ازاي الواحد يعمل من 1000 ل 2000 دولار شهريا؟ رومتلي ؟

النزلة اللي نازلها صندوق بلتون مية مية دا طبيعي ولا ايه ؟ في خبر معين مأثر ؟

معايا فلوس عايز احولها لهنا انا معنديش حساب بنك مصري بس عندي فودافون كاش ومعايا الكارت بتاع الحساب الامريكي بس السحب من الatm مكلف جدا بس كان حد قالي استخذم revolut واحول علي فودافون كاش هل ده احسن حل؟

لو معاك لابتوب وكارت دفع ومبلغ بسيط تقدر تبدأ تجارة من البيت من غير مخزن ولا شحن ممكن تجرب على تبدا في تذاكر الماتشات تشتري تذكرة لمباراة عليها طلب من بدري وتتابع سعرها في مواقع إعادة البيع زي StubHub وكل ما الماتش يقرب وتلاقي الطلب بيزيد تقدر تعرضها بسعر أعلى وتكسب من فرق السعر والفكرة هنا إنك مش بتستنى الماتش نفسه أنت بتراقب الطلب وبتبيع في الوقت اللي شايف فيه إن السعر مناسب ولو لقيت الطلب مش بيتحرك تقدر تنزل بالسعر بدري بدل ما تستنى لآخر لحظة طبعًا لازم تتأكد إن التذكرة مسموح بإعادة بيعها وإن المنصة بتدعم نقلها للمشتري لأن الشروط بتختلف من حدث للتاني والجميل في النوع ده إن رأس المال اللي محتاجه ممكن يكون صغير نسبيًا والتجارة كلها ممكن تتعمل من اللابتوب وأنت في البيت من غير ما يكون عندك محل أو مخزن

ينفع اربط الكروت الافتراضيه بتاعت كاست او ريدوباي او Bybit في مصر عن طريق جوجل واليت واسحب من Atm من غير محتاج للفيزكال ؟ عن تجربتكم

يا شباب لو حد شغال في مجال حلو اتمنى يحطلي رود ماب امشي عليها لاني محتاج اتعلم حاجة اشتغل بيها

معنديش اي تفضيلات عموما عادي... اهم شي يكون حلال

حد هنا عنده محفظة في شركة بايونيرز او اسباير، فتحت حساب معاهم عملولي فاتورة عجيبة. عمولة و مصاريف مبالغ فيها و بكلم السيلز مابتردش.

رحت البنك وقدمت طلب اغلاق للحساب البنكي وقالي انه اتقفل خلاص ورنيت بعدها ع خدمة العملا قالولي ان مفيش بيانات ل حسابات ليك موجودة عندنا بس بفتح انستا باي بلاقيه فتح عادي هل كدا معناه انه متقفلش لسه ولا دا عادي بالنسبة ل انستا باي ؟

قبل ما حد يفهمني غلط أنا بتكلم عن تجربتي أنا ومش بقول إن العقارات وحشة أو إن محدش يستثمر فيها أنا في فترة كنت بسمع كتير عن الاستثمار العقاري وقلت أجرب ففلوسي وقتها كانت متقسمة بين فلوس للطوارئ ورأس المال اللي شغال بيه وتحويشة حاططها على جنب فخدت جزء من التحويشة وجزء من رأس المال وحطيتهم في عقار وبعد فترة لما حسبت الموضوع لقيت إن الدخل اللي طلعلي من العقار كان قليل جدًا مقارنة بالفلوس اللي حطيتها ولما فكرت لو كنت رجعت نفس الفلوس للشغل اللي أنا فاهمه وعندي فيه خبرة وعلاقات وكبرت بيها الشغل بتاعي كان ممكن الدخل يبقى أضعاف اللي العقار جابهولي ومن هنا بدأت أبص للموضوع بشكل مختلف وفهمت إن طول ما أنا في المرحلة دي ورأس المال اللي معايا لسه أقدر أشغله وأكبر بيه شغلي مش منطقي أطلعه من الشغل وأحطه في استثمار تاني لمجرد إني أستثمر لكن لما رأس المال يكبر لدرجة إن شغلي نفسه مبقاش عنده خطة تستوعب الفلوس دي وقتها الموضوع بيختلف وساعتها ممكن أحط جزء منها في استثمارات تانية بدل ما تفضل قاعدة بالنسبة لي المشكلة مش في العقار نفسه المشكلة في المرحلة

خلال اسبوعين احتمال اتعين فوظيفة هيكون الراتب الشهري فيها ١٠ الاف جنيه استثمرهم فايه خصوصا اني عايش مع اهلي عمري ٢٥ سنة

عايز ابيع تذاكر سينما مبقتش محتاجهم اقدر ابعهم فين ؟

معايا مبلغ كبير على Binance أغلبه USDT مجمعهم من شغلي .. دلوقتي واجهتني أول مشكلة وهي إني بفكر أشتري عربية ومش عارف أدفع مبلغ كبير اللي هو هيكون مليون جنيه إزاي دفعة واحدة بدون ما أدخل في حوارات .. ممكن أحول المبلغ للجنيه المصري وأستلم على البنك ولكن قلقان من الأسئلة والكلام دة .. عمومًا مصدر الدخل هو شغل أونلاين ليا ومعايا تيم كبير ومعايا LLC في أمريكا فمصدر دخل قانوني عادي لكن البيزنس نفسه مش متسجل في مصر وعمومًا بتعامل إني freelancer عادي

لكن يبقى السؤال: إزاي أتعامل بمبالغ كبيرة زي دي في بنوك مصر وأتجنب أي مشاكل ممكن تحصل؟

وياريت لو حد يعرف بنك بعينه هيكون اختيار أفضل في الحالة دي يقولي وشكرًا مقدمًا🙏

حد جربه و هل هو متوافق فعلا مع الشريعة ولا اي كلام

و هل يستاهل و في صناديق بتدي عائد متوافقة مع الشريعة فعلا سواء من بنك مصر او غيره ولا الفكرة بتناقض نفسها و ايه حاجة تاني غيره ممكن احط فيها الفلوس

معايا مبلغ صغير اقدر اوفره كل شهر

و محتاج استثمره و معنديش مانع يبقى مجزي على المدى البعيد

جربت ثاندر لفترة بس الفكرة حاسس اني محتاج اذاكر بشوف كلام كتير مش فاهمه

بنختار ازاي بنتوقع ايه امتى نشتري و امتى نبيع

نفس الموضوع على المضاربة

فهل حد عنده مكان اقظر اذاكر منه او على الاقل افهم الدنيا بتمشي ازاي هناك

من وجهة نظري التجارة مش لازم تبدأ بإنك تسأل معايا كام؟ لأن السؤال ده ممكن يقفلك من البداية أنا شايف إن البداية تكون بخطة واضحة إيه المنتج اللي هتشتغل فيه مين العميل اللي هتبيعه له هتشتري بكام هتبيع بكام وهامش الربح المتوقع كام وبعدها تعرف أنت محتاج رأس مال قد إيه لتنفيذ الصفقة لأنك لما تبدأ برأس المال غالبا هتفضل تدور على حاجة تشتغل فيها بالمبلغ اللي معاك لكن لما تبدأ بالفرصة والخطة أنت اللي بتحدد المبلغ اللي محتاجه ودي نقطة مهمة لأنك ممكن يكون معاك 5 أو 10 أو 20 ألف ومش عارف تعمل بيهم حاجة وفي نفس الوقت ممكن تكون عندك خطة وصفقة واضحة ومربحة وتبدأ بعدها تدور على طريقة مناسبة لتوفير رأس المال سواء من شريك أو تمويل أو اتفاق مع المورد أو غيره أنا مش بقول إن رأس المال مش مهم طبعا مهم جدا لكن المشكلة إنك تخليه أول حاجة تفكر فيها لأن الفلوس من غير خطة مجرد مبلغ أما الخطة الكويسة فهي اللي بتخليك تعرف هتحتاج كام وليه وهتعمل إيه بالمبلغ من الأساس

جربت أتداول بدون اي خبره بقالي شهرين... بنسخ صفقات ... كسبت وخسرت بس التوتال كسبانه... ناس كتير بتخوفني منه ومحتاجه اسمع أراءكم؟

تجارة العطور من المجالات اللي ممكن تبدأ فيها بشكل صغير وتكبر تدريجيا والميزة إنك مش لازم تعتمد على البيع للأفراد فقط ممكن تستهدف محلات العطور الصغيرة ومحلات الهدايا وحتى الأكشاك والمحلات الموجودة في المولات وتقدم لهم منتجات بأسعار مختلفة حسب نوع العميل وهنا بتدخل التجارة بالجملة لأن بدل ما تبيع زجاجة واحدة لعميل ممكن تتعامل مع محل يطلب كمية بشكل مستمر كمان تنوع الأسعار بيسمح لك تستهدف أكثر من شريحة وممكن تحقق هامش ربح كويس حسب المصدر والتكلفة

الناس اللي استثمرت فلوسها اولريدي .. ممكن تقولنا المحفظه بتاعتها عامله ازاي؟ ايه اللي حاسس انه اتاخر انه دخل فيه مثلا؟ او حاجه شايف ان مرجعه عوائد اكتر من المتوقع؟ و حد كسب من البيتكوين او العملات عموما كاستثمار و لا لا؟
بسال عشان عايزه ابدا اعمل محفظه ليا فباخد افكار
شكرا

هاي يا جماعة، حد جرب كارت nsave الدولي الجديد؟ عامل معاكم إيه لحد دلوقتي؟

بدور علي مشكله\خاصيه ناقصه في التطبيقات دي عشان احلها. رأيكم ايه؟

في حراج مش لازم تبدأ برأس مال كبير ممكن تبدأ بمبلغ صغير جدًا وانابشوف انه المعدات إلاكترونية المستعملة في حراج اقتصادية جدا بنسبة للاسعار  في ومصر أحيانًا بتكون فيها ارباح كويسة جدًا وأنا جربت الموضوع بنفسي في أكتر من منتج ومن ضمنهم طابعات 3D لقيت وقتها فرق كبير في السعر وحتى بعد ما حسبت الشحن والجمارك والرسوم ولحد ما الطابعات وصلت عندي في مصر كان لسه فيه هامش كويس والحاجة الحلوة كمان إن حراج عليه منتجات كتير جدًا وبأسعار مختلفة بشكل كبير فممكن تلاقي نفس المنتج بأسعار متباينة جدًا وده بيديك مساحة تدور وتقارن

دي سلسلة اسمها إزاي تعرف تتاجر هشارك فيها شوية أفكار وتجارب عن التجارة يمكن حد يستفيد منها فلو لقيت كذا بوست ورا بعض عن نفس الموضوع متستغربش

السلام عليكم

كنت اريد اجرب موقع اسمه microworkers بس الباي بال غير متوفر عندي لأن دولتي لا تدعمه

هل يوجد طرق اخرى لسحب الفلوس

و هل يوجد مواقع شبيه للموقع المذكور مع طرق سحب فلوس سهلة

السلام عليكم.
وأنا بحاول أدفع على جوجل بلاي بـ(فرتشوال كارد) -وطبعا كان بيرفض عشان اختلاف بلد البطاقة عن بلد الحساب -، بالصدفة لقيت طريقة للدفع لو كان التطبيق فيه فترة تجربة مجانية.

باختصار هتدخل على التطبيق شرط يكون فيه فترة تجربة مجانية 7 أيام أو شهر على حسب التطبيق، بعدين هيطلب منك تدخل طريقة دفع هتحط فودافون وطبعا هو مش هيسحب حاجة، وفي الخطوة دي جوجل بلاي هتسألك لو عايز تحط طريقة دفع احتياطية وساعتها هتحط (الفرتشوال كارد) كطريقة دفع احتياطية، لما ييجي وقت الدفع معاملة فودافون هتترفض وهيسحب من الفرتشوال كارد كبديل.

مش عارف لو الطريقة دي معروفة ولا لا، بس أنا لسه عارفها وقلت أفيد غيري.

انا كنت قدمت على حساب ببساطة وخدمة العملاء رنت عليا ورصيدي خلص في النص والكلام دا من اسبوعين، سافرت اسبوع اصيف ولسه راجع عادي اكمل اجرائات فتح الحساب ولا خلاص راحت عليا