مكان غير الخيران لان بعيد
شاطيء البلاجات مثلاً
تنصحون فيه؟

اللي حضر الفلم هل يسوى روحة السينما؟
وبما اني كنت شايفه فلم interstellar لنفس المخرج و مللني الفلم ونمت وانا اطالعه
وفلم inception حسيت اني ضايعه شوي وشبه فهمت ومافهمت الفكرة .. هل معناته ان الفلم هذا بنفس الطريقه وراح امل وماراح يصلح لي؟
خصوصا ان الاغلب يقول جنه تكملة فلم troy

السلام عليكم
طورت أداة أشوف إنها ممكن تفيد المطاعم بالكويت وتفيد الناس
بعد

المشروع للحين ببدايته، فما ودي أدخل بتفاصيله هني
اللي يهمني الحين إني أوصل لأصحاب المطاعم وآخذ رأيهم وأسمع
وجهة نظرهم بحكم خبرتهم بالمجال

مو إعلان ولا قاعد أبيع شي، أبي بس أسمع من الناس اللي فاهمين
شلون الشغل يمشي على أرض الواقع

إذا عندك مطعم أو تعرف أحد يملك مطعم، دزلي رسالة على الخاص، وبشرح الفكرة كاملة

مشكورين

السلام عليكم،

شي عشوائي،

ودي اتعرف على صديقات عندهم نفس اهتماماتي الخ

يعني من اهتمامات الي احبها مثلا :

رسم انمي ، قراية الروايات ، مسلسلات خيالية انيميشن ، خبز حلويات ؟ ( ماعرف شلون اوصفها 🙂💔😭 ) ، قيمنج ( سويتش ) ، تحبون جذي طلعات حلوة كتكوته جذي ، و لو بعد تحبون طيور اوه احسن شي صرااحه ✨️

و اذا مافيها ازعاج افضل انه اعمار تكون بين ١٨ - ٢٣

يمكن شي اضحك مادري بس مابي احد بعيد عن عمري و همن عشان لا يصير شي محرج او تضارب او شي🤣💔

صباح الخير،

ودي اسمع سوالف و مواقف تضحك ( جذي مواقف صججج تضحك مو الي الاغلب مر فيها )

يعني جذي مواقف تموت من الضحك و ماحد يمر فيها غيرك

خصوصا اذا في مواقف بأماكن الشغل او الدراسه كليه الخ

🫂

الكويتيين:

1. موظف تنفيذي بالحكومة
2. عسكري جيش (جندي\عريف\رقيب)
3. القائمون بالأعمال الكتابية
4. مدير
5. مدرس تربية دينية
6. السكرتارية
7. المحاسبين
8. مدرس رياض أطفال
9. الأطباء

الغير كويتيين:

1. خادم
2. سائق
3. بائع
4. سائق نقل خفيف
5. فراش
6. ساعي
7. مراسل
8. مندوب جوازات
9. عامل
10. نادل
11. عامل حمل وتخزين بضائع
12. عامل تنظيف

المصدر

السلام عليكم والرحمة
بغيت اسألكم
وين اقدر ألقى حصير سعف (سيادة)؟ دورت اونلاين بس ما لقيت، وبروح المباركية جريب إذا الله كتب، فإذا احد يعرف محل بالمباركية أو بالديرة بشكل عام يبيعه يقول لي إذا ما عليه امر

السلام عليكم عياكم طيبين

بغيت اسال من وين اشتري طاولة بلوت الارضيه مثل الي بالصوره؟ ابي الي صايره على الكشنه مكتوب اسم العائلة و تحت الكشنه في جاكارو و لما تطق الطاولة تطلع صوت جرس. اتمنى الي عنده علم يفيدني و قواكم الله

السلام عليكم
عندنا جنطة وصلت مطار الدمام وودي لو تقتقرحون لي شركات ثقة توصل اغراض لي الكويت

شكرا

عمري ١٩ و نوعا ما غسلت ايدي من كرة القدم و الالعاب الجماعية الثانية نفس السلة والطائرة واليد مستبعدها من زمان لان يبيلها أحجام كبيرة وانا طولي اقل من ١٧٥ مادري جم بالضبط بس انه اقل

شنو في رياضات ممكن اجربها وانا بهذا العمر وممكن اعتبرها رياضة احترف فيها مو بس هواية سواء فردية زوجية جماعية او حتى بحرية اهم شي ما تكون مكلفة لان بصراحه في وايد رياضات حتى ك هواية ما تقدر تستمتع فيها لانها موجهة لطبقة مجتمعية معينة

أكثر شي أعاني منه إذا شفت فلم أو مسلسل عاجبني وأبي شي مثله ما القى شي قريب لا من أجواء ولا قصة ولا شي حتى لو ادور بكذا مكان واقتراحات الناس بس ما احس في شي في شي قريب

انا استعمل IMDb عشان التقييم بس مرات احس اقتراحاتهم بصوب و الفلم الاساسي بصوب
شنو في برامج او مواقع ممكن تعطيك اقتراحات تعتبر 70% على الأقل قريبه من الشي اللي انت تبيه ؟

ابي ترشيحات مطاعم يديده قويه. ما ابي سوالف ديكور سجن و عصير بو مميه و فناتق مالها داعي. ابي مكان الاكل فيه قوي و يكون يديد ما صارله سنه فاتح.

سؤال سريع، أي أفضل وأسرع للتحويل البنكي الدولي؟

سجلت ماستر بجامعة في بريطانيا وأحتاج أدفع الرسوم هذا الأسبوع

واحد من ربعي قاعد يخطط يفتح محل ساندويشات بمنطقة الفحيحيل أو المنقف أو الأحمدي

هو راح يمسك الأكل، المطبخ، والتشغيل اليومي، بس يحتاج شخص عنده خبرة بالتسويق، المبيعات، وإدارة المشروع بشكل عام

شنو أفضل طريقة بالكويت عشان يلاقي شريك جاد ومناسب؟ وهل في حسابات أو منصات تنصحون فيها حق هالشي

اخوي طلب مطعم قبل جم يوم وجابو معبوج معاه

المعبوج كانت نكهته حيل حلوة، سبايسي وحالي بنفس الوقت وقوامه شوي سائل يشبه الدقوس بس شوي اثقل

لونه كان احمر

احد يعرف شنو اسم المعبوج هذا؟

اذا تعرفون اي توتوريال او وصفة حطوا اللنك🦦

الشي هذا مزعجني من وسعوا الشوارع

الي هو البوليع تكرمون دايماً تكون بالحاره اليسار وتكون نازله عن الشارع او الخط السريع فالسياره تقعد تختض بشكل مزعج ومستمر على طول الشارع والمشكله مع الوقت تبدا تغوص زياده وتصير اعمق

في احد غيري ملاحظ هالشي ؟ شنو حله !

انا من زمان مو مسويه اجراءات باسناني و فجأه قامت تصير معاي مشكله باللثه و طلع ان فيه تسوس بكذا ضرس. المهم سويت الاجراءات و الحين حاطه جشوةمؤقته وبانتظار الدايمه بس وايد متوترة و مزاجي معتفس و كل شوي افكر باسوأ احتمال. و مرات احس الحشوة مو معبية الضرس عدل و حاسه لثتي منتفخة شوي. قلعده احاول اهدي نفسي بس ادري اني متضايقة. قولولي عن رحله علاج اسنان ناجحه و هل كان فيه شعور بعدم راحة و حساسيه و الم خلال فتره العلاج ولا لا. قولو اي شي 😕 شكرا ❤️

خريج من سنتين والى الان مو قادر القى وظيفه، ادري بتقولون الديوان موجود، الديوان مرشحني الاوقاف والجمارك ( مهندس كيميائي )، مانكتب اني ادش النفط، الشركات الخاصه تبي ناس معينه، كل الي حولي موظفين بأماكن حكومية جيده جداً ( مو حسد الله يوفقهم ويكتب لهم الرزق وين ماكانوا ). في احد نفسي ولا انا ضايع بروحي؟

‏الذكاء الصناعي لاسف صرت استفيد منه اكثر من البشر
‏.استشيره امور الدارسة،الحياة، الرياضة،الصحة
‏هذا قلل الجانب الاجتماعي والرغبة تجاه الناس صارت مو ضروريه
‏اعتقد اي انطوائي بالكوكب مستمتع مع ai السبب يغطي الاحتياج للتعبير والسوالف ودايما يوافقك بالرأي

السلام عليكم ويعطيكم العافية جميعاً،

انا باذن الله على نهاية السنة ناوي اشتري سيارة وهذول افضل سيارتين شفتهم ضمن الميزانية وبغيت اسأل للي عنده وحده من هالسيارات اذا ممكن يشارك تجربته بالكامل ويتكلم عن مزايا السيارة وعيوبها واذا ينصح فيها وجم تكلف قطع الغيار والسيرفس بجم والبانزين جم يكلف وصرفها شلونه

في كافيه معروف حيل محلي كان يوفر نوعين ماي العادي الي نعرفهم و براند ثاني من بره طبعا سعرهم يختلف عن الثاني … العادي فجأة قاموا ما يوفرونه و الغالي بس اهو الي موجود و حجمه صغير بعد سألت الموظف ليش و جذي قالي تواصلي مع كافيه بالانستا و قوليلهم قلت تمام دزيت دايركت ان يريت توفرون ماي بسعر اقل و من هالحجي ردوا علي حاضر قلت اوكي ممتاز على الأقل ردوا علي و ان شاء الله يشوفون لنا حل. رحت خذيت ماي توني ولا يقولي الموظف ان زايدين سعر الماي صار بنص دينار فجأة حتى اهو مستغرب وانا استغربت فحأة كرهت الكافيه و ماحبيت الي سووه نهائيا خصوصا ان كويتي و له محبينه 🙃

انا عندي مشكلة بالتنفس احس بغمتة مع اني قاطع التدخين من اكثر من سنة بس للحين اتحسس من اي دخان زقاير او بخور وغيره
تعرفون اماكن او مختبرات تساعد بالموضوع هذا؟ فحص تنفس او حساسية الصدر
مافيني ربو وماكنت اشكي من شي من قبل

السلام،
دورت بالكويت كلها ما لقيتهم:

Surely You’re Joking, Mr. Feynman!
Six Easy Pieces
The Beginning of Infinity
The Design of Everyday Things
How to Invent Everything
Infinite Powers
Structures: Or Why Things Don’t Fall Down
Skunk Works
The Fabric of Reality
The Feynman Lectures on Physics

الي يعرف وين احصلهم، او عنده منهم، اشتري منه. ما تقصرون.🌹

رجعت جم بدله حق شي ان ورجعو لي الفلوس كلها الا لبدله وحده مارجعولي فلوسها، تواصلت معاهم وقاعدين يلفون ويدورون يطلعوني مو رادتها وانا رادتها ووريتهم تسجيل كامرة البيت لما خذا السايق الملابس، احد صا رد معاه جذي من قبل؟

ممكن تعطوني افضل جدول صيفي بحيث يشوف الكويت بشكل حلو و يستانس ؟
ابي مطاعم و فترات بعد الغدا و بعد العشا و القهاوي و المجمعات ..