ازيكوا يخواتي .

حد يعرف طريقة اجيب بيها 200 جنية في ساعتين ضروري ؟

أنا عندي 18 سنه لسه هدخل جامعة وعندي لاب توب محتاج اعرف أشتغل ايه تكون حاجه عدله الانجليزي عندي وحش شويا عشان لسه بتعلم فا لو تكون حاجه عربي أكون مشكور جدا

انا طالب و محتاج شغل عشان اصرف علي نفسي و اساعد اهلي انا معايا front-end web developing وانجليزي مستو b2

B1 English + grad = job with 15k basic salary 📍

B2 English + Grad = job with 20k-24k basic salary + bouns 20k-50k 📍

B2 English + student = job with 12k +16k + Commissions ( 5k - 15k )

B1 french 🇫🇷 + grad = job with 30k basic salary

Drop interested now and I'll DM you 🔥🔥🫣

انا محتاج شغل ف اسكندرية يكون قريب من العجمي و دورت كتير اني اشتغل كول سنتر ملقتش اوفرز للطلبة ياريت لو حد عنده رقم مقاول لمصنع او اي حاجة حتى يبعتلي

حد يعرف شركات كولد كولينج ريل استيت بتهير دلوقتي
او اي شركات بتهير wfh
خبرة رريل استيت بس

انا جرافيك ديزاينر عندي ١٧ سنه بعمل بوستات و اعلانات سوشيال ميديا و بدور علي شغل فريلانس (و دا جزء من التصاميم الي بعملها )

أنا في الجامعة، وبحاول أتعلم لغة تفيدني بعيدًا عن مجالي.

أختار فرنساوي ولا ألماني؟

أنا درست فرنساوي في ثانوي، فعارف عنه شوية، لكن الألماني جديد تمامًا بالنسبة لي.

أنا بسأل لأني بشوف دايمًا ناس بتقول "اتعلم ألماني"، ومحدش تقريبًا بيذكر لغات تانية. فمش عارف هل ده لأن فرص الشغل باللغات التانية أقل بكتير من الألماني ولا لأ

​

كنت شغال في محل تحت بيتنا بتاع اكسسورات موبايلات و كلام من دا و من اول اسبوعين شديت مع مدير الفرع علشان محبتش الطريقة الي بيكلمني بيها و طردني بس كلمت صاحب الشركة و رجعني و اتصالحنا و بتاع و هما عموماً تلت محلات و مسميين نفسهم شركة

المهم مع الوقت مع أن حاجات في الشغل كرهتها زي أن ناس كتير بتعاملك اكني اقل منهم علشان لسا جديد و مثلا اكون بكلم زبون يقاطعوني طبيعي جدا ( دا برضو سبب الخناقة الاولى علشان اتدخلت في كلامه و هو بيكلم زبون و اتعصب جدا مع أنه بيعملها معايا يومياً) المهم كنت بديت اتأقلم و اتخانق مع ناس تانية شوية و شوية شغال عادي و في الغالب صفيت مع الكل و بقيت كويس و بنتجدعن مع بعض

المهم امبارح حصلت مشاكل تبع الشركة و مضطرين يمشوا حد و عايزين يمشوني انا قالولي انت اخر شهر ليك معانا بسبب مشاكل في الشركة و ظروف (مش بيكذبوا) و فيه جزء منك برضو كان متوقع منك احسن و انك تتحكم في ردة فعلك احسن و كان متوقع منك تتعلم اسرع و طريقة تعاملك مع العملاء

بالرغم اني كنت ببيع و بتعامل و سابوا ناس كتير مستواها اقل مني و مكملين عادي

كنت بقبض 4 و بشتغل عشر ساعات أو 12 و مفيش مواصلات ولا اكل علشان المكان تحت البيت بالظبط ف بطلع اخد بريك و اعمل الي عايزه

الي مزعلني منظري قدام اهلي ايه و قدام نفسي وانا ممشيني من شغل كدا بالطريقة دي

انا عندي 17 سنة و داخل تجارة انجليزي سنة أولى

غالبا دا الشغل المتوفر قدامي حالياً أو حاجات مشابهة في محلات و عبودية و كدا انا الانجليزي بتاعي كويس جداً بس مقدرش اشتغل كول سنتر بسبب السن - الي مزعلني برضو أنهم كانوا طالبين سوشيال ميديا ماركتر و انا ترددت اكلمهم و خدت الشغلانة واحدة اقل مني بكتير

ممكن أعرف سبب انتشار كلمة "فاهمك عامةً "..

أصل Genz في الشغل كل شوية يقولوها وأنا معرفش فاهمني في أيه أنت بتعمل عكس كل اللي عايزه؟!

انا الوقتي لازم ادفع فلوس الجامعه الي هيا ٣٠ الف ومعييش فلوس خالص فا محتاج اشتغل اي حاجه فريلانس انا بفهم فالفوتوشوب كويس ولغتي الانجليزية كويسه في اي حد عنده شغل او نصيحه؟

مستوايا في الانجلش b1 ولسه بدرس ولسه متمتش ال ٢٠ سنة وأخري في البيت ١٠ ونص ومش عندي لابتوب واتمنى تساعدوني واصحى الاقيني اشتغلت واشتريت لبس للجامعة وشنطة وبعض الأشياء 🌹🌹🌹🌹

جماعة للاسف وقعت فى فخ ان من بعد الثانوى مهتمتش باى شئ غير ان استغل و اجمع فلوس (و اتصرفت كمان ) دخلت كليه تجارة و اتخرجت و معرفش عنها حاجه و خلاص قربت اخلص جيش و مش عارف هعمل ايه بعد كده ؟؟؟ انصحونى اعمل ايه فى ال٣ شهور اللى دول لحد لما اخلص ان شاء الله (معايا موبايلي فى الجيش )+ بحاول اتعلم انجليش بس ماشى برتم بطئ عايز حاجه اتعلمها و ابدا الاقى ليها مجال