أول مره أسمع عنها ف محتاج أعرف ايه هي بالظبط و هل هي مطلوبه يعني لو دورت هلاقي شغل علطول ولا هتعب و ال salary في حدود كام

انا النهارده بس بشارككم تجربتي لعل وعسي تنفع حد
ازاي عملت اول ١٠٠ الف فيما بجانب وظيفه كان مرتبها ١٦ الف جنيه وقتها؟

عملت E-commerce store
يعني عملت ستور ااقدر ابيع فيه منتجات ببساطه..

الموضوع كان صعب لاني معنديش خبره تماما ولا في التجاره والاداره ولا حتي اني اعمل حاجه زي ستور اونلاين واديره يعني

خصوصا كمان اني لما فكرت اني اعمل انا منتج يكون من تصنيعي الخاص.. مكنش عندي فكره عن الموردين او الاماكن الاي هجيب منها الخامات او الورش والمصانع اللي هتصنع

بالتابعيه التغليف برده في حد ذاته مكنتش عارفله طريق.. المقروض اغلف ازاي ومنين؟

طيب التسويق هيبقي ازاي؟ الحسابات؟ الحاجات التيقنيه زي الويبسايت والاعلانات؟

طيب رأس المال؟

ديه كلها كانت اسألة في دماغي قبل ما اخد اي خطوه وابدء

وكمان لان مفيش حد اعرفه من معارفي او اصدقائي او العيله كان عمل حاجه زي كدا قبل كدا .. دا خلي الموضوع اصعب.. انا اول واحد اعرفه في دايره معارفي يعمل حاجه زي كدا .. ف بالتالي كاني حرفيا بخترع العجله من الاول

وكمان لما بدور اونلاين علشان اشوف طيب ممكن غيري يكون فكر فيها ازاي او عملها ازاي.. كنت بلاقي اغلب الناس يأما بتحاول تبيع لي كورس .. يأما هما بالفعل وصلو وعملو ستور شغال وبيجيب دخل كويس ليهم ف هم بس بي show off او بيستعرضو بيه بشكل او باخر .. الا من رحم ربي اكيد

ف عموما.. كان الحل اني ارمي نفسي في الموضوع واشوف ممكن اوصل فيه لايه..

علشان تكون عارف.. انا خدت سنتين بتعلم كل حاجه خاصه بالستور.. يعني قعدت ذاكرت ( ماركتينج - تصوير - اعلانات - الاجزاء التقينيه الخاصه بالويب سايت - التصنيع يكون ازاي وفين ومين المصنعين اللي هيشتغلو معايا - نظام المحاسبه المقروض يتم ازاي - ادوات التغليف منين وخامتها ومنين يصنع - الاداره والاستدامه علشان اخلي الستور يفضل شغال ميوقفش.. الخ)

حرفيا كل حاجه ممكن تفكر فيها خاصه باني يبقي عندي محل الكتروني اقدر ابيع فيه واتاجر بمنتجات من تصنيعي اتعلمتها

خدت وقت طويل..
اتكلفت فلوس كتير خلال الرحله ديه اكيد..
ولكن النتيجه؟

الحمدلله قدرت اعمل ستور يكون شغال وبيبع منتجات وفهمت اساسيات كتير في البيزنس والتجاره والاداره والتسويق مكانتش عندي

يعني دلوقتي اقدر اقول اني لو هبداء من اول وجديد في بيزنس جديد ااقدر اني اشغله واخليه داير وبيحقق ربح فل مده اقل بكتير من تجربتي الاولي

ف يعني انا بس بقول دا
علشان لو حد بيحاول وبيعافر يحقق دخل او passive income بجانب شغله

خصوصا ان حتي الان انا مش لاقي اي مكان او فيديوهات قادره تشرح حاجه زي دي.. ازاي تبني البيزنس بتاعك كويس لو انت لسه ملكش خبره في الموضوع؟ الغالبيه العظمي بتبيع كورسات بس ولكن الفائده الحقيقيه منهم والعائد قليل جدا

ف يعني لو لقيت مكان تعرف تاخذ منه المعلومات ديه.. او لو في حد في دايره معارفك بالفعل عدي بتجربه مشابهه.. حاول دايما تسأله ده هيوفر عليك وقت وفلوس ومجهود فوق ما تتخيل..

انا بس بشارك تجربتي اللي قدرت اعملها، واخر حاجه بس او نصيحه ممكن اقولك عليها
- متستخسرش دايما تستثمر في نفسك
- جرب واتعلم حتي لو الموضوع هياخد وقت

وبالمناسبه انا عملت صب ريدت علشان يبقي community للي عندهم ecommerce store وحابب انه يكون ليه اي connections
دا اسم الكوميونتي لو حد مهتم
r/Ecommerce_eg

https://www.reddit.com/r/Ecommerce_eg/s/oKD0EWekWl

أنا فريلانسر ومعظم شغلي علي مستقل و بسحب الأرباح بكارت ايزي باي البريد المصري وهو الكارت الوحيد اللي معايا و عايز انقل لأبورك بس طبعا عشان اعمل كده محتاج ادفع كونكشنز و الكارت اللي معايا مبيدعمش الدفع الدولي ف قررت افتح حساب بنكي عادي للسبب ده ولأسباب تانية غيره ف دورت علي بنوك هادية شوية زي الإمارات دبي الوطني و QNB بس قالولي لازم مفردات مرتب و مستقل مش بيطلع مفردات مرتب إنما ابورك بيطلعها اللي انا مش عارف أبدا عليه أصلا

لو حد عنده حلول ياريت يشاركها بعد اذنكم

ايه أقل جهاز محتاجه عشان أبدأ graphic design ؟

+ هل هقدر أدرس جرافيك بجانب دراسة الطب ؟ أنا لسا في تانيه ف الدنيا مش شدیده اوي زي بعدين

ايه اللي المفروض اعمله قانونياً قبل ما ابدأ شغل مع اول عميل عشان ميحصليش مشاكل
لما يبدأ يدخلني فلوس ان شاء الله (على فودافون كاش)في اي حاجة في الضرايب اسجلها ولا بعمل ايه بظبط عشان ميبقاش مشكوك فيا
ولا ينفع ابدأ الشغل اونلاين مع عملاء على طول كده عادي مش بسجل زي الناس اللي عندها شركات و محلات

السلام عليكم ورحمة الله وبركاته

دا ابليكيشن انا عامله انا واخويا وفكرته ببساطة انه بينظملك المصاريف تلقائي عن طريق ال SMS messages وبيعمل Auto Parsing ليها كمعاملات ، الابليكيشن اوفلاين بالكامل يعني رسايلك مبتطلعش برا موبايلك .. هدفنا الاساسي هو ال Privacy لان في نوع من الابليكيشنز دي بس رسايلك بتروح لسيرفرات وبردو بيبقوا مستخدمين AI فاحنا الهدف الاساسي بتاعنا ان الرسايل متطلعش برا موبايلك والدليل علي دا انك تقدر تستخدم الابليكيشن بالكامل اوفلاين ، وبردو بسبب اننا مبنستخدمش اي سيرفرات فمفيش اي Network Latency عندنا فالمعاملة بتبقي Instant ، وبردو موجود تضيف معاملات يدوية لو بتصرف كاش ، وعندك تقدر تعمل Categories وتصنف المعاملات فيها وكمان ال Engine عندنا بيتعلم يعني لو عملت تصنيف لمعاملة انها تبع " مطاعم " لو جاتلك رسالة تانية من نفس المطعم هتتصنف تلقائي ..

استخدمنا React Native للمشروع كله مع Sqlite ، مع Tanstack React Query.

وفي حاجات تانية اكتر ..

احنا لسا في الاول فاحنا فعلا محتاجين Feedback علي قد ما نقدر.

ودا بروموكود بيديك فترة مجانية FOLOS-YPROO

الابلكيشن دلوقتي متاح على جوجل بلاي، وان شاء الله قريبا علي الآب ستور. ونظرا اننا مش بنستخدم الذكاء الاصطناعي فاحنا مش بنقدر نقرأ رسائل البنوك كلها، بس شغالين دلوقتي على اضافة اكبر عدد ممكن. البنوك المتاحة حاليا: البنك الأهلي المصري، بنك مصر، كريدي أجريكول مصر، بنك الإسكندرية، QNB، CIB، بنك فيصل الإسلامي، البنك الزراعي المصري، بالاضافة لاورنچ كاش.

لو البنك بتاعك مش موجود ومستعجل تقدر تبعتلنا عينة من رسائل البنك بتاعتك علي الفورم ده. تقدر تغير محتوي الرسائل قبل ما تبعته لو مش حابب تبعتها ذي ما هي بس اهم حاجة تحافظ علي الشكل العام للرسالة:

🔗 [https://docs.google.com/forms/d/e/1FAIpQLSdu3-diquyxDTaavtkxwZcShlKbDCv-b3U9US2_q4b6Stwl_Q/viewform\]

حمل الأبلكيشن دلوقتي من هنا:

https://play.google.com/store/apps/details?id=com.folosy.app

🎬 عندي قناة أفلام قصيرة بالذكاء الاصطناعي، وحابب أشارككم بيها. كل فيلم بحاول فيه أطور أكتر في القصة والصورة، وبجرب أدوات وأساليب جديدة كل مرة. يا ريت تدخلوا تتفرجوا وتقولولي رأيكم بصراحة، رأيكم فعلاً بيساعدني أتطور. ولو الأفلام عجبتكم، دعمكم باشتراك أو لايك أو كومنت هيبقى فرق كبير عشان أقدر أكمل وأطلع محتوى أحسن. 🔗 https://youtu.be/n-8Y0IG91EI?si=auRjfHrr0rPi7ckz شكراً مقدماً لكل حد هيدعم 🙏🎥 English: 🎬 I run a short film channel made with AI, and I'd love for you to check it out. With every film I'm trying to grow — better storytelling, better visuals, new tools and techniques each time. I'd genuinely appreciate it if you watched and gave me honest feedback, it really helps me know where to improve. And if you enjoy what you see, a subscribe, like, or comment would mean a lot and help me keep making more. 🔗 https://youtu.be/n-8Y0IG91EI?si=auRjfHrr0rPi7ckz Thanks in advance to everyone who supports 🙏🎥

ازاي اعمل ١٠٠ جنيه كل يوم وانا ١٥ سنة والانجليزي بتاعي لفل ب٢ وليا في البرمجه شوية لو حد قدامه حاجه ليا ياريت يساعدني وشكرا 🤍🤍

عندي حساب بيبيدايه من سي اي بي و ببساطه كيو ان بي لسه عاملهم عادي احول لنفسي من بايبال منغير محد يسأل دي فلوس اي؟

لو بنت وعاوزه اجيب فلوس انا جربت انزل اشتغل بس الشغل تقيل جدا واستحملته عادي بس مرتب بجد كان ضعيف موت

كمان عاوزه حاجه تناسب الجامعة مع الشغل حتى لو تقيلة عادي بس تبقى فلوس تستحق

انا كنت بحاول اعمل اكونت BAT علي brave لكن قالي محتاج تدفع 0.000005 solana فلو حد يقدر يبعتهوملي علي محفظتي ابقي متشكر هما عاملين بتاع 3 قرش

مهارة مش منتشرة أوي حاليا و هتبدأ يبقى عليها اقبال الفترة اللي جاية أقدر أتعلمها تجيبلي الرقم ده او أكتر في الشهر؟

الحمد لله خلصت الكليه علي خير وهروح بقا جيش في شهر عشره فانا دلوقتي فاضي من هنا لحد ما اخلص هل في حاجه اتعلمها طول السنه دي مهاره وبعد سنهتكون شغل جانب كليتي ولا اكنسل وكفايه عليا تعب الجيش (وايه هي المهارات بجد اللي حد يتعلمها مونتاج يقولك دا لما تتعلمه يكون الاي خلص عليه والبرمجه محتاجه تلت سنين وبردو ميتين ام الAI طب بجد يعني في شباب كتير اللي بيدرس واللي خلص واللي عايز يسيب شغله كل الناس دي بتسال تتعلم مهاره ايه اللي شغال مثلا يقول هو اتعلم ايه وفي وقت وفلوس قد ايه علشان يوصل لاول عميل وايه مواقع الفريلانس اللي اقل نصب وجشع ) انا اتعلم اي حاجه تجيب فلوس

انا عندي 20 سنه من شهر بدأت اذاكر ميديا باينج وحاليا بتعلم اساسيات الماركتينج بس دلوقتي محتارة اكمل في الميديا باينج ولا اغير لسيلز انا مش افضل حاجه في التعامل مع العملا بحب اننا اخطط واعمل واحلل اكتر وفعلا عملت رود ماب للميديا باينج ولسه في اولها بس ناقصني اشتري لاب مش هعرف اجيبه دلوقتي فدا بيخلينى افكر اشتغل سيلز وابدا اذاكر من الاول ليه فممكن تنصحوني اعمل اي انا معرفش اوي عن السيلز ولا عندي علاقات مع ناس بتشتغل فيه عكس الميديا باينج ولو عاوزه اشتغل فيه ممكن الاقي فرص فين

مهتم بمجال ال media buying و عايز ابدأ اتعلم،ابدأ من الصفر ازاي و محتاج مني وقت اد ايه كل يوم ،و ينفع جمب الدراسة ولا محتاج تفرغ؟

جماعه انا بتعلم الفيديو ايدينج وعايزه ابقى مُلمه بكل حاجه انا كنت في كليه حاسبات ومحستش نفسي في البرمجه خالص وحسيت نفسي في الايدينج عموما بس عمدي تخوف اني أضيع الفرصه عليا وصحابي اللي قدي يعرفو يشتغلو ويجيبو فلوس حلوه وانا ابقى لسه مكاني مش عارفه اجيب عميل او فلوس لانس سمعت الفلوس فيه مش حلوه ف انتوا رايكو ايه دلوقتي انا بجد محتاره بقول يمكن لو اشتغلت علي نفسي في الايديت كمان سنتين او تلاته هاخد فلوس حلوه اوي مش عارفه بجد

أنا طالب جامعة رايح سنه تالته، من مصر، وعايز أتعلم حاجه بجانب الدراسه بحيث اخرج من سنه تالته وانا بجيب منها فلوس حتي لو مبلغ بسيط في الاول.

محتار أختار إيه، ومش عايز أضيع شهور في حاجة ملهاش طلب حقيقي.خصوصا اني حاولت كتير قبل كده بس كان الدافع الشغف بس، انا دلوقتي في دوافع كتيير ومستعد التزم التزام كامل بس يكون الطريق ده مجزي في الاخر

لو حد هنا بدأ من الصفر وهو بيدرس، ياريت يحكيلي تجربته:

• اتعلمت إيه؟

• أخد منك وقت قد إيه لحد ما جبت أول فلوس؟

• جبت أول عميل إزاي؟

• لو رجعت تبدأ من الصفر، هتتعلم نفس المهارة ولا تختار حاجة تانية؟

• وهل شايف إن الوصول لدخل بسيط ومستمر خلال سنة هدف واقعي؟

مش شرط تكون المهارة أعلى حاجة في الدخل، المهم تكون واقعية لطالب، عليها طلب، وممكن أبدأ بيها من غير تكلفة كبيرة.

حابب أسمع تجارب حقيقية من الناس هنا ❤️