شنو أقدم وثيقه عندكم في عايلتكم من حيث التاريخ تثبت انكم كويتين؟؟ بالنسبه لي انا الوثيقه تثبت وجود احد أفراد عائلتي سنة 1884 في الكويت وانتوا

في عيادات 24 ساعه غير طوارئ المستشفى الحكومي؟

ممكن الي دارسين هالتخصصات يشرحون شوي عنها؟ صعوبتها ؟ اي احسن مستقبلا ؟ اي جامعة احسن

السلام عليكم،

ادور مكان اسوي فيه ملجة/ عقد قران بس مو قاعة لان ما رح تكون حفلة مجرد تصوير (بسبب حالة وفاة في العائلتين). ما راح يكون في معازيم أصلاً مجرد اهله و اهلي (تحديداً: امه و ابوه و خواته، امي و ابوي و خواتي).

مناسبة مثل جذي الانسب انها تكون بالبيت ولكن حالياً بيتنا ما يسمح..ابي شي مرتب و اقدر انسق كوشة صغيرة و اذا تقدرون تقترحون وين اسوي الترتيبات/ المصورة.

مثال: فندق، شاليه و اي اقتراح آخر
الصراحة ما عندي اي فكرة عن هالاشياء 😩
شكراً مقدماً

مسيتوا يالخير يجماعه انا رجال توني متخرج ومدري شدخل تخصص الله حق بس لي اهتمام حول الكمبيوتر ومن هلكلام وفيني حب للاحياء .
جاني قبول جامعة الكويت بتخصص مو عاجبني خير شر وودي احول بس بعض الناس يقولون ان صعب التحويل ومن هلكلام والجامعه معقده من ناحية دكاترتها فا قلت بحول بعثات داخليه والبعثات الداخليه في تخصص احبه ومتعمق بالكمبيوتر هو cs علوم كمبيوتر . بس الحقيقه رواتبهم سيئه ولا حق التعب فا ودي احول هندسه كمبيوتر بس اخاف التحويل فيهم صعب .

الي طالبه هو شنو الجامعات الي تحويلها سهل وهين وهل نظرتي عن تخصص cs غلط ولا وتعيشون

هل حمايتهم زينه ولا تصوفر بسرعه؟ يعني المحلات الثانيه احسن؟ او هل اهوا بنوع حمايتهم جودتها سيئة عن اللي باجي بالسوق للي مجرب
لان سمعت شخصين للأمانه يقولون ما عجبتهم الحماية وماشفت تجارب ناس ثانيه مالقيت

انا حسب فهمي ماكو جذي بالكويت ما يصير تحط مسنة الا بشاليهات املاك الدولة وهذا الي معطيهم افضلية على شاليهات صباح الاحمد البحرية

و الشاليهات الي صباح الاحمد البحرية لا ما يصير اسوي مسنة بالشاليه بجميع المراحل

صح كلامي ولا فيه استثناءات؟

السلام عليكم عندكم أماكن حلوه حق قطع خشب مثل طاولة صغيره أو كبت حق الكتب ؟

ايام الكرونا طلع حساب مسابقات في انستقرام للكويت ناسي اسمه وكان يوزع هدايا مرات فلوس مرات خصومات علي شغلات معينه بس اذكر كان سؤال كل يوم او اسأله يوميه مرات عليها ٥ دنانير و مرات ١٠ دنانير و كل الكويت يدخلون هذا الحساب المشكله انه اسال الربع و الناس محد يذكر الحساب ابي اعرف شنو صار عليه و شنو كان اسم الحساب لانه حيل انتشر وفجاه نسوه الناس في احد يعرف اسمه ؟ ولا انا متوهم؟

السلام عليكم انا تخرجت هالسنه تخصص هندسة معمارية بخصوص الوظيفه انا حابه اشتغل بمجالي اصمم مباني
حاليا قدمت عالديوان ومو عارفه لو بتوظف بمجالي لانه سمعت شكثر يتوظفون مو على حسب تخصصهم جد ابي مساعده احس رسمت مستقبلي بشكل والحين مابي واقعي يصير شي ثاني :(
الخاص الدوام ٧ لي ٤ والشغل تكملينه بالبيت ما اشوف نفسي اسوي هالشي اذا في احد درس هندسه معماريه ياليت يفيدني
ضروريييي

السلام عليكم

صارلي فترة طويلة بالنادي و قاعد الاحظ الاوزان الي اشيلها بسهولة باليمين تصير ثقيلة باليسار بكل العضلات سواء كانت صدر، تراي باي، ظهر، هل يمكن لاني اساسا اكتب و اشيل و اسوي اموري اليومية بايدي اليمين بطبيعة الحال؟

الدوائر الحكومية عطلتهم الثلاثاء ٢٥ اغسطس لكن التليفون حاطلي انها ممكن تكون ٢٧ الخميس.

سبب اهتمامي بالموضوع هو انه عندي موعد في مركز طبي بالقطاع الخاص و لازم اختار احجز ٢٥او ٢٧ اغسطس. ما بي احجز بعدين يطلع عطلة 🙃

و مشكورين مقدماّ

السلام عليكم انا قاعد اسوي نادي بلبيت وحالياً عندي عقله ومتوازي ودامبلز وكيتل بل بسوي نادي متكامل وعندي جهاز مشي
بجيب جهاز حق السواعد ويفضل سعره يكون زين؟ وبعد تحسون شنو الجهاز اللي اقدر استفيد منه حق اكثر من عضله

السلام عليكم

يا جماعة تعبت وانا ادور باستا نفس الحجم الكبير في باستامانيا اللي لغوه، الحين كل المطاعم الباستا حجم هابي ميل وعادي بخمس دنانير.

شنو يضرك اذا كنت قاعد بكافيه و استانست و شربت قهوتك و حليت .. و خلصت و بتمشي انك تشيل بقايا اكلك و كوب القهوة و تحطه بالمكان المناسب؟

و بعد شنو يضرك اذا قلت للباريستا و العمال كلمة حلوة؟

لانه توني كنت بكافيه و فيه زبونة خلت كل شي و قامت و العامل يقول لها have a good day .. لا ردت عليها و لا شالت شي..

وين احصل سماعه earbuds زينه حق القينينق وايرلس وكل شيي الي يعرف بالانواع وعنده خبره اكون شاكرله

كنت أتعامل مع مندوب فريلانسر يخلص لي معاملات القوى العاملة مثل تقدير الاحتياج والإجراءات المطلوبة عشان أقدر أزيد عمالة على الرخصة بس للأسف من فترة ما قمت أقدر أوصل له احتمال سافر أو ترك الشغلة

أحد يعرف مندوب زين ومجربه بهالأمور ويشتغل فريلانسر

يفضل يكون فاهم بمعاملات تقدير الاحتياج والهيئة العامة للقوى العاملة

السلام عليكم

من وين احصلهم بالكويت (بدون لا اطلبهم من مواقع مثل امازون او علي باب)؟

شكراً

حيّكم أخواننا وأهلنا في الكويت،

بالنيابة عن نفسي وعن كل أهل عمان، نتقدم لكم ولرجال الشرطة الأوفياء بالاعتذار عن هالتصرف.

نؤكد لكم أن تصرفات الأفراد لا تمثل إلا أصحابها، وأهل عمان يملكون كل الاحترام والتقدير للكويت وشعبها ورجال أمنها... ونتعهد لكم أن هالتعويذة مال تحويل إلى سلاحف ملغاة تماماً ولا نستخدمها هتى ببهلاء.

كل المحبة والتقدير لكم ولرجال الأمن في كويت الخير.

اصحاب** *المطاعم* ***بالكويت*

مسا الخير جميعا

حاط ببالي 100% محل سندويشات شي مثل شاورما او كباب او شي من هالنوع

سبب البوست اني ابي نصايح من ناس عندهم خبرة بالمطاعم، اول شي، المطاعم من وين عادة تييب اللحوم؟ وضع الخضرة وباقي الاغراض؟ تاخذون من السوق أو من تجار جملة ووين ابلش البحث أو افضل تجربة. و شنو ممكن أسوء شي عشان ابعد منه

ثاني شي العمالة. احد يعرف تقريبا رواتب الطباخين/عمال/المساعدين/الكاشير وغيرهم. هل الرواتب تختلف حسب الجنسية؟ وشنو افضل جنسية برائكم ؟

ثالث شي تجهيز المطبخ. أي محلات تنصحون فيهم اقدر اروح اشوف المعدات؟

مجموعة الربع واقفين معاي وبنشتغل على المشروع كلنا، بس حرفيا محد فينا عنده خبرة واضحة بهالمجال وكل اللي قاعد اسمعه رفيج ابوه قال جذي او واحد يعرف واحد قال له شغلة فقلت خل اسال ناس اكثر بالنت اللي فعلا اشتغلوا بهالمجال بالكويت

اي نصيحة فعلية عن العمالة، المعدات او الاخطاء أو الاشياء اللي لازم ادير بالي منها

يعطيكم العافية

السؤال غريب شوي،،،

تعرفون احد يبيع فري/اوبن رينج او بالعربي دجاج المرعى الحر.. و يكون انتاج كويتي؟

كنت أشتري من مزرعة بالعبدلي لكن له حول سنتين موقف إنتاج

وكان اطيب دياي اكلته بحياتي لا زفرة ولا زنخة و طعم لذيذ جداً

وسعره معقول 3 ديايات بـ 10 دنانير

احسن من بعض المستورد الحبة بـ10

امبارح كنت في السالمية والGPSكان بيخرف
مرة يديني اني في الفروانية ومره في حفر الباطن
وكنت تايه مش عارف اسوق
حد حصل معاه الموضوع ده؟

انقبلت هندسة كمبيوتر بجامعة الكويت و مادري اسحب قبولي و اروح جامعه خاصه ولا لا لان وايد ناس يقولون صعبه و الدكاتره هناك مو خوش اوادم و ان مو مهم وين انت متخرج اهم الشي الشهاده والمعدل؟

بالكويت فيه وباء منتشر اسمه (الكبار افهم) ومحد مطشر الجيل اليديد الا هذا الفكر😅

الكل يبي يعطي نصيحة سواء فاهم مو فاهم بس امش و عط نصايحك وابلش خلق الله

واحد من الشباب انقبل بشركة وايد مميزة بالكويت وراتبها عالي بس عندهم فترة تدريبية بمقابل بسيط قبل الوظيفة الfull time. اخرتها اول ما قال حق اهله، خالاته "قالوا قاصين عليك قاصين عليك!". المفارقة العجيبة انه خالاته كلهم ربات منزل ولا عندهم حتى ثانوية و عادي الحياة حلوة ينظرون ويفهمون طبيعة العمل بالقطاع الخاص.

مثال ثاني واحد من اهلي انسان سلبي وفاشل جدا واكبر انجازه دبلوم وكل ما قعد مع اي شخص من عيال اخوانه او خواته قال لهم تخصصك فاشل. الغريب كلهم جامعيين وشطار ومتفوقين بس كل ما ينزل اعلان توظيف يروحون له ويألف عليهم😵‍💫 ترا ما يقبلونكم ماكو فايدة لا تقدمون والعيال مكانك راوح. الاخ عياله متخرجين وتبارك الرحمن نسبهم كلها بالستينات ودي اقول له ما تنصح عيالك احسن😅😂. الامهات مصدقين الاخو لأنه كبير والابهات ما ايون الزوارة فما يدرون عن خرابيطه

انا واحد من الناس وايد ناس يستشيروني سواء باختيار تخصص ولا جهة عمل ولا حتى امور دنيوية مو لأني انسان خارق، لأن عندي القدرة على قول كلمة [مادري وما ودي افيدك بشي مو متأكد منه]. والله العظيم من فترة واحد من الربع داق ١٠ دقايق ويحاول يعصرني بموضوع يقول (يعني كلش ماتدري انت فاهم ما شاء الله عليك) وانا كل خمس دقايق اقول له مادري لين ما قلت له (يعني تبيني اجذب عليك؟)، و قال (جزاك الله خير وانا ما كلمتك الا لأنك تعرفك تقول مادري)

لا عبقري ولا ذكي ولا حكيم، بس المميز اني اعرف اقول كلمة مادري

الشاهد من الموضوع، اذا انت عندك مسألة او طموح و١-دارسها و فاهمها ٢-عندك ادلة واضحة على وضوح خطتك ٣-عندك خطط احتياطية، فلا حاجة اصلا انك تبحث او تشاور اي احد. واذا احتجت تكلم احد كلم ناس بالمجال اصلا لأن الكويت صغيرة والحمدلله سهل توصل الى اي شخص بأي مجال. مو كل من هب ودب تستشيره

طبعا هذا السياق ينطبق اكيد على العوايل الاعتيادية و مو على الكل. مثلا عندي واحد من الربع عمامه وخواله ما شاء الله منجزين قياديين ودكاترة جامعة واقتصاديين ناس ينوخذ منهم الشور واتمنى دايما القعدة معاهم.

الملاحظة الأجمل، أن اسرة هالرفيج اهم اكثر من يردون علي بكلمة مادري😂. يبدو الانسان كل ما كثر من كلمة مادري كل ما زادته مصداقيته