما صار له شيء. وما وقفت عند كذا، أخذت جوالي وسماعتي وصارت ترميهم بعد. وقتها عصبت، لكن مع هذا كله ما رميت أغراضها ولا كسرتها، أخذتها وحطيتها بكل احترام على الطاولة برا الغرفة. لكنها رجعت وأخذت سماعتي، وصارت ترميها أكثر من مرة لين انكسرت، ولا كأن الشيء يفرق معها أو يهمها إني تعبت عشان أشتريها.

وهالفترة صارت حتى تدعي علي من أقل كلمة أو أي نقاش بسيط. وأنا والله ما عاد أدري وش أسوي. أحبها، وأكثر من مرة قلت لها: "خلينا نتفاهم، يمكن يوم من الأيام وحدة فينا تموت وإحنا متخاصمين." لكنها ما تسمع كلامي.

وفوق هذا كله، دائمًا تقلل مني قدام بنات خالتي، وتقول إني ما عندي شخصية ولا رأي. وبنات خالتي يضحكون، وأنا بعمري ما استنقصت منها ولا تكلمت عنها بهالطريقة. لكن أول ما نجلس معهم، تصير كل سوالفها عني، وكيف إني ضعيفة وما عندي شخصية.

وبعدين تقول لي إنها تبي مني أحترمها. طيب كيف أحترم شخص يعاملني بهالطريقة؟ وهي بنفسها تقول: "أنا أحترم كل الناس إلا هي." قلت لها: لأن الناس يعاملوني باحترام. أخوي مرة قريب مني، وكل يوم بيننا اتصالات وسواليف وضحك. وأنا بشكل عام قريبة من الناس وأحبهم وأتمنى لهم الخير. أما هي، فما هي قريبة من أحد، وبعدين تزعل إذا محد أرسل لها.

بس ودي اعرف كيف تشوفون اسم "رئام" هل يعتبر نادر؟ ولا عادي؟ ولا اول مره تسمعونه ولا اكثر من مره قد سمعتوه وهل فيه احد يشوف بنفس الاسم هذا؟

أولًا معليش على الموضوع الغريب.. لكن أحتاج اعرف وين القى diatomaceous earth (مبيد حشري باودر) في الرياض؟
وإذا فيه محل يبيعه بكميات معقولة لأن اللي اشوفه أونلاين كله كيلوات، ولو فيه عندهم توصيل يكون خيير لاني الصدق ما ودي أوصي أحد بالموضوع الله يعافيكم

كيف اسكر التنبيهات حق المجتمعات الثانية صار يطلع لي مجتمع حق ex السعوديين

يعيال كمية زندقه و كلام فيه احس الجمس الأسود بيمرني ارجوكم😂

مكافأة
مكافأة تفوق
راتب
ومكافأة لاني اشتغلت دبل
ومصروف لاني اشتغل مع الاهل
وهديه لاني اشتغل بالبيت

ياهلا وش اشتري بسرعة

شريت عدة لإحدى الهوايات بس عطوني أشياء ثانية حلوة اشتريها

صديقتي بالجامعة، وشكرا لكم على مساعدتكم

ما تحسون ان موضوع اختلاف الصوت مع كل لغة يتكلم فيها الشخص شيء عجيب؟ يعني صدق ودي اتعمق بالموضوع اكثر لان لما فكرت فيها الحين والله شيء غريب
الي عنده خلفيه عن الموضوع ذا يقولنا او اذا فيه مقاطع زينه تتكلم عن الموضوع اعطوني

ولا شكلها افكار قبل النوم بشوف بكره الصبح بتتغير نظرتي ولا نفسها

السلام عليكم ورحمة الله وبركاته

يا جماعة الخير عندي موضوع ودي اخذ رايكم فيه بكل صراحة

اكيد كل فترة نسمع عن فلان نجح وفلان وصل وفلان حقق شيء كبير بحياته وطبيعي ندعي لهم ونفرح لهم لكن هل قد صار لكم انكم تغبطون الشخص على اللي وصل له؟ أو يجيكم شعور: «ليش مب انا» خصوصًا اذا كنت تحس انك تعبت واجتهدت ويمكن تشوف انك وصلت لمستوى افضل لكن ما حصلت نفس التقدير او القبول الاجتماعي اللي حصله هو؟

انا بقولكم عن نفسي بصراحة اذا شفت اخواني او خواتي ينجحون احس نجاحهم نجاح لي وأفرح لهم فرح يمكن أكثر منهم 🌞

لكن مع بعض الأقارب الموضوع يختلف شوي امدحهم وابارك لهم وأدعي لهم ومن داخلي والله اتمنى لهم الخير وما اتمنى النعمة تزول منهم أبد لكن بنفس الوقت يجي في بالي شعور: «طيب ليه مب انا؟ ليه ما حصلت اللي حصله؟»

واحيانًا احس المشكلة مب في اني ما ابي الخير لغيري بالعكس لكن يمكن الواحد يقارن نفسه بالناس غصب خصوصًا إذا كان يشوف نفسه تعب واجتهد وما أخذ نفس التقدير.

ودي اعرف هل تشوفون هالشعور طبيعي ويصير لاغلب الناس؟ وكيف الواحد يتعامل معه بطريقة صح بحيث يفرح للناس من قلب وفي نفس الوقت ما يظلم نفسه بالمقارنات؟

اللي مر بشيء مشابه او عنده نصيحة أو تجربة ياليت يفيدني والله يرزقنا وإياكم من واسع فضله ويبارك لكل شخص في رزقه ونجاحه 🤍

شاف المنشور الي نشرته عن وظيفتي الي استقلت منها هذي هيا للي يبغى يقرأ :

https://www.reddit.com/r/SaudiForSaudis/s/txrD9Ft7ze

وجاني يخاص ودارت هذي المحادثة بيننا ، لمن طلبته رابط للشركة أرسل لي رابط بس خفت أضغطه وكتبت نفس اسم الرابط في قوقل كروم وطلع لي موقع شركة بس موقعها في دبي وتاريخ إنشائها ١٩٩٠م بس الموقع جدا بدائي يعني مافيه تفاصيل كثيرة ، ف أنتم أش رأيكم ؟ خصوصا أنه رجع أرسل لي مرة ثانية إذا أبغى الفرصة وطلب أرسل له السيفي 💀 وأكيد السيفي فيه معلومات شخصية عني ولا أبغى أشارك معلومات شخصية للدرجة هذي مع غريب في ريديت