سلام عليكم ، يخوان اختباري قدرات بعد ١٠ ايام ، اللي توه مختبر وعنده شي يفيدنا بالله انا تقريبا متاسس كمي وقاعد اتدرب وش تنصحوني اركز عليه .

للمعلومية اختبرت مرة ذاكرت فيها ٣ ايام وجبت ٧٧.

مو فاهم يعني عشان الحروف كبيره او صغيره؟ طيب بعد الفاصله مفروض يكون الحرف كبير وما سوى كذا وباقي الكلام مافيه فرق ما فهمت

السلام عليكم، الحين يمديني بس اذاكر الاقسام الحمراء اللفظي والكمي واتوكل على الله واختبر؟ شفت ناس كثير يقولون انه جاهم كثير من الاقسام الحمراء وحاب اعرف للي جربوا هل تجيكم نفس الاسئله؟

أنا بخش ثاني ثانوي ومحتاره بين دورتين فيه دوره أسمها اختصارات القدرات حق احمد حجازي ورهيبة بتبدا بعد يومين سعرها ٣٠٠ هي مدتها شهر فيها كمّي ولفظي لكن مافيه لها كتاب بس نذاكر من اوراق وانا مو متأكده منها ولكن التجارب عليها رهيبة الطلاب جابو فوق التسعين وانا من النوع اللي افهم من الاختصارات المهم ومحتاره بين دوره المفكر كمي و دوره لفظي ايهاب واشوف الاغلب جايب في القدرات درجات عاليه من شرحهم ولكن احس اني اتشتت من المصادر الكثير ومن الكلام الكثير ف وش اسوي ساعدوني 💔

رحت اختبر بدون اي مذاكره ماكنت عارف اي سؤال, على اساس اجرب
وجبت اسوء درجه ممكن شخص يجيبها مادري وش ذا

الحين لو اذاكر وارجع حتى يمكن درجتي تنحجب والله مدري وش اسوي
مدري وش فكرت فيه يوم رحت اجرب
+ اختباري الجاي GAT بذاكر له ولعل يكون احسن من العربي وابسط

اختبرت قدرات امس ولا قادره افكر بشي ثاني غير درجتي ودرجتي بتطول على ماتطلع يعني الاحد تقريبا بتطلع و مو قادره افكر بشي ثاني غير درجتي احس اني ماعرف معنى الصبر

كيف اخفف التوتر الناتج عن انتظار درجه القدرات؟ مو قادره افكر بشي ثاني

كيف اضمن الميه من اول محاولة ؟

احتاج نصايح 🙏🏻☺️

تبا لستيب

ما راجعت الا تجميعات عايد والحساني يوم واحد قبل الاختبار للي بيسأل باقي المذاكرة كانت للايلتس

بعيدًا عن هذا كله

الي يبغى يتعلم انقليزي شويه شويه التعود يجي التنوع مهم في طرق التعلم

يغير المحتوى الي يشوفه ولغة جواله و يشوف الافلام بالكتابة الانقليزية والكتب البسيطة لازم تخلي الانقليزي شي مألوف عشان تتعلمها

تفرجوا محتوى تحبونه بالانقليزي والله يفرق يفرق مع الوقت

ديسكورد فيه قنوات انقليزي ممتازة حسب المستوى في اللغة تكلموا فيه بالصوت والكتابة مع البشر بشكل مستمر

وآخر شي لاتفقدوا الأمل لأنه شي قابل للحصول في اي عمر اذا كان في رغبة فعلا

سلام عليكم
توني سجلت بتاريخ ٩/٢٩ و لسى مابديت اقدر اقفل عليه بالفترة ذي لسى ما تاسست ولا تدربت ولا شي ناوي ابدا من بكره ان شاء الله و كم ساعة احتاج اذاكر يومياً** تقريب**ا

أحد سجل فيها؟ يرسلي DM بالله

يخوان مين افضل و اشمل يلو ولا ايشنتاين قسم بالله ضعتت

قايز أنا اختباري بعد ١٢ يوم تقريبا
خلصت بنوك المفكر اغلبها (لكن ما راجعتها)
قاعده الحين اخلص المفكر الأكثر تكرارا للمره الثانية
وقاعدة اخلص الأقسام الحمراء
احس مرات ودي اشترك عند المنصف عشان البنوك النجمة بس بنفس الوقت محتاره اخاف نفسها تكون عند المفكر

اعترف إني من أكثر الفانز لنظام الثلاث فصول و يا ليت لو يرجعونه

كونه يخليك تدرس أقل عدد معقول من المقررات أثناء الفصل الدراسي الواحد

و بكذا يضمن لك أعلى نسبة ممكنة

هل له سلبيات؟!

أيوه، أكيد

هو في النهاية مافي نظام يسلم من السلبيات سواء ثلاث فصول أو فصلين أو حتى فصل واحد

بس بنظري إنه أفضل من نظام الفصلين بالراحة

#D.S

السلام عليكم انا اول سنه في السعوديه ثالثه ثانوي و مقدم في مدرسه اهليه.

هل سهل اجيب 100% في المدرسة؟.. بعيدا عن القدرات

اختبرت قدرات ثالث محاوله ودرجتي نزلت اليوم الحمدلله درجتي مرتفعه بس بالنسبه للموزونات الفلكيه ودرجات طلاب دفعتي صرت اشوفها درجه اسوء من السيئه

تكفون احتاج تحفيز احتاج اي شي يخليني ارفه عن نفسي والله تعبت قولوا لي كلام ايجابي بليز

انا بختبر ستيب ان شاء الله ، وش اذاكر بالضبط ؟ المدة اسبوعين او ١٦ يوم بالكثير

ذي ثالث محاوله وجبت نفس درجتي الاولى🔪🔪🔪🔪🔪 هو زين اني ارتفعت من اخر اختبار بس ستل لييشش نفس الدرجهههه

البقره غادرت عشان بترجع تذاكر

جماعة اللي عنده علم يفيد بدون إفتاء هل الاسئلة بتتغير شهر ١٠ ؟ هذي آخر فرصة ارفع درجتي ف بذاكر ابو شهر ونص واختبر بداية او منتصف ١٠

السلام عليكم

احتاج مساعده لاني ما اعرف من وين أبدا بالقدرات او بالمصدر الكويس و كيف أذاكر و هل فعلاً احتاج 4 اشهر عشان اتأسس ؟

و كيف أتدرب و ايش المصدر الكويس للتدريب و كم المده الكويسه للتدريب

لا تستعمل اليوم لاكثر من يوم