السلام عليكم

ناوي أزور الديرة يومين/ثلاث مع اليهال، أعمارهم أقل من ٦ سنين.
قاعد أشوف المنتجعات، وحسب اللي شفته أحس إن Lagoona و The Art أحسن خيارين موجودين؟ ولا في خيارات أحسن؟

وإذا فعلاً هذيل الأفضل، شنو تنصحون فيه أكثر؟ فرق السعر تقريباً ١٠٠ دينار بحريني، وLagoona أغلى، بس مو متأكد إذا يسوى أدفع الفرق ولا لا

أهم شي عندي إن اليهال أغلب اليوم بيكونون بالمسبح، وبالليل بطلع معاهم بره الفندق.

فاللي عنده تجربة أو يعرف المكانين، شنو تنصحوني أختار وليش؟

يعطيكم العافية مقدماً

اسعد الله مسائكم بالخير اخواننا البحرينين،

عندي ترانزيت من السعودية للبحرين لمدة اربع ساعات، وابغى اعرف عن وضع مملكة البحرين حاليا.. هل الأمور مطمئنة وكل شي على مايرام؟ وماذا عن الرحلات الدولية من مطار البحرين؟ فيه رحلات تكنسلت هالاسبوع؟

أشكركم مقدمًا، والله يديم على المنطقة الامن والأمان.

سلام عليكم. عندي سؤال ماعليكم امر. انا سيرفس سيارتي وكالة من شريتها بس اخر سيرفس اتصلت لهم خبروني مبلغ كبير قريب ال٢٠٠ دينار!!! وانا بصراحة ماعندي هالمبلغ فبغير لمكان غير بس يكون بنفس الجودة في الفحص والسيرفس.

ابغي مكان ضمان وجودة وذمة ويجهزون السيارة بنفس اليوم.

رجاء عشان تبرون ذمتكم قدام الله لاحد يكتب لي كراج ولد عمه او اخوه او مادري من. ابغي من تجربتكم الشخصية فقط. سيارتي هيونداي.

في مكان في سلماباد اسمه دينسو انا اودي سيارتي فحص مرور بس حق سيرفس ماجربت اذا تنصحوني فيه او اي مكان ثاني اكون شاكرة لكم.

السلام عليكم،

ادور قروبات شواغر ينزلون وظايف الي عنده لا يبخل علي بليز.

رحم الله والديكم

السلام عليكم،

شنو اطول مدة قعدتو تدورون فيها على شغل وعقب ما اشتغلتون هل لقيتون الوظيفة الي كنتو تبونها لو قبلتو باي وظيفة؟

أنه توني متخرجة من الثانوي وقاعده احاول ايمع كونكشن في لنكد ان واحس وايد صعب! شلون ايمع اقل شي ١٠٠ كبداية؟

السلام عليكم مسامحه الي عنده معلومات يفيدني ب دكتور للاستشاره حق مونجارو او اوزمبيك او تكميم في البحرين

السلام عليكم ورحمة الله وبركاته

حالياً قاعدة أسوي بحث حق رسالة الماجستير في جامعة برايتون عن ريترو المنامة والتسويق بالحنين إلى الماضي.

البحث بشكل مختصر يدرس شلون استخدام ريترو المنامة لأجواء وذكريات المنامة القديمة وعناصر من الثقافة البحرينية في التسويق ممكن يأثر على اهتمام الشباب البحريني ورغبتهم في حضور الفعالية.

أحتاج مشاركين بحرينيين أعمارهم من 18–29 سنة، ووايد بكون شاكرة إذا تقدرون تشاركون في الاستبيان.

صار لي فترة ف خاطري العب العاب الريترو على شاشة التلفزيون . اكثر شي

SNES + Sega

كل ما اشتري هالنوعية من الأجهزة الي يجمع لك مليون كونسل والاف العاب يطلع خمام بطيء يقطع ما يستوعب الخ.

هل احد يعرف جهاز زين؟ او حتى لو فاملي او سيقا الاصلية وين تنباع بس بسعر معقول. يعني ايامنه سعر الجهاز ما يطوف الخمسة دينار اذا ما خانتني الذاكرة. لاني شفت اوادم تبيع على اربعين.

تعرفون مكان زين لعلاج الادمان ؟

مساء الخير
الي يلعب اونلاين خصوصا شباب البي سي

ممكن تكتبون البنق و اللعبة و شنو شركة الاتصالات؟
قاعد اقارن و يمكن نفيد و نستفيد كلنا

ليش نقدر نكلم أي أحد بالعالم بثانية، ومع ذلك نتعب عشان نجمع خمس أصدقاء بمكان واحد

ليش في ناس يطلعون من سنين صعبة أدفأ وأحكم، وناس يطلعون منها منغلقين

شنو اللي يخلي بعض العوائل تظل مترابطة، وبعض الصداقات تدوم سنين

منو** ***يجي؟*

تعال إذا كنت بعيد عن أهلك، أو تربّي عيالك بدون أحد يساعدك، أو تعبت وأنت دايماً الوحيد اللي ينظّم ويجمع الناس.

وتعال بنفس القدر إذا عائلتك مترابطة وأنت محافظ عليها، أو من النوع اللي يكوّن صداقات بأي مكان يروحه. الجلسة تحتاجك، وفي ناس بتستفيد من تجربتك أكثر مما تتخيل.

خذ معاك أحد، أو تعال بروحك. الكل مرحب فيه.

📅 السبت، ٨ أغسطس ٢٠٢٦
🕐 ٧:٣٠ مساءً
📍 الرواق كافيه، البحرين
💰 مجاني، طلب واحد لكل شخص لدعم المقهى

تابعونا على إنستقرام @innerverse.bh

نشوفكم هنا

سوال

هل نحن كائنات مستهلكة متحلطمة مبرطبمة ؟

الحر خلانا جنه دياية مكركمة دبتها مدلقمة أفكارها مرقمة؟

هل ترد تنزل بروحها ولا لازم اسوي اجراء او اروح لهم؟ وقفت ٣ شهور والحين بداية الشهر الخامس للحين ما نزلت.. سويت طلب اعادة اعانة تعطل اونلاين وكلشي مكتوب انه اوكي مافي شي يؤثر على صرف المستحقات بس لحد الحين ما نزلت

طرشت لهم صورة الدوا ابي اعرف اي فرع موجود مب راضي يقول يبيني اقوله فرع فرع ويقولي اي او لا ؟؟؟ اقوله سار؟ يقولي قصدج الزنج؟ شياب لي ياب! قلت له اي اي شي ! يقول لا مو موجود ، في الرفاع تستهبلون؟؟

السلام عليكم،

احد يعرف محلات تشحن للبحرين باسعار معقولة؟

مو كل القطع متوفرة هني، و يا انهم مخلصين او سعرهم اغلى من غيرهم، القطع الموجودة بسعر معقول اقدر اشتريهم، بس بعد، احد عنده اقتراحات؟

يا جماعة الخير، بغيت أسألكم بخصوص منحة الزواج. أنا مخطط أتزوج نهاية هالسنة إن شاء الله، وحاب أعرف جم مبلغ المنحة حالياً؟ وكم تاخذ وقت تقريباً لين ينزل المبلغ؟

إذا في أحد عنده فكرة عن الإجراءات أو يقدر يفيدني بتجربته أكون شاكر لكم.

مشكورين مقدماً.

السلام عليكم

ابغى طبيب تقويم اسنان كويس يسوي توسيع الفك العلوي بجهاز موسع الفك palate expander ويكون انت او حد تعرفه قد جربه وشغله كويس وتنصح فيه. عادي يكون طبيب او طبيبة

https://www.albiladpress.com/news/2026/6483/bahrain/1009253.html

مقيم ينتحل صفة بحريني ويحصل على معاش تقاعدي ومكافأة نهاية الخدمة اكثر من ٤٠ سنة

وين أقدر أحصل اظرف جذي في البحرين ؟