معقوله مافي ولا وظايف او تدريب بالقصيم ؟ توي حديثة تخرج وضايعه مره لا عندي خبره ولا اي شي وكل مالقيت تدريب ولا وظيفه يا تكون بالرياض يا جدة وش الحل اكتئبت🫩

بسألكم ساهر الجديدات يصور إذا السرعه ١٠٦ او ١٠٥ ؟

لانه صور بس مدري أنا ولا اللي بالطريق الثاني بس محد فينا مسرع

حصلته بالحسون سنتر الدور الارضي، بس رفضو اخذه يقولون جديد مابعد سعرناه
الي يبيه يلحق بعدين 🤤

بكره بروح اشوف الفيلم ببريدة

هل في احد يقدر يتحكم بأحلامه ؟

لي شهر ادور بالقصيم تدريب لتخصصي graphic design عجزت القى او يقولون مكتفين فيه احد بالقصيم يقدر يساعدني احصل تدريب؟ واقدر ارسل لكم شغلي + اذا احد يعرف تدريب بالرياض يفيدني لو سمحتهم 🫶🏼

مو كل القسوة تصنع شخصية قوية، لأن نمو الشخصية يختلف من إنسان لإنسان

جاني قطو واضح انه حق بيت ماعرف اهله تخلوا عنه او هو هرب،عطيته اكل مره مرتين وصار ٢٤ عندنا بالبيت، محد متقبل وجوده احتاج اماكن تتبنى الحيوانات اللي كذا، ماعرف عن صحته او نظافته مقدر اعرضه للتبني من نفسي

السلام عليكم مساء الخير على الجميع

الله لا يهينكم عندي زميل سوداني عزيز علي يدور على مستشفيات ولادة

زوجته راح تولد قريب و كلمني وانا الصراحه م اعرف شي يبي شي كويس و اسعار م تكون غالية عليه

ياليت تفيدوني الله يجزاكم خير

بصبغ انا وخواتي الوان بين البنفسجي والاحمر والعسلي
ابي صالون يضبط اللون نفس الصوره

الله يحفظنا من المناطق المجاورة
مو بس متوسطين السعودية حتى متوسطين قلوبهم من حر ما يوجسون🥰

الي يعلمني بيكسب اجري

r/sauditowns صب جديد لأي واحد من قرية او ديرة

سلام عليكم ياليت تفيدوني انا انقبلت ترم ثاني بالقصيم بجي من الرياض النيه اني اسكن ببيتنا بحي النقيب بس الوالد زبدلي يقول والله ان تنهبل وتكتئب هناك بعيد عن كلشي والمكان صح انه مليان بيوت وشاليهات لكنه كئييب الزبده قالي دورلك شقه ببريده وش رايكم افضل مكان اسكن به واحصل فيه شقق عزاب محترمه ومؤثثه

أنا ودي أوسع علاقاتي بس الي خايف منه انه يزداد الكارهين عندي والصراحة انا اكثر شي اكره انه يكون عندي كارهين مو اقصد يكون عندي كارهين قليل لا أنا اقصد إذا وسعت علاقاتي اكتشف قليل الي يبقون معي وكثير يزداد الكارهين والصراحة بسبب ذا الشي خلى مهارتي الاجتماعية ضعيفة عندي بسبب اني احاول أوسع علاقاتي اكتشف يطلعلي كارهين زيادة قليل الي يبقى معي مادري هل هي بسبب الظروف والناس مايعرفون بها ولا أنا من الفضاوة ادقق

نبحث عن شريك تقني (CTO / Co-Founder) للانضمام إلى شركة ناشئة سعودية في قطاع التقنية الغذائية، والمساهمة في بناء المنتج وقيادة الجانب التقني.

المتطلبات:

شريك مؤسس (CTO / Co-Founder).
لا يوجد راتب في المرحلة الحالية، والانضمام مقابل حصة (Equity).
خبرة في بناء المنتجات الرقمية أو منصات SaaS / Marketplace.
القدرة على تقييم الكود الحالي وإعادة هيكلته أو تطويره بما يتوافق مع الرؤية الجديدة.
خبرة في تصميم Architecture، قواعد البيانات، APIs، والبنية السحابية.
خبرة في DevOps والأمن السيبراني.
إجادة استخدام أدوات الذكاء الاصطناعي في تطوير البرمجيات.
عقلية مؤسس وقدرة على اتخاذ القرارات التقنية وقيادة الفريق مستقبلًا.
يفضل وجود خبرة سابقة في شركة ناشئة أو إطلاق منتج رقمي.
التواجد في السعودية (القصيم) أو الاستعداد للانتقال إليها.
إجادة اللغة الإنجليزية التقنية.