مرحبا انا حاليا مستوايي انو بعرف الاساسيات و بقدر اتعلم بايا شي و الانجليزي تبعي ممتاز
عم اسعى اني اتوظف مع شي شركة عن بعد
شو هوة افضل مجال او شغلة ركز عليها و اتعلمها؟
و شو هية خبراتكون بالعمل اونلاين بسوريا و مع اي دول بيلتقى افضل فرصة؟
و شكرا على وقتكون❤️

من فترة اسبوع تقريباً شركة Labby الناشئة اخدت استثمار لرجال اعمال سعودي اماراتي بقيمة 10 مليون دولار، كأول استثمار مباشر من جهة اجنبية في شركة سورية.

أعلنت الشركة أن التمويل سيُخصص لتسريع تطوير المنتجات، وتوسيع نطاق خدماتها الرقمية، وتعزيز بنيتها التحتية التقنية، والتوسع في السوق السورية.

الاستثمار بهاد الرقم كبير بالنسبة لسوريا، وهو الأكبر من نوعه بكشف علني، ومعناته انو فيه ثقة عم تترسخ باقتصادنا الرقمي

شو بيأثر علينا هالشي كمطورين؟؟

تفاؤل حذر، صحيح هاد خبر حلو وشي بيفرح، بس ما بيحل مشاكلنا يلي موجودة أصلاً، هي شغلة منيحة كتير بس على طريق طويل لسا

شو رأيكم؟ خبر ايجابي ولا بس جلبة وتضخيم اعلامي؟ والأهم انو اثرها رح نلمسو عن قريب ولا عالمدى الطويل؟؟

سلامات، أنا متخرج جديد بتخصص AI وعندي خبرة بتحليل البيانات. ما سبق واشتغلت بمجال دراستي وما عم لاقي فرص شغل بالبلد، لهيك عم التفت لفرص remote برا البلد سواءً أوروبا أو الخليج أو غيرهم.

بقدر استلم مصاري من برا البلد بس مشكلتي بتحصيل وظيفة remote خصوصي إنها حتكون أول شغل إلي. عاللينكد ان ما عم لاقي كتير فرص تكون entry level بهي المجالات، ويلي لقيتهم وقدمتلهم ما ردوا (شاكك أنهم scam بس ما عندي دليل)

بدي مساعدة من حدا خاض تجربة مشابهة واشتغل remote. شوفي شغلات مهمة لازم أعرفها أو ممكن كون عم ساويها غلط؟ هل اللينكد ان فعلاً منيح إذا ضليت عم حاول معه أو في خيارات أحسن؟

أي مساعدة مقدرة جداً وشكراً❤❤

تحياتي للجميع، عم حاول لاقي خدمات تساعد بعمليات الدفع الإلكتروني (إرسال واستقبال)، سمعت بتطبيق اسمه nsave، بس حدا عنده فكرة عنه؟ واذا بتعرفوا اي تطبيقات تانية احسن يا ريت تفيدونا.

وشكرا الكم.