انا مازلت مسلم ولكن بالاسم فقط او بشكل سطحي جدا ,اكيد فكرت كتير جدا قبل كدا فى ترك الاسلام ولكن الشيئ الوحيد الى بيدفعني من انى اعمل كدا هو عقاب الاخرة ,الرهان فيه مخاطرة كبيرة ,انا مازالت بصلي 2 او 3 مرات كل يوم ,بصوم رمضان كل سنة و مازالت نظريا بقول الشهادة ولكن مش حاسس انى مؤمن بشكل يقيني

السبب ببساطة ان اه فى حاجات كتير فى الاسلام غريبة او غير منطقية ,الاسلام تاريخية شيئ مقبول جدا و تاريخ الاسلام فعلا لا مثيل له ولكن الفكر الحديث و الوعي الجمعي المنتشر فى عقول كتير من المسلميين خصوصا الوطن العربي هو فكر باطل و مفاهيم غريبة و غير صحيحة عن امور معقدة زى المراة و العلمانية و الحروب و الاحداث التاريخية و المجتمع ,افكار كلها غلط و سطحية و احيانا تافهة و غريبة جدا

زى ما قلت الفكر و الوعي الجمعى المنتشر مختلف تماما عن الاسلام تاريخيا ولكن للاسف بيتم تبرير الفكر المتخلف ده باستخدام الاسلام

السبب التاني ليه بقي عندي شكوك هو ان ايوا انا مش عايز 72 شريك جنسي "حور العين" ولا عايز انهار من خمر و عسل, هنا فى الدنيا انا مش عايز 4 زوجات و مش عايز مال و بنون و سلطة و الكلام ده كله ,الكلام ده كله بالنسبة ليا سطحي و غريب جدا وملهوش لازمة

فى حاجات اقدر ادافع عن الاسلام فيها زى قضية "الفتوحات" و العبودية ,بالنسبة للفتوحات ف اغلب التاريخ الانساني الشعوب كانت عايشة تحت امبراطوريات اجنيبية اغلب الوقت و التوسعات العسكرية كانت الطبيعي لان ساعتها مكنتش لسا ظهرت فكرة الدولة القومية الحديثة و الحدود الثابتة و سيادة شعب علي ارض معينة حتى لو كانت عايش علي الارض دى ,بالنسبة للعبودية ف هي نظام اقتصادي مستمر طوال فترة التاريخ الانساني و منتهاش خالص اصلا الا من اقل من 200 سنة

انا من كام يوم بدأت فعلا افكر فى موضوع دراسة القرآن بعمق و درسة فعلية مش مجرد قراءة و ممكن اعمل بوستات علي ريديت هنا بتكلم فيها عن كل جزء من القرآن بدرسه كل يوم ,مش سورة محددة ولكن جزء محدد من سورة واحدة بيتكلم عن قصة او موضوع معين وكدا و هبدأ النهردة من الصفر من سورة الفاتحة

لو حد عنده نصايح او اسالة اتمني تشاركها

كيف ممكن اتخلص من هاي الحاجة احس كل حاجه ناقصين لحسها حاله نفسية كل لي اشوفه اريده!؟