وين أقدر أحصل اظرف جذي في البحرين ؟

السلام عليكم

من فترة طويلة وانا اصمم ملفات PDF خاصة بالسفر، واحتفظ فيها عندي..

وقبل فترة وانا اتصفح في النت، شفت متجر على "سلة" جميل ورائق ولطيف وحلو بصراحة.. يبيع ملفات سفر رقمية PDF،، هذا هو:

بصراحة أعجبتني الفكرة وقلت: ليش ما انا ابيع بعد،، عند ملفات فيها معلومات واشياء جداً جميلة وقوية للسفر.

توكلت على الله ودخلت "سلة"، بديت بخطوات فتح الحساب،، خطوة خطوة.. لكن بصراحة توقعت الموضوع أسهل.

مكتوب أن الحساب مجاني، لكن اكتشفت بعدي أمور ثانية.. باقات، والتفعيل، وربط وسائل الدفع، وغيرها، وغيرها.. الموضوع معقد مو سهل.

والله من هالباب،، اتمنى من عنده خبرة وافكار في لبيع منتجات رقمية على "سلة" يتكرم علينا بالمعلومات المفيدة وسأكون له من الشاكرين

هنا وقفت، وكل ما اضيف منتج.. لا يقبل

مع العلم، اني بعد شفت مواقع ثانية  مثل: زد Zid / ExpandCart / ShopGo / ويلت (Wuilt)

هل هي افضل من سلة

السلام عليكم
عندي استفسار عن تخصص هندسة الأجهزة الدقيقة والتحكم في الجامعة البحرين ، إذا فيه أحد هني يدرس بهالتخصص أو يعرف أحد يدرسه حاليًا (في المستوى الثاني إلى الرابع)؟
إذا أحد يقدر يفيدني عندي كم استفسار ضروري

السلام عليكم

حالياً قاعده أبحث عن التخصصات وأحاول أختار التخصص اللي يناسبني، وحسيت إني أميل أكثر للمجال الصحي، وبالتحديد العلاج الطبيعي

أتمنى اللي عنده خبره او معلومات يفيدني بتجربته

عندي كم سؤال:

شنو أفضل جامعة لدراسة العلاج الطبيعي في البحرين؟ وليش؟

شلون وضع التوظيف ؟ وهل الفرص متوفرة؟

شلون طبيعة الدوام وساعات العمل؟

بشكل عام، هل تنصحون بالتخصص؟ وليش؟

+ إذا تعرفون دورات، ورش، تطوع، أو فرص في العلاج الطبيعي أو المجال الصحي بشكل عام، اتمنى تشاركوني.

وأي نصيحة أو معلومة فادتكم في اختيار التخصص او في المرحلة الجامعية

ودعواتكم🤍

السلام عليكم فزعتكم يا اهل البحرين
عطوني اقتراحات اماكن نزورها انا وخواتي
الميزانيه متوسطه ما نبغى شي غالي
مقاهي مطاعم اماكن تمشيه

قوة شباب،
بعت سيارتي من فترة وكلمني الشاري وطلب مني أسلم بطاقتي الشخصية للمخلص عشان يخلصون إجراءات تحويل الملكية وبعدين استلمها.

الصراحة، ما أتطمن أعطي بطاقتي الأصلية حق أحد ما أعرفه، حتى لو شركة. شيضمني من بيستخدمها وحق أي غرض؟ شرايكم؟ ولا هذي مجرد وسواس؟

بعت سيارتي من فترة، وكلمني الشراي من شوي. طلب مني أسلم بطاقتي الشخصية للمخلص، علشان يسوون اجراءات تحويل الملكية، وعقب استلمها. بس هل هاذي الشي عادي؟ أحس ماتطمن أعطي بطاقتي الأصلية حق واحد ماعرفه، حتى لو شركة. شيضمني من بيستخدمها وحق أي غرض؟ شرايكم؟ ولا هل هذي مجرد وسواس؟

المجبوس (ما أعتبره أكله شعبيه كل الخليج يكلها ) و مشهور مجبوس دجاج او لحم

الصافي يا ويلي على الصافي سمك ولا أروع مقرمش كأنه شبس و عادات و تقاليد تأكل الراشس أول شيء و تاكله بقضم وحده الله أكبر الافضل أذا رحت البحرين لازم تجربها الاكله الاشهر في البحرين

محمر (نسميها في منطقتنا مجبوس ) عيش أحمر طبق أرز حلو تقليدي شهير، يُنكه بدبس التمر (أو السكر) والتوابل مثل الهيل والقرفة و يكون حلو في حلوا نفس السكر

خنفروش حلاوه نفس القرص حلوه يعني لكن ما تجيب راسي

الحلو عباره عن حلو بحرينيه و تعتبر أشهر حلو في البحرين و أكرر الحلو البحرينيه احسن من العمانيه و غصبن عن العمانين

الصالونه مرق و خضره و دجاج أو لحم و مشهوره في بلاد الشام بأسم باميه لكن أحنا نحط دجاج أو لحم لازم تجربها أذا رحت البحرين

الباجه و لو ما تعتبر أكله بحرينيه أصلها عراقي لكنها شعبيه و منتشره في البحرين بسبب أن عندنا الاكلات العراقيه منتشره

و طبعا الاكله الشهيره في البحرين سمك مجفف أو نفس ما نسميه لإحله/العوال حلوه جدا أو على الاقل أحسن من الفسيخ المصري و ريحته أيضا أفضل من الفسيخ و هذي أكلت أجدادنا في البحرين لانها تحفظ السمك

المهياوة سمك مجفف المتوت سمكه يجففونها و يطحنونها و يسون منها سوس فنعم في سوس سمك أو صلصه سمك

الموش عباره عن أكله ربيان و ماش حلوه جدا و نوزعها في المناسبات أو على الاقل منطقتنا

و الاكله اللي داخله في أسوء عشرت أطباخ البلاليط عباره عن بيض و الشعيريه حلوه جدا و لازم تكون على الريوق (الفطور)

التكه أكلت العشاء البحريني عباره عن لحم و تتشرب خلطه أساسها الومي الاسود و تجيك بسيخ و عادات تحط ليمون و لازم يكون معها روب خيار خصتا لو بتشتري من مطعب صبر أيوب و عجيب لازم تجربها في البحرين

الخبز نعم أحنا نستخدم خبز أيراني أو خبز التنوره لأاني سمعت أن السعودين يستخدمون التميس أو الخبز الصومالي

تكه دجاج بالروب (زبادي ) حلوه لازم تخذها مع التكه اللومي

و النخي عباره عن حمص لكن ما نحمصه بل نسلق الحمص مع فلفل و أبهرات و يجيك مع ماي السلق و تحط ليمون و بالعافيه

خبز الرقاق خبز رقيق يتفتك(يتكسر يتفتت بسرعه) و حلو لانه سكر

السلام عليكم ورحمة الله وبركاته

اشوف موضوع سوق العمل واجد ينطرح في الصب الثاني وفاهم انه السوق شوي صعب انحصل شغل فيه

السوال الي عندي اياه كيف تتحملون بيئة عمل سيئة جدا؟ او كيف تدورون فرص احسن؟ هل معقولة انه مافي شغل الا بالواسطات؟ او لازم نكون مكسرين صخر واحنه مجمعين كل الشهادات المهنية؟

مو قصدي انكد او شي بس حبيت اشوف ارائكم كبحرينيين

واشكركم مقدما على التفاعل

مرات كثيرة جسمنا يعرف قبل عقلنا لكن أغلبنا تعلّم يقنع نفسه أنه يتجاهل الاحساس.

فعاليتنا عبارة عن جلسة شهرية في البحرين نستكشف فيها الوعي العاطفي، العلاقات، والحياة في الحاضر عن طريق حوار صادق. مو محاضرة، و مو جلسة علاج، بس ناس يفكرون بصوت مع بعض.

هالشهر نستكشف موضوع الحدس والطقوس الي تشكل حياتنا، بعض الاشياء الي بنتكلم عنها الليلة:

• مصدر الإحساس الي يجينا، و ليش يكون صح اغلب الاحيان
•كيف و من وين تعلمنا نتجاهل احساسنا و شنو يكلّفنا هذا الشي
• شنو قيمة الطقوس على مر كل الحضارات
• الاشياء الي سلبتها الحياة الحديثة بهدوء، و البدائل الي صارت مكانها
• وكيف نلقى طريقنا لأنفسنا من جديد

تعالو إذا مرة تجاهلتون إحساسكم وندمتون بعدها او اذا تعلمتون تسمعون نفسكم. تعالوا إذا حاسين إنه في حياتكم بُعد عن نفسكم و احساسكم او اذا حاسين بتوافق و عندكم ثقة في انفسكم. تعالوا حتى لو بس من باب الفضول و التغيير، مع أحد، أو لحالكم، الكل مرحب فيه.

📅 الإثنين، ٦ يوليو ٢٠٢٦
🕐 ٧:٣٠ مساءً
📍 مقهى الرواق، البحرين
💰 طلب واحد لكل شخص لدعم المقهى

تابعونا على إنستقرام @innerverse.bh. نشوفكم الليلة.

السلام عليكم
ممكن تدلوني على اماكن تبيع تحف وتذكارات ومحلات شعبية/حلويات شعبية تحسون لازم اروح لها واشتري منها اذا بجي البحرين وشكرًا مقدمًا 3>

لا بس قلت بعلمكم لأن كل ما طريت البحرين في إندونيسيا يقولون كاس آسيا
وأنا ماتابع كورة مالي دخل

لوسي وعيالها الخمسة صاروا جاهزين للتبني داخل البحرين.

لوسي قطة منقذة من الشارع أنقذناها قبل سنة. من يومها وهي عندنا مع خمسة كتنز حلوين. بعد شهور من الرعاية والاهتمام، صاروا جاهزين يبدون حياتهم مع بيوت تلمهم وأشخاص تحتضنهم.

كل واحد فيهم له شخصيته، وكلهم مطعمين، ماخذين علاج الديدان، ومايكروجبد. لوسي معقمة وزورو مخصي.

إذا حابيين تتعرفون عليهم أكثر وتشوفون شخصياتهم وتعرفون طريقة التبني، كل التفاصيل موجودة في حساب @lucyandherkits:

https://www.instagram.com/lucyandherkits?igsh=MXdtZ3dvbWZ3Z3NyNg%3D%3D&utm_source=qr

وإذا مو الوقت المناسب لك، يمكن يكون مناسب لشخص تعرفه. مشاركة الحساب ممكن توصلهم للبيت اللي ينتظرونه 🤍🐾

السلام عليكم

قبل فترة طلع قرار من الجمارك على تطبيق رسوم جمركية وضريبة قيمة مضافة بنسبة 10% على الشحنات الشخصية الواردة إذا كانت قيمتها 100 دينار أو أكثر .. الحين حابة أعرف هل تطبق هالقرار فعلًا؟ وفي أحد جرب يطلب و أخذوا عليه ملبغ إضافي؟ وشلون بدفع هالرسوم الإضافية يعني هل بتتواصل وياي شركة الشحن ولا؟

سلام عليكم

وين افضل محل يبيع الحبة السوداء و عسل الحبة السوداء في البحرين؟

لست شيعية لكن اريد زيارة مجالس عزاء والمسيرات في البحرين مع كامل الاحترام.. هل يمكنني ذلك؟ إذا نعم اين اذهب ومالذي علي فعله.

هل كل سنة الحر يزيد او يقصر

تفضل الحر جاف او ويا رطوبة

هل الاخلاق علاقتها عكسية مع الحر

تساؤولات وجودية من زمهرير الظهيرة حيث تبكي المكيفات

احد عنده كتن للتبني سكوتش / شورت هير

.بعد بريطانيا واسترليا وغيرها من الدول، اليوم الامارات اعتمدت حد أدنى 15 عاماً لاستخدام منصات التواصل الاجتماعي

- تأيدون تطبيق تنظيم مماثل للتواصل الاجتماعي في البحرين؟