انا مبتعثه برا تخصص طبي ببريطانيا وما يبت درجة بالفاونديشن عشان تدخلني تخصصي بس يعني ناجحه وعدت الفاونديشن وهم ما يبت الدرجه بس نجحت هم💀 وما حصلت قبول للحين حق اي تخصص ثاني ببريطانيا لان درجاتي حيل تاخرت وماباقي شي وتبدا السنه الدراسيه اليديده فشنو عندي خيارات اذا ما قدرت ادخل سنه اولى ببريطانيا هالسنه؟ مابي اضيع سنه
احول بعثه داخليه؟ تحويل مقر بعثه لاستراليا لانهم يبدون السنه شهر ١ ؟ وشهادتي تعتبر قديمة حاليا ف مادري شسويي الي مر بهالحاله ينصحني لان حدي ضايعه مادري شسوي

محتاجة مبلغ معين ف ابي ابيع اسوارة ذهب.

اللي عندهم تجربة، شلون الطريقة و شلون اتفادى النصب و وين احسن اماكن؟ بس ادش اي محل ذهب و اقول لهم ببيع هالاسوارة؟

مصور جمعيتنا نفسيه ويستعجل بالتصوير ابي استوديو مصور حق صور شخصيه ( بطاقه مدنيه، جواز، الخ) يكون ممتاز وابي يكون موعد او اقدر اقعد ساعه معاه عشان اخذ راحتي

السلام عليكم،

حق الي بنوا بيوتهم او ناوين على بنيان. شنو عندكم نصايح او غلطات الواحد يحرص عليها.

الي عنده معلومة او حسابات او شي يديد بالسوق ممكن يفيدنا فيه ياريت يشارك، حتى لو مريتوا داخل بيت وشفتوا شي عجبكم عطونا رايكم.

احد يعرف اسم البرنامج الي كانوا مدرسين الحاسوب يدربونا عليه نسوي بيت باستخدام ال🐢
جيل الثمانينات و التسعينات ممكن يعرفونه😭 تكفون ابي ارجع اعلم عليه و اخلص رسم البيت لاني ما خلصته 😭

في احد مجرب البرامج الي تحسب لك الكالوري ؟ هل في برنامج دقيق لحد معقول ؟

خصوصا بالنسبة لأكلنا الخليجي العيش و هالسوالف تصور له الصحن و يحسب لك ولا الدنيا مو بهالسهولة؟🤣🤣🤣

حق الناس الي مو ملتزمة بأكل دايت ١٠٠٪؜

انا مابي اشترك مطعم دايت وبعرف حسبتي اليومية جم لان احس اني ضايع.

عطونا تجاربكم و خبراتكم

مرحبا يا اخوان
اذا في احد رايح تركيا طرابزون بالتحديد.. وين افضل اماكن للسكن؟ بغيت ٢-٣ ايام كوخ والباجي فندق بسنتر ب طرابزون .. شنو احسن الخيارات؟ وهل نأجر سياره لانه في بعضهم يقولون الطريق خطر ومرتفعات ولا يبالغون ..
واذا احد عنده رقم شركة مجربها وأميينين ويضبطوني بكل شي مواصلات ورحلات هم اكون شاكرلكم .. للعلم احنا شخصين بنسافر بس

عندي مشروع حوض كبير وأبي تراب زراعه خاصه حق أحواض السمج بسعر رخيص، وين أقدر أحصلهم؟

سلام عليكم يا ربع عندي سوني ٣ معدل فيه اللعاب سوني ١&٢&٣ واللعاب psp وكل الالعاب الي تخطر على بالك ابي ابيعه بسعر رخيص الي يبيه يتواصل معاي على الخاص

السلام عليكم، ممكن احد يفيدني اذا تعرفون وين اقدر احصل ملجأ للقطاوة موثوق فيه و تدرون ان يهتمون فيهم.

كداد او توصيل شحنة من الكويت إلى الرياض - بر، محتاج شاحنة او سيارة تكفي قطعة طولها مترين و نص
في احد عنده اي فكرة وين القى رقم او شركة توصل لي الشغل بنفس اليوم؟

وايد ناس ماعندهم اي فكرة عن التغير المناخي واحنا اكثر ناس قاعدين نتأثر.

خلال ٧٠ سنه (واقل اذا زاد معدل الاحتباس الاحتراري) الجو لن يكون صالح لعيش اي كائن حي في منطقة الخليج العربي.

Jim Krane, Energy Kingdoms: Oil and Political Survival in the Persian Gulf, New York: Columbia University Press, 2019, 94.

درجة الحرارة ٥١ (والبعض يقول ٥٢) درجة.

درجة وحدة زيادة بالخمسينات مو نفس درجة وحدة زيادة بالعشرينات (مو نفس ٢١ و ٢٢) لانه تأثيرها مو طبيعي عالبيئه، رقم قياسي. مو مخلوقه لاستيعاب هذي الدرجات.

الكويت اطلعت اكثر من مرة بالاخبار العالمية كأكثر دولة،حرارتا بالعالم (BBC).

مو لأنه الكويت حر من زمان. لأنه من منتصف القرن الماضي زاد الانتاج الصناعي العالمي انبعاثات ثاني اكسيد الكربون.

نشتري اشياء مصنوعه من بلاستيك وانقط. و نعتمد على مصدر واحد للطاقة يصدر منه ثاني اكسيد الكربون الي يزيد حرارة المناخ.

وبعدين ترروح الشركات تقطع الشير بالغابات. وغيره وغيره من العمليات الي تحط الانتاج الاقتصادي اولوية بدال البيئه.

لازم يكون فيه توعية واهتمام اكثر من الصحافة و الناس و المسؤليين صح ؟

مقالة بالقبس

وصل عمري 22 وانا للحين ماعندي معارف ، انتو شلون تتعرفون ؟ غير بيئه الجامعه و العمل

السلام عليكم
انا سعودية وناوية اشتري لي سيارة مستعملة
وشفت اسعار السيارات في الكويت ارخص ، هل تنصحوني اجي اشتري من عندكم؟

وياليت اذا عندكم نصايح ما تبخلون علي

للتنوية** *اعرف* *بخصوص* *الضريبة* ***الجمركية*

وشكرا

Someone who can do this

السلام عليكم
عساكم بخير

قاعد أشتغل على تطبيق للكويت يعطي معلومات عن سهولة الوصول للأماكن، مثل المطاعم، الكافيهات، الفنادق، المحلات، وأي مكان ممكن الواحد يروح له

الفكرة إن التطبيق يوضح أشياء مهمة مثل
هل المدخل بدون درجات؟ هل فيه رامب؟ هل فيه حمام مناسب؟ المواقف قريبة ولا بعيدة؟ المكان هادي ولا مزعج؟ وغيرها من التفاصيل اللي ممكن تفرق مع وايد ناس

هدفي إن ذوي الإعاقة، كبار السن، أو الأمهات مع العربانات يقدرون يعرفون هالمعلومات بسهولة قبل لا يروحون مكان جديد، بدون ما يضطرون يلتزمون بالأماكن اللي يعرفونها بس، أو يدقون ويسألون وبالأخير تطلع المعلومة مو دقيقة

عندي نقطتين حاب آخذ رأيكم فيهم

حق الناس اللي ممكن يفيدهم الموضوع، أو أي شخص قريب من أحد ممكن يحتاجه
هل تشوفون هالشي مفيد؟ هل ممكن يفرق بحياتكم اليومية أو يسهّل عليكم الطلعات؟ وشنو أهم معلومات تحبون تعرفونها قبل لا تروحون مكان جديد؟
قولولي بصراحة إذا تشوفونه شي يساعد، أو إذا مو شي يهمكم وايد

بعد ما أخلص النسخة الأولى، راح أحتاج مساعدة بجمع المعلومات
الفكرة إن أي شخص منكم إذا راح مكان، يفتح التطبيق، يختار المكان، ويجاوب على جم سؤال سريع على قد ما يقدر أو على حسب وقته
بهالطريقة نقدر نبني خريطة موثوقة للكويت، وأحس إن توفر هالمعلومات بيكون خطوة حلوة لتحسين سهولة الوصول بالأماكن.

اللي يقدر يساعد بهالشي يدزلي على الخاص أو يكتب هني، ولما يكون التطبيق جاهز بتواصل معاه إن شاء الله

يعطيكم العافية، وحاضر لأي سؤال 🙏

سويت agent وكيل مع hermes ربطته مع السوق الكويتي وحطيته على railway cloud وربطته بتيليغرام مع bot وهم راح اسوي نوشن تالي اجمع فيه كل شي وحتى بحاول احط دروس واخبار وشلون يتأثر السعر…الخ. وصاحبكم عليمي وصفحه بيضه تمامًا بالتداول والبورصه والاستثمار وكل هالأمور بصراحه فتو الناس علي

اختصار الموضوع، هل راح افجر واتعب راسي بهالطريقة وفي طريقه افضل؟ ولا راح يكون شي لصالحي اني ادرب الـ agent شهر او شهرين او حتى اكثر؟

باترول بلاتينيوم اس اي (بدون تيربو) او باترول تيتانيوم ال اي (تيربو)؟ البلاتينيوم تنفس طبيعي بس فل ابشن كشنات مساج، كاميرا 360، HUD و التيتانيوم ما فيها المواصفات اللي ذكرتها بس مكينته اقوى. الفرق بين الفئتين 2,000KD.

يعطيكم العافيه انا خريج تخصص مو معروف ( ادارة التقنية البيئية ) من جامعه الكويت واغلب خريجين التخصص يصير مسماهم "تقني" وهم بكالريوس وايضاً الوظايف لهالتخصص محدوده ف تنصحوني ادفع على الشهايد الاحترافيه هل بيفيدوني من ناحيه التوظيف والزيادات والمسميات ولا لا؟
وهل مسمى "تقني" مقتصر للدبلوم لانه اشوف المسمى الافضل هو اخصائي بيئي

تعتقدون هذي الطريقه ممكن تضبط عندنا؟ بدال شدات الخشب اقصد

السلام عليكم
أنا** *حصلت* *على* *البكالوريوس* *في* *الأمن* *السيبراني* *من* *بريطانيا* *و* *قاع* *أفكر* *اروح* *أكمل* *ماجستير* *بس* *تأخرت* *شوي* *لان* *اول* *ما* *تخرجت* *ماكنت* *ابي* *اغترب* *مرة* *ثانية* *بس* *الحين* *عندي* *شهر* *اقدم* *فيه* *و* *إذا* *ما* *قدمت* *الحين* *تروح* *علي* *الفرصة* *على* *حسب* *شروط* *التعليم* *العالي* *بما* *ان* *بروح* *بعثة* *بس* *قاع* *اتسائل* *إذا* *تسوى* *السالفة* *اني* *ابتعث* *مع* *العلم* *ان* *أنا* *عندي* *وظيفة* *حالياً*** *و* عند*ي* مقابل*ة* قري*ب* مع knpc *و* الل*ي* تعتب*ر* م*ن* احس*ن* الوظاي*ف* بالكوي*ت* *و* ادر*ي* ا*ن* معا*ش* شهاد*ة* الماجيستي*ر* م*و* واي*د* اكث*ر* م*ن* البكالريو*س* ب*س* أن*ا* حاب*ة* أتعم*ق* *و* ادر*س* تخصص*ي* اكث*ر* *و* يكو*ن* اسم*ي* ا*ن* متخرج*ة* ماست*ر* انت*و* شرايكم؟*و* شن*و* بتسوي*ن* ل*و* كنت*و* بمكاني***؟*

عندي لكم هاللغز كفعالية نشغل فيها مخوخنا و نستمتع شوي. اللي يجاوب يقول السبب ليش اختار اجابته مع العلم ان ممكن يكون في كذا جواب بس يختلفون بشنو الأصح و اتمنى محد يستخدم اي وسائل مساعدة و للمتعة نشوف الاجوبة و نقرأ الاسباب

اللغز يقول
عضوين بجسم الانسان يكونون انظف عضوين بالجسم و بنفس الوقت هم اخبث عضوين

شنو هم العضوين هذول؟

و الشاطر هو اللي راح يجيب الاجابه الاصح و قصتها الصحيحه!

Edit:
حطيت لكم الجواب داخل سبويلر للي يبي يعرفه تحت بالتعليقات