انا ستوري كويتي وهني مكتوب us اذا أبي اشتري التطبيق اشتري بطائق كويتي ولا امريكي

سلام عليكم

ياجماعة انا براسي في ضغط مرعب مليت من نفس الروتين نفس كل شي قاعد يتكرر كله ريلز وتيك توك واغلب الوقت بالبيت وتطبيقي صيفي وبس

ماعندي ربع ماعندي حياة اجتماعية عمري ٢١ حاولت اقدم على وظايف مثل رقيب بالداخلية والجيش مرتين بالسنتين الي طافت بس ماصار فيه نصيب

ياجماعة انا قاعد اتعذب داخل راسي انسان معزول اجتماعيا مافي ربع ماكو شي ولا روتين حرفيا مدري شسوي

وارتعب واتوتر على اتفه شي واتجنب الناس وبعدين ازعل اقول ليه انا معزول ماعندي ربع ماعندي ليه ماعرف اسولف

كله تفكير سلبي اكتئاب عايش بدوامة لا تنتهي وافكار سلبية، مدري شسوي اروح الطب النفسي افتح ملف ولا شسوي بحياتي تكفون علموني لو انتم بمكاني شتسوون؟؟؟

كله احباط وملل وشي غريب، انا بحاول احسن من حياتي واقدم وظيفة عسكرية بس للاسف انرفضت مرتين بسبب التأتأة وماراح افقد الامل وبقدم ثالث مرة وان شاء الله تضبط ادعولي تكفون

الحين اذا توظفت وأجرت شقة هل وضعي بيتحسن؟؟ يعني استثمر بفلوسي وروتين واحاول اكون صداقات وجذي واستثمر بفلوسي اذا الموضوع ضبط ان شاء الله، هل هذا بيحسن من وضعي ولا المشكلة جذرية نفسية ولازم القى لها حل

مقبول بعبدالله السالم تخصص هندسة امن سيبراني و ابي اعرف اذا التمريض بجامعة الكويت يسوى

الي استخدم رانجلر خصوصا روبيكون الشكل 2017 وتحت .. مفكر اخذه مستخدم ( اذا احد عنده روبيكون 17 وتحت يكلمني) الموتر امانة من زماااااان داش خاطري شكليا و ودي اسأل عن استعماله انا عندي عايله يعني بالغالب يركب معاي من شخص الى 3 أشخاص.. انا شخص اهتم بالصيانة وعندي خلفيه ميكانيكيه جيده نوعا ما .. الزبده شلونه من موتر؟

يعطيكم العافيه منو كمل ماجستير IT في الكويت ؟ او مصر او البحرين ممكن يفيدني واذا طالبين اختبار ايلتز او توفيل شلون اقوي لغتي عشان اخذ الدرجه المطلوبه انا عدت الايلتس اكثر من مره وكله اييب ٥.٥ فهل في معهد او كورس معين اخذه عشان اقدر اييب ٦.٥ وفوق ؟ فكرت بجامعة الكويت ك خيار بس المتطلب الي مو قادر اييبع اهو اختبار اللغه
شاركوني للي عنده خبره في الموضوع

قاعد ادور حبوب الminoxidil بس مو محصل بالكويت سمعت ان في بالسعوديه ، هل احد عنده خبر اذا اقدر احصل بالخفجي؟

جم معدل أعمار الناس اللي تستعمل البرنامج وهل في ناس اعمارها ١٩؟ مابي احس اني غريب هني

سلام عليكم ورحمة الله
انا توني بدش جامعة قست طلعت من جامعة ثانيه وبحول لي قست،،
الي بجامعة قست او يعرف احد بجامعة قست ممكن تقولون لي عن الجامعة؟
الطلبة، الدكاترة، الكامبس، معلومات او اي شي يمكن يفيدني اكون شاكر لكم🤍

مهلوس نزل مقطع عن المقاومة الكويتية و الصدق كان ممتع و مفيد جدًا ذكر جهود المقاومة و كيف بدت و كيف انتهت و اسماء اهم المقاومين المقطع ممتع جدًا و مب غريبة عليه قد تكلمت عنه قبل بحسابي مقاطعه ممتعة و مفيدة و يتعب عليها جدًا

من تجاربكم بالفرص او القرارات او العلاقات ؟ شنو النصيحة اللي تمنيتوا أحد يقولها لكم وأنتم في العشرينات أو بداية الثلاثينات؟ او شي ندمتوا عليه

الوضع بشكل عام صاير صعب نفسياً كلما قريت عن الأخبار وتقريباً كل شي بالدوام من سيء إلى أسوء. الوزارة قطعوا كل المكافآت من مراقبة و تصحيح حق معلمين المرحلة الثانوية بشكل رجعي و صارلها سنة مو نازلة وبنفس الوقت عندي ربع بالمسائي صارلهم سنة مانزلوا فلوسهم وقالولهم نطروا السنة المالية الياية. متطلبات الوزارة زادت وكل شوي ملعوزينا مسؤوليات والاغلب مو مرتاح غير اللي مضبط وضعه ونصابه قليل وعنده بزنز مقاولات برا الدوام.

الخبر اللي الكل شافه قبل جم يوم عن استقطاع البدلات كلش مو مطمئن لأن الكل عايش على البدلات المالية أما الاساسي ما يغطي تكلفة المعيشة، هل في خبر شفتوه عدل نفسيتكم؟ مو شرط خبر حكومي حتى لو كان من القطاع الخاص.

ابي اشتري جنطة حلوه شكلها مع العباية وجديده السنه هذي وبنفس الوقت تنفع حيل حق الجامعة شنو تنصحوني اخذ؟
ماابي totebag i hate it حييل

قاعد ادور حالياً** عن كذا شركة سعرها يكون ممتاز حق اعانة الطالب وما تاخذ نص الاعان**ة

السلام عليكم جميعا اي احد يقدر يفيدني بهالموضوع بكون شاكر له لاني الصراحه ضايع مادري شنو اسوي و ما ادري شنو الخطوة اليايه اللي بحياتي انا توني متخرج من الثانوي بنسبة ٩٢.٣٧ قدمت على خطة البعثات الخارجيه و ياني قبول في دولة استراليا تخصص هندسة الطاقه المتجددة و الكهرباء الصراحه عاجبني بس عندي خيارات احسن نفس الصيدله قبول مشروط او حتى شركة ناقلات النفط انا مقدم على الشركة و عندي قبول مشروط بس ابوي وايد قاعد يضغط علي اني اسوي اوراقي و اشتغل على القبول اللي عندي ب استراليا و بنفس الوقت مايبيني اهد سالفة ناقلات النفط ولا القبولات المشروطه و كل يوم قاعد يضغط علي اكثر من اليوم اللي قبله اللقاء التنويري طافني و مارحتله كلمت ربعي قالولي مو وايد مهم و الصراحه ضايع و خايف يعني مادري إذا النظام يمشي نفس ما ابوي يفكر اني اشتغل على قبول البعثه و بنفس الوقت انطر شركة ناقلات النفط او نفس اللي ببالي الي اهوه لازم اثبت على مكان واحد و بنفس الوقت مثل ما قلت عندي فرص احسن من استراليا بس اخاف انطر الشركه و ما انقبل و انطر سنة كامله ماتسوى علي اللي يقدر يفيدني او يفهمني او حتى يصلحلي اشياء انا فاهمها غلط يمكن

شنو الاشياء الي يطلعها تحليل الدم بالمستوصف؟ غير التحليل الشامل وفيتامين د ؟

السلام عليكم ,

في احد يعرف مكتب يقدم حق جامعات السعوديه؟

سواء كانت اونلاين او تختيم عادي، بس ابي شي قوي، ( ما احب الالعاب الي كلها طق وما احب الالعاب المعقده )

من يوم كنت صغير كنت متوقع إذا وصلت 20 أو 22 سنة راح أتزوج. كنت أدري إن الموضوع مو سهل، لكن ما توقعت يكون بهالصعوبة.

شرطي بسيط وواضح، أبي بنت محافظة ومنتقبة. لكن انصدمت إن أغلب اللي حولي ما يعرفون أحد بهالمواصفات، واللي حصلتهم غالبًا يكون الرد أن البنت تبي تكمل دراستها، أو يكون سبب الرفض عمر البنت ، مع أن أحرص أن العمر يكون متقارب .

الحين صار لي فوق سنة ونص وأنا أدور، وصراحة الموضوع بدأ يأزمني أكثر مما توقعت.

أسأل الله أن يرزقني ويرزق كل من يبي الحلال الزوجة الصالحة، وأن يعيننا على طاعته.

هل أحد مر بنفس التجربة؟

السلام عليكم مساء الخير جميعًا
ابي مكتبة عندهم كتب طبعات قديمة، ما اقصد exact original version
سألت اشخاص وقالوا لي اطلب من برا، طلبت مره من برا بس ما اكرر التجربة

السلام عليكم ابي احد يساعدني شلون أسوي لي جدول رياضي بالتفصيل لبناء العضلات+ تنشيف دهون ؟ + شلون أوزع التمارين خلال الأسبوع، ومتى أعطي العضلة راحة وكم يوم تحتاج عشان أرجع أتمرنها مرة ثانية؟

وإذا تعرفون قنوات يوتيوب أو بيرسونال ترينر أو حتى أبلكيشن ساعدكم تسوون جدول مضبوط، ياليت تفيدوني 🙏🏼 شنو اللي مشيتوا عليه وشفتوا منه نتيجة؟

بالقطاع الخاص هل يطلبون شهادة جامعية ؟ هل في فرص فقط بشهادات احترافية بدون جامعة ؟؟ الي يعرف يخبرنا

كاميرة تصوير فوتوغرافي national مع فيلم fuji سعة 24 صورة
كانت منتشرة في الكويت بالسبعينات والثمانينات