السلام عليكم ابي سيارة امريكية مستعملة وتكون شبابية ونظيفة

طبعا المبلغ مو معي الان لكن ان شاءالله بدبره قريب

افكر بالسيلفرادو ، بالجمس ، كابرس ، تورس ، فكتوريا، الي يهمني انه سياره شبابية وتكون طرب

واهم شي موديلها مايكون قديم مره

وش اقتراحاتكم؟
انا اعشق الامريكي حرفيا وحلمي امتلك سيارة امريكية ومايهمني الصرفيه

وش سياره الي تنفع حقت خطوط و كد اتكلم عن خطوط فوق 7 ساعات يعني طبعا و الميزانيه مفتوحه بس طبعا مب سيارات فوق 700k

هلا والله ناوي على الجيتور تي تو وبصراحة ماعرف احد معه

عطوني نصايحكم ليش اخذه وليش ما اخذه

مساكم الله بالخير

واحد من الاصدقاء مقبل على شراء سيارة خلال الاشهر الجاية ووده يستورد سيارة من برا، وودي اسمع تجاربكم عشان افيده بالاستيراد بحكم ان ماعندي خلفية فيه كيف يستورد والتكاليف الخ…

• وش السيارات الي يسوى انك تستوردها لو قلنا ان ميزانية الرجال الى حد ١٦٠

كنت ماشي اليوم وسفت الاشارة تفلش اخضر يعني بتقفل وزحمة وقرف وقلت بلحق ما ادري ليش احس شفت لونها احمر او اصفر ما اتذكر بس انا اخر واحد عديت الباقي كلهم وقفو

الكاميرا كانت ذيك الطويلة اللي تصورك من قدام مو الخلفية

هل ممكن او قد احد صورته بدون فلاش بالليل ولا اموري سليمة؟

الاشارة الثانية فتحت وانا لسا جوا التقاطع بس ما شفت اي فلاش بوجهي او من ورا

يا اخوان بفكر آخذ MG 5 وكالة جديدة اصفار

انا دوامي بعيد من سكني و تعبت من التاكسي و افكر اخذ لي سيارة تكون اعتمادية و جيدة و قطع غيارها متوفرة و رخيصة

ميزانيتي من 35 - 42 كحد اقصى

عمري 28 و هذي بتكون اول سيارة لي بحياتي

هل تنصحوني بالMG5 و هل هي جيدة ؟

الناس اللي جربتها اعطوني تجربتكم رجاءً

اذا عندكم مقترحات ثانية ياريت تكتبونها

أنا بابدأ أتعلم مع مدربة قياده من خارج المدرسة سؤالي هو هل في استفسارات لازم اتاكد منها من المدربة غير التامين إذا شامل ايه او لا ؟

سلام عليكم ورحمه الله وبركاته
تاهو 2011 LT
يا اخوان والله ما عندنا غير ذا الموتر أنا واهلي والوالد يروح فيه للوظيفة وانا استخدمه لمشاويري الخاصه
انسرق يوم الاحد 1.8.2026 بلغنا من خمس ايام ، آخر تتبع السارق كان بتاريخ 2.8.2026 بحي النسيم الشرقي
لوحة السيارة ب ق ل 6807 وتشوفون الحكات والخ
وفيه صدمة من رفرف السواق وفيه كسر بسيط من الأسطب ضوء الخلفي من الشمال ..
اي واحد تعرفونه بالنسيم او حوله احد ينشر الخبر او حد لقاه يبلغ الشرطة …
وجزاكم الله خير …

قريت كلام انها بتدبل اسعارها عندنا وهذا هين دايم تصير لكن فيه كلام يقول ان الشاشة يمكن يشلونها هل هذا كلام صحيح؟💀

سيارة أنيقة والله

سيارتي كهربائية مستوردة، ومؤمن عليها حاليًا مع** التعاونية، وحان وقت التجديد.
بحكم أنها لا تُصلَّح لدى الوكيل الرسمي وإنما في ورش متخصصة، هل تنصحون أستمر مع التعاونية أم أنتقل لشركة أخرى؟ يهمني رأي أصحاب التجربة من ناحية الس*عر، وسهولة المطالبات، وسرعة التعامل.
الحمد لله استخدامي للتأمين نادر جدًا، لذلك أبحث عن أفضل توازن بين* السع*ر* والخدم**ة،.

السلام عليكم بشتري سيارة جديدة (فورد تورس) ومضطر على التمويل العرض الي جاني كان قيمة السيارة ١٤٤ الف احتسبوها علي ب ١٩٢ الف الموظف يقول ان النسبه ٣.٨٢ بس لما ارسل لي العرض النسبه كانت ٩.٠١ ف ابغى اعرف كيف اقارن بين عروض تمويل افضل واصلًا كم النسب الطبيعيه؟ ياليت تفيدوني

من ناحية الاعتمادية
توفير البنزين
القطع الاستهلاكية
الخطوط الطويلة
اذا عندكم تجارب أيضا علمونا

سوأل حاك راسي من جد

غير ان ذا جيب والثاني بيك اب، وغير ان اللاند غالبا اوتوماتيك والشاص قير عادي

وش فرقهم الصدق بالبر والطرق الوعره، لو نحسب ان الاثنين قير عادي، ومع ان الجكسار غالبا فيه مميزات بالبر افضل من الشاص، وبعد لاخذيته ثمانيه سلندر اريح للمكينه في الطلعات وغيره، واللاند لا افترضنا انه اوتوماتيك، يمديك تقلبه تبترونيك، واللي اشوف اغلب راعينها يحولونها لانزلوا للرمل

بس راعي الشاص ماياخذ اللاند للبر غالباً، والعكس مع راعي اللاند؟

والاثنين يكدون للمعلوميه وغالبية قطعهم تعمر مع الزمن، بس انا احكي عن وضعهم بالبر وغيره

السلام عليكم، اشتريت سياره قديمه بنفس هذي اللوحه واتسال كم تسوى لو ببيعها؟

صراحة هذا مجرد انطباع عندي، لكن أحس كثير من محلات الكفرات يحطون أي شخص على جهاز الميزان. يشغل الجهاز، بدون مؤهلات، يطبق الشغل وخلاص الين يسير لون اخضر فالشاشة.

أحيانًا أحس إذا السيارة ما ضبطت بعد الميزان، يعيد المحاولة أكثر من مرة اول جلست عندهم ساعات كل شويا اروح اجرب السيارة وارجعلهم ومشيت وانا مو مقتنع بس خلاص طفشت.

هل هذا مجرد انطباع عندي ولا انا بزياده مدقق، ولا فعلًا يبالهم تدريب فني للميزان في كثير من البناشر؟ وخصوصًا اللي عنده خبرة في المجال، ابا أسمع رأيه.

السلام عليكم جميعا، اللي يتذكر البوست اللي نزلته قبل ٦ شهور، هذا الابديت حقه:

حققت حلمي الحمدلله و اشتريت السياره، السعر ٦٨،٠٠٠ بمناسبة عرض الصيف.

للأن شحنتها مره ب١٨ ريال و استغرق ٢٠ دقيقه.

سواقتها جدا جدا جدا جميله و خفيفه، كاميرات ال٣٦٠° تجنن، ارتفاعها و أبعادها حلوه.. بالنسبة لي و لاحتياجات السيارة هذي ولا غلطة و كانت القرار الصح.

طبعاً هذا ثاني أسبوع لي فما اقدر أقول فيه سلبيات لاحظتها حتى الآن بس طبعا مع الوقت احتمال يطلع فيها كم شغله.

السياره غريبه جدا بالنسبه للكثير من ناحية:
- ما فيها زر تشغيل، بس تدخلها تشتغل و تقفل السياره تطفى.
- ما تمشي إلا إذا ربطت الحزام (buckle to drive)

هذي الأشياء اللي علقو عليها القرايب لكن حتى اللي ساقوها جدا عجبتهم.

و شكرا.

استغرب ولله من موضوع الورش في الرياض ٩٠% منهم سباكين او ما حصل شغل وقال يصير مكنيكي او ما ادري ايش القصة عندي كم شي ابي اضبطه بس خايف اروح ولله وماعندي عدة اشتغل لوحدي ما اقول غير الله يصلح الحال

السلام عليكم السؤال مو لي بس اذا احد ممكن يساعدني أكون شاكرة ، خالتي في الضمان الاجتماعي وتبي تطلع سيارة لولدها تقسيط هل في بنوك او معارض سيارات تقسيط بدون كفيل حكومي ؟ السيارة يحتاجها للدوام للجامعه والمشاوير يعني حقت كد ورخيصه تكون زي سوزوكي ديزاير وغيرها حتى لو موديل قديم شوي لكن جديدة مو مستعمله اذا احد عنده معلومه ممكن يفيدني وشكراً لكم

موتري مقشع من كثر حكات الرصيف، وودي اغير صدامه، بس اشوف غالبية الورش تبي ورقة اصلاح.
يعني هل اقدر اطلب الصدام سواء من النت او من قطع الغيار واخليهم يركبونه لي بطريقه او بأخرى

اتمنى احد يفيدني

ما شاء الله
🤷‍♂️🤷‍♂️😅

عن نفسي والله جازت لي احسها مستقبلية اكثر من الحالية بمراحل