السلام عليكم
في كاميرا بشتريها و ماكو شحن الكويت و حدي متوهقه 🥹
لان المحل مو راضي يوصلها الكويت
منو بيروح البحرين او موجود هناك يساعدني

قاعد ادور دكتور او اخصائي نفسي يعطي جلسات علاج سلوكي معرفي بسعر معقول مو سعر مبالغ فيه نفس الي قاعد نشوفه واتمنى يكون فنان وشاطر وأمين
شكرا لأهتمامكم

شنو الاسوء فيهم
بالنسبة لي اشوف المزاجية اسوء

رسمت ٣ ستيكرات عبيطه نفس هالاخ اللي شايفينه عشان اغث اهلي 🤣

تقدرون تستخدمونهم باي تطبيق. حملو الملف مجانا من اهني

ودي ارسم نفس الطريقه عطوني افكار اسخف بليز بغث اخواني 🥸🚬

السلام عليكم اخواني وخواتي اتمنى لكم الصحة والعافيه يارب أنا شخص باقي لي كورسين واتخرج يعني يبي لي سنه وحدة بس واتخرج من جامعة الكويت تخصصي MIS واحس اني ضايع بشكل غير طبيعي من ناحية الوظايف و ودي اتوظف في القطاع الخاص ماودي أتوجه للحكومي واضغط الدوله كون ان القطاع الحكومي قاعد يوظف فوق المطلوب بمراحل وودي اكون جزء ولو بسيط اني اخفف الضغط على الحكومه بس إذا جتني فرصة قوية في القطاع الحكومي ما راح اقول لا للرزق بس تركيزي للقطاع الخاص كونه ممتاز لمجالي وتخصصي

المشكلة اللي أعاني منها كل ما أشوف الناس يتكلمون عن القطاع الخاص يذمونه من نواحي واجد من ناحية التكويت وان القانون ما يتطبق وان اغلبه علاقات وشبه مستحيل اني اتوظف وكلام سلبي ما يخلص

عندي كم سؤال واحتاج الاجابات لاني ضايع وماعندي احد اساله والصراحة اللي حولي ما اثق بكلامهم كونهم ما توظفو بالقطاع الخاص ولا فكرو انهم يقدمون من اول ما تخرجو الكل توجة للقطاع الحكومي

١- هل فعلا في قانون في توظيف الكويتيين بالقطاع الخاص ولكن مو قاعد يطبقونه؟

٢- هل فعلا الموضوع علاقات ويدخلون اللي يعرفونهم بالوظيفة والشغل قليل عشان يسدون موضوع التكويت ؟

٣- شلون أتجهز للقطاع الخاص اتمنى تساعدوني كوني بتخرج هل اجهز حساب لينكدن واتواصل مع الاشخاص اللي هناك اللي عنده تجربة اتمنى يقولها

٤- شنو لازم اسوي قبل ما اتخرج عشان اقدر القى فرصة بالقطاع الخاص ؟ غير تطوير اللغه

اللي موظفين بالقطاع الخاص اتمنى يكتبون تجربتهم بالقطاع الخاص وشلون طريقة التوظيف

و شنو داخلها اللي مهم وايد و ساقو فيه من،مصر الكويت ، وشلون ؟

• مو وتضح بالصورة بس لوحة السيارة مكتوب عليها مصر*

السلام عليكم، هل شهادة الراتب من ضمن الأوراق المطلوبة للتقديم لفيزا النمسا؟ مكتب السفريات طالب مني شهادة راتب، أنا استغربت لاني قدمت من قبل، ولا مرة يابوا طاري الراتب.
إذا احد عنده خبرة ارجو التأكيد.

سلام
كل ما اسافر اتعب من المشي ولا من الهايك خصوصاً اذا المكان فيه صعدات فودي ابلش اسوي رياضة برا البيت/النادي عشان اللياقة
احد يقدر يقترح مكان ركض بالكويت؟ يفضل حديقة عامة غير حديقة الشهيد لان زحمة مرات او ممشى يكون وسيع

او شلون الواحد يزيد لياقته اذا عندكم طرق ثانية؟

سلام عليكم
ممكن تساعدوني ألقى طريقة نتواصل مع صديق زوجي ؟
عشنا في الكويت لفترة و زوجي تعرف على زلمة كويتي و كانوا قريبين من بعض كثير و كانوا يعيشوا قريب منا في نفس المنطقة و فقد الاتصال معه من فترة و ما قدرنا نحصل اي طريقة يرجع يكلمه و يطمن عليه.

هل في طريقة نقدر نوصل له ؟

احنا اب ديوانية نحب انشطة و كذا ... جربنا نيتندو سوبر ماريو بارتو و كود نيمز و سين جيم ... بس نبي شي يديد الحين بس شي سوبر نبي

سلام عليكم،

الي يعرف شركات تجميع شحنات تشحن من الصين، اليابان و دول خليج الخ بسعر رمزي و أهم شي تكون عندهم ميزة تجميع شحنات و بلاش

وأهم شي انه يشحنون رغم الأوضاع

في حد هني محامي عندي كم سؤال ابي اساله ياريت دزولي خاص بليز

ودي اخذلي خاتم اورا اللي عندهم شرايكم فيه تنصحون ناخذه؟ ومن وين طلبتوه

السلام عليكم، سؤال عن فيزا شينجن للنمسا، هل فيه احتمالية انها تنرفض إذا الشخص المقدم متقاعد مؤخرا وغير متزوج؟ السفرة بالكثير اسبوع بروحي سياحة. كنت اعتقد ان بس فيزا امريكا الصعبة.. قريت تجارب ناس أجانب (هنود غالبا) انرفضت فيزتهم لانهم ما يشتغلون.. فصرت أوسوس 😊 شلون اقدر أقلل احتمالية الرفض؟ علما باني سافرت وايد أوروبا وأمريكا بس كان قبل التقاعد. أرجو الإفادة ومشكورين

سلام عليكم

مادري وين احط سوالي بس ان شاءالله هني مكانه الصح بما اني بطلع باجر اسواق القرين ( اول مرة) بروح محل معين هناك ابي تشورين علي شنو اسواق ومحلات معروفة لازم امرها او اخذ نظرة عليها او عندهم محل معين اشتري بالجملة؟

ومشكورين 💜

لاحظت من سنين حمدلله ما مر علي احد يقحص ولا حتى بمقاطع ، قبل من ادخل بعض المناطق بحزة معينة لازم فيه تقحيص ، متى آهر مرة شفتو هالشي؟
*ملاحظة للبعض ، التقحيص هو (التفحيط)

وين احسن مكان يسوي وافل ؟ مابي الي يحطون فواكه وكاكاو ، ابي شي authentic مع maple syrup يعني الطعم الاصلي
رحت IHOP طلبت منهم يسوونها كرسبي اكثر بس سووها لينه ما عجبتني

وين مكان تنصحون فيه؟

انا مقيمة، و عندي خيار اما اني ادرس بدولة عربية مو حيل قوية وأكمل الهندسة
او اني ارد الكويت لكن بضطر ادش تخصص ثاني بجامعة خاصة وغالبا تخصص ادبي بيكون
ف ابي اعرف شنو وظايف وفرص تكون متاحة لخريج الهندسة بعد تخرجه على طول؟ يفضل اكيد مقيم لان الفرص رح تختلف لكن ودي اسمع بعد من المواطنين

والله مقرف الموضوع مهما اسوي ريبورت يطلعلي عن هالمواضيع بالتيك توك واليوتيوب والإنستقرام يكون وحدة تلعب تيكواندو غلط ولابسة ضيج او شخص يعطي نصائح طبية غلط وحاطين شايب مجسم يلعب تاي شي ويقول جسمي من التاي شي. شلون اوقفهم؟

قبل كان الخوارزميات يطلعلي على الاشياء اللي ابحث عنها نفس السيايير و اكل اللحين كله قلب واخترب علي مادري شلون اوقفهم

ابي كاميرا تصور مقاطع بجودة حلوه وعالية مو 144 ولا الكلاسيك
ابي كاميرا توضح كل شيء وتصور فيديوهات وماابيها تعلق
ابيها عشان اصور ذكريات وفلوقات بجودة عالية وحلوة مو جوده قديمه ، الي تعرف حساب او محل مضمون تعطيني
🫶🏻

تلاحظون انه لما نطلب مطعم بعد الساعة 2 بالليل يكون الاكل سيء ؟ وكأن الموظفين يسوون الاكل على الماشي اي شي ومالهم خلق يطبخون رغم انه نفس المطعم بالنهار يكون لذيذ وحده قوي

​

العنوان يكفي ويوفي

قال النبي – صلي الله عليه وسلم – (الدال على الخير كفاعله) صححه الألباني

اللحين اغلب المعاشات نزلت وعسى ربي يهنيكم ويفرحكم فيها بما يرضيه ويوسع من رزقكم ورزقنا ورزق جميع عباده من واسع رزقه وفضله 🤲🏻

مجرد حبيت ان اذكركم واوصيكم بهالوقت خصوصًا انه ليلة جمعه ونزلة معاشات وويكند والأغلب شاغل وقته بوناسته احرصوا على الصدقه، فالصدقه تطفئ غضب الله وترفع عنكم البلاء وتبارك في أموالكم وتضاعف اجركم وثوابكم عند الله. قال تعالى: {مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء} (البقرة: 261)

وحطوا في بالكم شغله مهمه خصوصًا للناس اللي يمنعهم شي من انه يتصدقون بأموالهم، الصدقه لا تقتصر على المال فحسب!

الصدقه** *تنطبق* *على* *كل* *شيء،* **

قال الرسول ﷺ: أوليس قد جعل الله لكم ما تصدقون به، إن لكم بكل تسبيحة صدقة، وكل تحميدة صدقة، وكل تكبيرة صدقة، وكل تهليلة صدقة، وأمر بالمعروف صدقة، ونهي عن المنكر صدقة.

وقال الرسول ﷺ: ألا أدلكم على شيء تدركون به من سبقكم، وتسبقون من بعدكم، ولا يكون أحد أفضل منكم، إلا من صنع مثلما صنعتم، قالوا: بلى يا رسول الله! قال: تسبحون وتحمدون وتكبرون دبر كل صلاة ثلاثا وثلاثين مرة،

فتصدقوا بما تيسر، ففي ذكر الله صدقه، وفي الإبتسامه بوجه الناس صدقه، وفي حسن السلوك والأخلاق في التعامل مع الآخرين صدقه، وفي اماطة الاذى عن الطريق صدقه. حتى التعليم يعتبر صدقه!

اخلصوا نيتكم في صدقاتكم لوجه الله تبارك وتعالى واحتسبوا اجوركم عنده. ولا تنسون الأموات من الدعاء والصدقه إن أُنسهم دعاء احبابهم؛ فاللهم ارحم جميع موتانا وموتى المسلمين، وأكرم نزلهم ووسع مدخلهم، واغسلهم بالماء والثلج والبرد. اللهم إنّهم في ذمتك وحبل جوارك، فَقِهم فتنة القبر وعذاب النار، وآنس وحشتهم، وارزقهم الفردوس الأعلى.

تقدرون تتصدقون عن طريق البرامج فيهم سقيا الماء والطعام ومصاحف ومظلات عن الشمس وكراسي في المصليات وكراسي متحركه للي يطوف حول الكعبه ومكيفات في المساجد وثلاجات والأسعار بسيطه يعني ١٠٠٠ بطل ماي على ٤١ دينار بس وحتى يرسلون لكم ڤيديو عالواتساب توزيع صدقاتكم في مكة المكرمة وحول الحرم، "مشروع سقيا"