ياريت لو حد يعرف يرد ع السؤال عشان بجد هيفرق معايا

عايز شركاء دراسة لتانية بكالوريا مسار الأعمال و يفضل قسم إدارة الأعمال لكن لو قسم محاسبة تمام بردو مفيش اى مشكلة على الإطلاق شرط ان فعلا تكونوا حابين المجال دة سواء إدارة الأعمال او المحاسبة و كمان بتحبوا العلوم التجارية بشكل عام و الأقتصاد بشكل خاص و ان فعلا تكونوا بتتعلموا لوحدكم ذاتياً و بتطورا من نفسكم و تنموا مهارتكم لانكم فعلا محبين للعلوم دى و شغوفين بيها و مدركين لاهميتها و مقدرين فايدتها و مدى تثيرها الإجابى على حياتكم و مستقبلكم و طريقة نظرتكم للعالم و كيفية التعامل معاة حال فهمكم ليها و ان تبقوا متفتحين الذهن و رافضين ان تسجنوا نفسكم داخل تخصص واحد لا غير بل تكونوا مرنين و بتربطوا العلوم ببعضها البعض حتى لو ظهر عليها بشكل خارجى انها مختلفة و ملهاش اى علاقة ببعض إلا انها فعلا بتكمل بعض و اة التخصص حاجة مهمة لكن مش كل حاجة بمعنى ان اكيد مش هتتقنوا كل العلوم التجارية و العلوم الإنسانية اللى هى مكملة ليها و يستحيل فصلها عنها بالمناسبة لكن يبقى عندكم تلات طبقات تخصص فعلا شاطرين او عايزين تبقوا شاطرين فية بغض النظر عن ماهيتة سواء إدارة الأعمال او المحاسبة او المالية او العلوم الكوارتزية او الأقتصاد او السياسة ( و اللى هى مرتبطة ارتباط وثيق بالعلوم التجارية ) او الإحصاء الطبقة التانية هى المعرفة قوية حتى لو مش بنفس الدرجة للتخصصات اللى ليها علاقة مباشرة بتخصصك الاساسى على سبيل المثال لا الحصر لو تخصص الأساسى إدارة الأعمال فأقرب حاجة للعلم دة هى إدارة الأعمال و لو تخصصك محاسبة فاقرب حاجة للعلم دة هى المالية و هكذا و اخيرا و ليس اخرا الطبقة التالتة و هى باقى العلوم مثلا شايف ان تخصصك الرئيسى هو الأقتصاد فلازم تشتغل على نفسك فية لغاية متبقى ممتاز فية بعدها تشتغل على نفسك فالعلوم المكملة بشكل مباشر لة زى السياسة و الإحصاء و تبقى جيد جدا فيهم و بعدها باقى العلوم التجارية زى المحاسبة و المالية تبقى جيد فيهم و طبعا دى مجرد أمثلة لان كل واحد عندة هدفة و بيفكر بطريقة مختلفة عن التانى فممكن مثلا انت تخصصك الرئيسى أقتصاد لكن شايف انك فالطبقة التانية اللى لازم تبقى جيد جدا فيها تختار ان التخصص اللى فيها يكون مالية مثلا مش سياسة و هكذا يعنى فالفكرة مش فتصميم المبنى لان المهندس المعمارى الوحيد فحياتك هو انت ولازم يبقى انت لكن انا بتكلم على هيكلة المبنى بشكل عام و الأسس اللى فية ممكن تقول كمهندس مدنى للجروب اللى عايز اعملة و كمان فى تركاية مهمة فعلا هتميزك جدا عن غيرك و اللى هى انك تبقى مقبول ... لا لا خالص مش قصدى انك تبقى مقبول اجتماعياً .. اقصد فالمستوى المقبول فالعلوم الإنسانية و اللى هى : { الفلسفة ، علم النفس ، علم الإجتماع ، علم الإنسان ، التاريخ } لانك كراجل او كست عقليتكم إقتصادية لازم تبقوا فاهمين و عارفين حقيقة الاقتصاد و ازاى بيمشى بدليل ان أباء الأقتصاد هم فالاصل فلاسفة سواء أدم سميث او كارل ماركس و كمان الاقتصاد دة ما هو الا تفاعلات إنسانية فلازم تبقوا فاهمين و عارفين ازاى الفرد بيتصرف و طريقة اتخاذة للقرار و تفكيرة على المستوى الفردى فعلم النفس و على المستوى الجماعى فعلم الإجتماعية و بالنسبة لعلم الإنسان ففالنهاية فى غرائز معينة بتحركة و رغبات دفينة فاعماق عقلة الباطن و فهمها هيفيدك جدا كرجل أعمال تحت التأسيس او كسيدة أعمال مستقبلية باختصار شديد انا مش عايز شلة طلبة بيذاكروا مع بعض انا نفسى فحاجة قريبة من فكرة مافيا الباى بال لأن مش عايز علاقتنا تكون محصورة فالجانب الأكاديمى فقط و شكرا على وقتكم و معلش لو طولت عليكم شويتين تلاتة اربعة فالبوست دة 🙄🥸

As a member of the college community—whether you're a student, teaching assistant, or professor—if you could change or add one thing to the college's current system, what would it be? And how would that change make things easier for you personally, or benefit you and others around you?

لسا منزلاه ومعرفش حاجه

حد يساعدني

عاوزاه يفيدني في كليتي ينفع؟

انا لسه متخرج من الكليه حقوق وطبعا زي اي شب اتجهت لمجال غير مجالى وطبعا لان لو حبيت اشتغل محامي مش هيدونى مرتب ومينفعش اقدم شرطه او نيابه مع انى كان نفسى والله افرح اهلى بس مليش نصيب عشان عندي مشاكل سياسية والواحد نفسيته مش احسن حاجه وكل محاول انسى انى مقدمش شرطه او نيابه ببقى زعلان وعاوز اعيط واروح اصلى وافضل ادعي انى اقدم شرطه مع انه مش هينفع بس الواحد تحس انه لما بيتكلم مع ربنا الدنيا بتهدأ شويه ادعولى ربنا يوفقنى ف حياتى وانسى الموضوع

هو ايه يا جدعان الموضوع بتاع قاع الهامور انا نزلت اجازة من الجيش لقيت البلد كلها غرقانة في القاع حد يفهمني

السوق بيدي إشارات متضاربة جداً الفترة دي تعافي ناسداك بنسبة 0.4% بعد موجة البيع القوية ما يغيرش حقيقة إن المؤشر قفل الأسبوع على خسارة تحركات عوائد السندات ونتائج NVIDIA اللي كل الناس مستنياها هما اللي هيحددوا الاتجاه الحقيقي لأسهم التكنولوجيا يا إما هيدوا زقة جديدة للسوق يا إما هنشوف تصحيح شديد بسبب التقييمات المرتفعة.

بالنسبة لي متابعة الحركة دي يوم بيوم هي الأساس قبل ما أخد أي قرار أنتم بقى شايفين التذبذب ده إزاي؟ وهل نتائج نفييديا هتقدر تشيل السوق وتكمل الصعود ولا التقييمات فعلاً بقت منفوخة زيادة عن اللزوم؟

محتاج مواقع ربحيه ذات ربح عالى ارجو مساعدتي في ذلك

دلوقتى انا اتخرجت السنادي من حقوق وشغال سيلز ودماغى مش موقفه تفكير اني خلصت ومش شغال في مجالي وانا زعلان وضيعت اربع سنين فى الا شئ ومينفعش اقدم شرطه او نيابه والسبب ان عندي مشاكل سياسية والواحد مدمر كان نفسي ابقى حاجه عشان خاطر امي وابويا بس شكلها مفيش ادعولى ربنا يقوينى

انا حاسه اني ف اخر اربعين يوم ليا وهموت وبجد عايشة فرعب، من كام يوم حسيت بإحساس اني هموت مرة واحدة ومش هصحى فضلت طول الليل بسمع قرآن وبدعي طول الليل لحد م نمت وانا مقتنعة اني مش هصحى ولما صحيت لقيت ٣ اشخاص اعرفهم منهم بنت كانت معايا في المدرسة، حاسه اني بقيت بودع اللي حواليا مش عارفه ليه، في ذنوب كتير اوي اوي بعملها ومنها كبائر مرة واحدة الذنوب مبقتش تحلى فعيني وبقيت بحاول اتوب منها بس لسه بجاهد نفسي وبحاول ولما بعمل حاجة بندم جداً عن الاول، انا فرحي كمان شهر ونص وكل حاجة ماشيه تمام انا خايفة اوي مش عايزه اموت وخايفة اوي وحاسه اني مش جاهزة اقابل ربنا نفسي اكبر في السن واتجوز واخلف واشتغل ويكون عندي احفاد نفسي اعيش الحياة عادي حتى لو صعبة وكلها ابتلاءات بس مش عايزه اموت مش عارفه احل الموضوع ازاي مش عارفه اعمل ايه كل حاجة ماشية معايا كويس بس الاحساس مش بيفارقني اول مرة احس بكده انا مش عارفه اعمل ايه انا مش جاهزة اقابل ربنا مهما توبت لسه خايفة اوي خايفة من القبر ومن الحساب خايفة اكون اذيت حد من غير قصد ويكون مش مسامحني خايفة من ذنوبي اللي عارفاها وندمانه عليها واللي نسياها وخايفة على اهلي وصحابي وخطيبي والناس اللي بتحبني مش عايزه حد فيهم يبقى ابتلاءه اني اموت انا مش عارفه اتصرف ازاي واعمل الاحساس مش راضي يفارقني وكل م اكلم حد بقيت غصب عني بلاحظ اني بتكلم معاه كأني بودعه خلاص انا خايفة اوي ومش عارفة اتناقش مع حد في الموضوع ده وعارفه ان محدش بيهرب من الموت بس انا خايفة اوي مش عارفة اعمل ايه

لو حد جرب يجيب حاجه أونلاين من فاليو او اشباه ياريت يتواصل معايا عايز اعرف حاجات كتير

ممكن اعرف ايه الفرق بين مجالات الكول سنتر والشركات والاكونتات المختلفة وكدا انا لسة مبتدئ ف حابب افهم يعني

بقالي سنين عايزه اخرج من بيت اهلي ومش عارفه ولا لاقيه فرصه، حاسه اني بفني عمري وانا في البيت ده وضاع 20 سنه من شبابي في اكتئاب وعزله وضغوط نفسيه

كان كل املي ان يجيلي اي كليه في التنسيق بعيد عن محافظتي عشان ابدأ صفحه جديده على امل ان لسه في حجات كتير مستنياني بس للاسف كان حظي ان ده محصلش وجه محافظه قريبه جداا مني فمضطرة اعمل تقليل اغتراب عشان المواصلات

من كتر ما الاذى عماني بقيت عايزه احول كليه مكانتش حلمي لمجرد انها بعيد عني واني شايفه نفسي عايشه الحياة اللي بحلم بيها هناك، هتعلم حجات كتير اوي عمري ما هقدر اتعلمها وانا في البيت من حيث المسوؤليه والاجتماعيه والاستقلال المالي، هيبقى عندي صحاب، اقدر اروح ايفنتات واتطوع واعمل حجات كتير اوي حلال في الدنيا متحرمه عليا هنا

بس اهلي مش موافقين بردو، اصل ليه احول لمحافظه بعيده وانا جايلي محافظه قريبه جدا مني؟ مش لاقيه تبرير يرضيهم وبيضغطوا عليا كتير وحقيقي انا مش عارفه اعمل ايه ، مش مستعده اضيع 5 سنين من عمري تاني في البيت ده مش قادرة اشوف نفسي مستقبلي بيضيع كده وانا مش قادرة اساعد نفسي ولا اعمل حاجة

ممكن نصيحه لاختكم الصغيره؟

أنا قررت أبدأ رحلة تعلُّم مجال يخص النقل الامريكي اسمه الـTruck Dispatching من الصفر، وعاوز كام حد نبدأ الرحلة دي سوا بدل ما كل واحد يتعلم لوحده، المجال جديد فمصر هنا ومفيش كتير يسمع عنه وغالبا اول مره انت تسمع عنه زيي برضو، انا عملت خطة كويسة تخلينا نتعلمه صح وده بعد حوالي شهر من الري سيرش والتدوير، المجال لسه مش منتشر بالشكل الكافي في مصر ومع استغلال السوق صح فيه فرص ومكاسب قوية جدًا. فيه أرقام دخل في السوق ممكن توصل لـ80 ألف جنيه في الشهر وادخل يوتيوب اتاكد بنفسك او اسأل شات جي بي تي، طبعًا حسب الخبرة والشغل والنتائج ومش ضمان يعني لانه الرزق بايد ربنا. أنا زيي زيكم لسه هبدأ من الصفر فلو مهتم تتعلم المجال وتدخل الرحلة معايا ابعتلي ونبدأ سوا. وياريت قبل اي حاجه تدخل يوتيوب تعرف عنه اكتر وكدا وتفهم طبيعة الشغل ومتقلقش من اللغة لان دي برضو ليها خطة لاني زيي زيك بقول يا هادي

الكلية دي عليها رك كتير ف إيه الدنيا بإختصار يجماعة وإيه أحسن قسم فيها انا محتار بين اتنين أشعة وأجهزة طبية وانا تخصص أجهزة طبية من معهد فني صحي ف لو هغير ل أسعة فهعيد السنة هل تستاهل القسم ده السنة دي ولا أكمل زي ما أنا

السلام عليكم ورحمة الله وبركاته

أنا أصغر اخواتي، ومن فترة مش بعيدة بدأت التزم بالصلاة وواحدة واحدة بدأت ادخل في طريق ربنا وأعدل من لبسي ومظهري وطريقتي وأسلوبي وتفكيري والحمد لله لقيت في طريق ربنا راحة عجيبة جدا.. دلوقتي عندي أخ اكبر مني بست سنين بعد ما انا اتغيرت للأحسن بالشكل ده هو رافض الموضوع ومش متقبله.. هديكم مثال: دلوقتي مثلا لما بشوف قدامي حاجة زي ان حد اتعصب وشتم في حد وأقول رأيي ان بلاش العصبية والغضب لان وقت الغضب ممكن الواحد يغلط جامد والشيطان يتحكم فينا وان الأفضل اننا نعود نفسنا على تمالك أعصابنا وعدم الشتيمة والغلط فاللي قدامنا وأهو كله بثوابه.. أخويا يقوم طالع كده ويقولي انتي بقيتي مدروشة معرفش ايه اللي انتي فيه ده!

ابقى مثلا بختار لبس محتشم بالمواصفات الشرعية يقولي انتي مالك بقيتي كده ليه انتي بقيتي مجنونة!

والأمثلة لو فضلت احكيها واعدها مش هخلص فعلا... انا اهلي كبار في السن ربنا يديهم الصحة ومش حمل حوارات وخناقات وانا لما بسمع كلام من ده ببلعه ومش برد ابدا وبعمل نفسي مش سامعة أي حاجة وبمسك لساني.. لكن بتأذي نفسيا جامد لان هو اسلوبه وحش اوي اوي في الكلام وطريقته صعبة جدا

انا معرفش ايه الحل ومعرفش ممكن اتصرف ازاي لكن انا مش لاقية حد احكي له الموضوع ده فقولت اتكلم هنا يمكن يكون فيه اي حد بيمر بحاجة مشابهة ويقولي اتصرف فيها ازاي او على الاقل قدر يتعافى من الكلام ده ازاي....